Amavesi eBhayibheli adumile avela kokuthi Кэздэто 3

Dlulisela

Атунчи жювли дыкхлас, кэ о дэмэльчё копаческо сас лащё хамаскэ ай шукар по дыкхипэ, ай кэ о копачи сас киваншагоско, сар годявэримаско пирово. Ай вой лас екх дэмэльчё ай халас лэс. Вой дас екх дэмэльчё ви ромэскэ, саво сас ласа, ай вов халас лэс.

Анда са вадна алатура, савэн кэрдас о Дэл Яхва, май бэндяло сас о сап. Вов пущлас э жювлятар: — Чячес о Дэл пхэндас: «На хан па чи соско копачи андэ рэйс»?

Мэ кэро холи машкар тутэ ай э жювли ай машкар тирэ парапутя ай лакэ парапутя: вон лэна тэ марэн тут па шэро, ай ту лэса тэ дындалэс лэн андэ пунрэски шарка.

Ай э жювлякэ Вов пхэндас: — Ту хаса кино, кана авэса кхамны: андэ барэ дукха кэрэса щяворэн. Ту киваныса тэ паранчюлыс по тё ром, алом вов визэрия тут.

Андэ пхари бути ту хаса манро тиро, жипон чи болдэса-ту андэ пхув, анда сави санас лыно; анда кадо кэ ту коркоро сан чик, андэ пхув ви болдэса-ту.

Ай Адамоскэ Вов пхэндас: — Кай ту патяян тира ромняко муй ай халан дэмэльчё па копачи, па саво Мэ дэм аври тукэ: «На ха лэстар», прокляцымэ анда тутэ э пхув: андэ пхари бути ту лэса тэ хахавэс-ту латар андэ са те траёскэ дес.

О Дэл Яхва пущлас: — Кон пхэндас тукэ, кэ сан нанго? Ту халан дэмэльчи па копачи, па саво Мэ дэм аври тэ на хас?

Кана нашадас лэ манушэс, Вов щютас паш Эдэмоски рэйс, пэ ғайналоски риг, херувимон ай ягало ханро, кай марлас андэ са рига, тэ фирий о дром каринг о копачи лэ траёско.

Адам дас анав пэска ромнякэ Ева, кэ вой кэрдилас дэй саворэнгэ, кон траий.