Amavesi eBhayibheli adumile avela kokuthi Yohanise 14

Dlulisela

Modhetey hinukaaka yesoronikeko hinuse ta dhagge. Taakofa kese modheteko hinuse ta inge. Tani hinuse inge modhetey ha sahay hinuse inge modhete bisha maaquwasso. Hi muxhuroy hooddofe, yeydiwoni jhasshofita!

Yesuusani <<Ogey, aadey, yesoy tambako. Ta badena baaka nuwadeko yoonesi baasso.

Yesuusani sekke <<Hi muxhuroy hooddofe! Wonto aadexuwayte tambani aadexuwayte.

Nuwadey ta sunxuna hinuse anxe hinumba minxe Ayaana Geeshuko hinumba uddi erusesa. Hinuse ta zeerdosa e uddina hinumba maxusako e maxuse.

Ta woosso etti hanta gara feyssheshi ye esi tamba eehesako. Tamba eehesa nuwadeni eehako e eehe. Tanini ye esa eehako eehe. Esuse tambani beysako ta beyse>> yeydi e hido.

Tani nuwade shi'oko ta shi'e, esini hinunaara wolko koolo makkina yese hinumba minxarase fedako hinuse e inge. Ye esini aade eruse Ayaana Geeshuko. Ha saha axiti esa be beewwa gishaara be eruwa gishaara esa efese danda'uwasso. Hinunimay hinunaara wolko e yese gishaara hinukaaka yeso e mahe gishaara esa erako hi ere.

Nuwade kuxa fuulay yelena bentoronike ta sunxuna hi shi'esa e uddina mahoko ta mahe. Aba e maaqo'aykoni ta sunxuna hi shi'esa tani mahoko ta mahe>> yeydi e hido.

Sekke Yesuusani <<Tamba eeha'aykoko ta woosso hi kakke.

Nuwade zawaaka essa yesuso laga godoko yesa. Yeydi maaqe e dheeddakoma <Essa hi yese godoko naqiya ta hange> hidi hiwwadiko ta yecha.

Handi godo hinuse ta naddho geede ta yese godo taara hi yesoronike assi yoodiko hinumba ta aange.

Toomaaseni <<Laaxo! Aya ne hangesa eruwanxhiko. Waanisiwu ogeni erese nu danda'e?>> yeydi e oycco.