Amavesi eBhayibheli adumile avela kokuthi Matayos 6

Dlulisela

Entang'as eng'orutu enkarsishu Engai o esupato enye, neponikini ndai kuna pookin.

Akae, emiekenyakino entaisere, amu eshilaa entaisere mbaak enyena. Ebaiki neata engolong' pookin entorroni enye.

Onaa aliki ndai: Emiekenyakino empuan inyi eninyanya o eniokioko, baiki seseni linyi eninjopishopo. Melang' empuan endaa? nemelang' osesen olkila?

Kake teni isaisho iye, tijing'a olgilata lino, ngeno kutukaji ino, pisai Minyi lino ishuma; nikirrinyoki Minyi lino lodolita nashuma, tʼewuas.

Akae, entasaishoto ndai nji: Papa lang' litii shumata, njesinyari engarna ino! Njelotu enkarsishu ino! Njeaku eyeunoto ino tʼenkop anaa peaku te shumata!

Njoo yook taata endaa ang' nabaiki yook!

Tung'aiki yook silen inono, anaa piking'uaiki si yook loo silen ang'!

Mirik yook atua enkitasuroto, kake ntopua yook tʼentorroni! Amu era enino enkarsishu o engolon o enkitook nkatan pookin. Amen.

Amu teni ing'uaikiki iltung'anak nkitarruot enye, neing'uaiki baiki ndai Minyi linyi le shumata.

Eng'orai ntaritik e shumata, aajo meun nemeisambu nemeiturrur ninje too mbejen, kake eitoti Minyi linyi le shumata ninje. Miororere ndai aalang' ninje?

Eminturrurroki aten masaa tʼenkop, peitarruo lai-ng'ur o endoran, nejing'aki lapurrok nepurroo; kake enturrurroki aten masaa te shumata nemeitarruo laing'ur, baiki endoran, nemejing'aki lapurrok aapuroo. Amu enetii masaa inono, naa ine etii oltau lino.

Metii oltung'ani oidim aisyayaki laitoriak aare; amu elaibai obo nenyorru oliare, arashu eibung' obo nemenu oliare.

Teni eishop Engai olkujita lʼenkuruma nji, lotii taata nenang'akini taisere enkima — me naleng' eishop ndai, ndai lʼenkirukoto kinyi?

Kake teni injooio iye enkishooroto, njoo meyolo engaina ino e kedyanye enaitobirita engaina ino e tatene, peshuma enkishooroto ino; nikirrinyoki Minyi lino lodolita nashuma, tʼewuas.

Eng'orai, piminjoioio nkishoorot inyi t'engomom oo ltung'anak, peiye edol ninje ndai; amu teni inkoko neijia, mitumutumu olkwaje te Minyi linyi otii shumata.

Teni ipukooko, eminyanyukiei laitusupatuok ooata nkirribon naasoto, amu eitaal nkirribon enye, pelioi too ltung'anak, aajo etupukoitie. Japa, aliki ndai: Eidipa aainoto ninje olkwaje lenye. Kake teni ipukoo iye, ielie eilata elukunya misuj engomom ino, pimilioi too ltung'anak itupukoiye, kake te Minyi lino oshuma; nikirrinyoki Minyi lino odolita nashuma, tʼewuas.