Amavesi eBhayibheli adumile avela kokuthi 1 IZikhronike 16

Dlulisela

Mfuneni uSimakade namandla akhe, nibufunisise njalo ubuso bakhe.

Bongani uSimakade, ngokuba muhle, ngokuba umusa wakhe umi phakade.

Bongani uSimakade, nibize igama lakhe, nizazise kubantu izenzo zakhe.

Gabani ngegama lakhe elingcwele; mazithokoze izinhliziyo zabafuna uSimakade.

Khumbulani izimangaliso zakhe azenzileyo, izibonakaliso zakhe, nezehlulelo zomlomo wakhe

Mhlabeleleni, nimhubele, nikhulume ngazo zonke izimangaliso zakhe.

Ngokuba mkhulu uSimakade, ufanele ukudunyiswa kakhulu; uyesabeka ngaphezu kwabo bonke onkulunkulu.

Mnikeni uSimakade udumo lwegama lakhe, nilethe umnikelo, nize phambi kwakhe, nikhuleke kuSimakade nihlobe ngobungcwele.

Udumo nobukhosi kusebusweni bakhe; amandla nokuthokoza kusendaweni yakhe.

Hlabelela kuSimakade mhlaba wonke, memezela izimangaliso zakhe usuku nosuku.

Landani ngenkazimulo yakhe phakathi kwabezizwe, izimangaliso zakhe phakathi kwabantu bonke.

ethi: “Ningabathinti abagcotshiweyo bami, ningabalimazi abaphrofethi bami.”

Bonke onkulunkulu babezizwe bayizithombe ezingenamsebenzi, kepha uSimakade walenza izulu.

Khumbulani isivumelwano sakhe kuze kube phakade, izwi ayala ngalo izizukulwane eziyinkulungwane

Malijabule izulu, uthokoze umhlaba; makuthiwe ezizweni: “USimakade uyinkosi.”

Makabongwe uSimakade uNkulunkulu ka-Israyeli, kusukela phakade kuze kube phakade. Bonke abantu bathi: “Amen,” bamdumisa uSimakade.

Mnikeni uSimakade nina mindeni yabantu, mnikeni uSimakade udumo namandla.