Amavesi eBhayibheli adumile avela kokuthi Lukas 9

Dlulisela

Nu eye wa tja nai ku wo avehe: “Auhe ngu ma vanga okundjikongorera, nge rizembe omuini, a toore otjikoroise tje eyuva arihe, nu e ndji kongorere.

Orondu ingwi auhe ngu ma vanga okuyama omuinyo we omuini me u pandjarisa, nungwari ingwi ngu ma pandjarisa omuinyo we mena randje eye me u yama.

Jesus wa tja ku ye: “Auhe ngwa twako omake we kotjipuruu, nu tjazumba a panḓere pokutara kombunda, eye ka pwire ouhona wa Ndjambi.”

Pe nombatero yatjike omundu okukara noviṋa avihe mouye auhe, nungwari eye omuini a pandjara?

Omundu ngu ma ṱohoṋi na ami nomambo wandje, Omuna wOmundu wina otjinga ama ṱohoṋi na ye indu tji meya mounene we, na mounene wa Ihe na imbwi wovaengeri ovayapuke.

Jesus wa tjere ku ye: “Ozombandje ze nomiṋa, nozonḓera ze noviruwo, nungwari Omuna wOmundu ke nopoṋa puma twa otjiuru okurangavara nokusuva.”

na tja ku wo: “Ingwi ngu ma sekirisa okanatje kemwe otja inga mena randje, ma sekirisa ami; nu ingwi ngu ma sekirisa ami, wina ma sekirisa ingwi ngwe ndji hinda. Orondu ingwi ngu ri okaṱiṱi pu eṋe amuhe onguri omunenenene.”