Amavesi eBhayibheli adumile avela kokuthi Dzwan 1

Dlulisela

A kwuni bù àghù yə̀ ghu kə ŋgwam na nəniy we, bɛmə nyə̀ yə̀ awò we, u nyə̀ tsə ghu nə̀ daʼa kiy nə̀ ghu doʼò àwa Kə̀zə̀.

 mbyi ani kaʼ tsə, Dzə̀ ə̀ Kə̀zə̀ kə də̀ ŋwô. Dzə̀ ì ghè yə̀ kə də̌ nə̀ Zə̀kìy, Dzə̀ ì ghè yə̀ kə də̀ sòʼo Kəzə̀.

Asə ə̀ zwe ghè yə̀ ə mwà nyi yə̀ an-a-ləm, ləm kiy kamə nəm maʼà kôʼ àsə ə̀ zwe a ghè yə̀.

Dzə̀ ì ghè yə̀ kə bù dòʼò bə̀ wû, nə̀ fòŋ ìdzòŋì yə̀ ì kwoʼ kpe doʼò nəniy, nə̀ àyiə àsoŋə̀. A mə kòʼ daʼa kə we kiy nə̀ à də̀ daʼa kə ù kə kəli nəniy təə kə̀lə̀kə̀lə̀ kə Wà nə ù ŋwò bə̂ awò Təli.

Zə̀kìy kə zəŋi ufyiə udzə̀m abidzəmə̀ dzə̀ ì ghè yə̀. Fyiə kə̀liy kiy way dzə kə̀mòʼ Zə̀kìy kə də kə̀ zəŋi nəway abidzəmə̀ we. Imuə̀ yìy kə̀ ŋwò bə̀ awò Dzə̀ ì ghè yə̀, imuə̀ yə̀ kə̀ bù àghè dzə̀m nə̀ asə ə̀ zwe yiy.

Abù tswu tswu wə, Dzwan kôʼ Yesù ù bè nəniy akə̀lə̀ we. Ù mee a ghu nə, “Ghà kôʼ Wà ndzù ə̀ Kə̀zə̀ yə̀ ì kì sûw miʼà nəniy ibɛb i aghè àdzə̀m yìy anə mbyi!

Ù kə də anə mbyi, aghě mbyi yə̀ kə kə̀ bwoʼò kôʼ kəli nə way we, də̀ aghii nə̀ Zə̀kìy kə zəŋi mbyi yə abidzɛ̀mə̀ we. U bòʼ bù kə awò àghě inaʼ i we yiy, ghu twe màʼà dyaŋi yə̀ sòʼò we.

Asə ə̀ zwe à soŋə̀ yə̀, a kə bù ani bù mwà dè bə̀ àghě mbyi nə̀ asə ə̀ zwe yiy.

Zə̀kiy kə ùlàŋ wìy nyiə̀ bə̀ abidzəmə̀ Musîs, a kwuni bû fòŋ we ìdzòŋə̀ yìy, nə̀ àyiə àsoŋə̀ yìy, Zə̀kìy kə nyə̀ bə̀ abidzɛ̀mə̀ Yesù Kə̀litò.