Amavesi eBhayibheli adumile avela kokuthi MATIYE 24

Dlulisela

Gud bə minti baymeleŋ bə duusi wəra ablaw tə bə moŋ, bele bə minti kaa ablaw a bə juutuŋ bə arse yaŋ wəra. Səma hulum bə minti əsəŋ ne ŋəŋ ku kel teŋa hãã a me duŋ, wə seere yaŋ wəra.

*Kel pəsaŋ kəmarwaŋ té gə waate sam *Kumna kə Pepeŋ kəyaŋ, yə bə wəətəy yaŋ wəra a koŋa keɗe minti kaŋ əskə bar kəkəy bə cəərə kel teŋ la. Haa kəyaŋ, tewe bə koŋ tuli yaŋ faɗi gəm.»

Aŋ bə əskiti sam anə duuri bə səraŋ máŋ-máŋiŋ daana nayto too-too-to'iŋ yaŋ gəm. Aŋ a jeme walka ba, gud maa mo kel teŋ kir ji, paapa kəm tewe də koŋ faɗi ba.

Aŋ bə ase gidiirə kaa yaŋ bə piti cəərə gidiirə kaa gaalaŋa, seŋka mooto cəərə daalaŋ mooto gəm. Tay bə jəəti yaŋ daana seŋkaŋ bə miirtiti yaŋ a ko ta'-ta'i. Kar teŋ gila keɗeŋ, yə gə ŋarə-ŋere haa də gəəli bə minti həlgəŋ fəlu a kəkəy bə minti a ɗele weŋ.

Tarmə pepeŋ daana seŋkaŋ bə ji ajew na pəda, səma kel katən bə ji yaŋ saksaki.»

Gud maa mo, kaa ablaw piti yaŋ bə ji kusri damdi té kəna ten ana. Mindi mindi mo bə waate yaŋ minti tó kəna Kristu, *Hulum bə minti Pepeŋ ŋəmnuŋ! Kəya yə laŋte kaa yaŋ wəra ablaw faɗi.

Kəya yə bə ayaŋ yaŋ minti yə ləsaŋ la, yə bə awte sərdəŋ yaŋ wəra gəm. Gidiirə kaŋ keɗe bə məlaŋ dərəŋ yaŋ wəra gud səmana. A ko toŋa kəyaŋ, de kə kaa ablaw awte yaŋ wəra, yə bə jəəti akoloki cəərə kumsi daana yə malte dər kumsi yaŋ wəra ablaw gəm. Kaa ablaw ji kusri yaŋ damdi té *kaa kə jogte ku mini kə Pepeŋ ana, yə bə piti yaŋ apəya bə laŋte kaŋa wəra ablaw.

Yeesu hərnəy kel minti: «Aŋ jəə la wəra gə gunə-guni kir minti hulum a ləŋaŋ wəra ba.

Gud teŋa ta, aŋ gəm, aŋ əsə la wəra gə ɗampə-ɗampe, gud maa mo aŋ ase cəwa də minti Kormə Hulúm hare da dərəŋ ba.»

Aŋ gəm, aŋ jəə la wəra gə gunə-guni! Gud maa mo hi bə minti Barkaŋ nəətiŋ hare duru daŋ, aŋ paapa gə asə-ase duuru ba.

«*Kormə Hulúm hare da dər hi muntu mo, dər cəwa məntə moŋ, hulum anə məna paapa bə asə-ase ba; koo *kaa kə digi kə Pepeŋ, koo Kurmuyuŋ asaŋ bə gəm. Pep Abaŋ ɗaaməna bə asə-ase haa tó.

Gud maa mo kaa gə minti ji kusri minti té kəna Kristu, Hulum bə minti Pepeŋ ŋəmnuŋ, kumundu ba kaa kə jogte ku mini kə Pepeŋ, bə pi diri yaŋ ablaw. Yə jəəti kar kəmtəŋ gə ŋili kaŋ yaŋ bə ge dər minti haa də səɓaki kə Pepeŋ, daana yə jəəti miɗi kəmtəŋ yaŋ gəm kir minti té sə a nakə laŋ, koo kaa gə minti Pepeŋ ŋəmnəy wəra a kusruŋ, té sə a ləŋəy wəra.

Bə minti Kormə Hulúm hare daŋ, kel bə ji yaŋ haa damdi kel gə minti a jəŋ dər hi kə Noweŋaŋ ana. Gud maa mo ajew də minti kan kəmtəŋ kəm bay heŋ, kaŋ a bə hame, bə se, bə tope kərama, bə ayte kərməyiŋa a kaŋkar gəm hãã bə minti Nowe kəlaŋ giidə turti mootoŋaŋ. Kaŋ asaŋ gud kel gə minti bə ji yaŋ ba hãã də hi bə minti kan haŋ wəraŋ daana yə humnuy keɗeŋ gəm. Kel bə ji haa bədoona dege'-dege'i dər hi bə minti Kormə Hulúm hare daŋ.