Amavesi eBhayibheli adumile avela kokuthi Yowano 14

Dlulisela

Nguli nakumisela kuunda, kuunda chami nangumihanacho. Aminyi, kangweshi kumihana ngana omu veji kuhananga vaka-kayeko. Michima yenu kanda nayilizakaminangako, chipwe kwivwa woma.

Yesu amukumbulwile ngwenyi, Ami yami Jila, yami Muchano, yami Mwono. Mutu naumwe wauchi mweza kuli Tata kuvanga hali Ami kaha.

Michima yenu kanda nayilizakaminangako. Fwelelenunga Kalunga, ngufwelelenunga nayAmi nawa.

Oloze Muka-kumikafwa, Shipilitu Wajila, Uze mwakatuma Tata mulijina lyami, Ikiye mwakaminangulanga vyosena, mwakamyanukisanga vyosena ngwahanjikilenga nayenu.

Ou atwama muvize ngwámilweza nakuvilinganga, ikiye vene ou anguzanga. Kaha ou anguzanga navamuzanga kuli Tata, nayAmi nawa nangumuzanganga nakulisololanga kuli ikiye.

Kaha Ami nangulomba Tata, kaha mwakamihana Muka-kumikafwa mukwavo, mangana akatwamenga nayenu lika, Ikiye Shipilitu wamuchano, Uze kavahasa vaka-kaye kutambula mwomwo kavamumonako chipwe kumutachikiza. Enu munamutachikiza, mwomwo atwama nayenu hamwe, kaha mwakapwanga muli enu.

Kaha cheshocho namukalomba mulijina lyami nangukachilinga, mangana upahu waTata usolokele muli Ami Mwanenyi. Cheshocho namukangulomba mulijina lyami, Ami nangukachilinga.

Nge mwanguzanga, kaha namulinganga mwaya vize ngwámilweza.

Muzuvo yaTata muli mautwamo amavulu. Nge kachapwile ngochoko, kachi ngunamilweze. Nanguya nakumilongesela chihela chenu.

Kaha omu nanguya nakumilongesela chihela chenu, nangwiza cheka nakumitambula mwize kuli Ami Ivene, mangana kuze nangukapwanga Ami, nayenu nawa mukapwengako.

Tomase amuhulishile ngwenyi, Ove Mwata, okwo nauya katwatachikijilekoko, nyi jila natuhasa kuyitachikiza ngachilihi?