Amavesi eBhayibheli adumile avela kokuthi Juan 10

Dlulisela

Axa mëcamacë unicama, ax ca mëcamanan ꞌaracacë ñuina rëquin ꞌatimoi aia. Usa ꞌaínbi cana ꞌëx a unicaman ꞌacësa oquin ꞌaquinma ꞌëmi catamëtia upitax bucunun unicama ꞌimi uacën, bamatancëxribia xënibua ꞌaínbi Nucën Papa Diosbë ꞌinun.

ꞌËx cana ainra carnero upí oquin bërúancë asaribi ꞌain. Ainra carnero upí oquin bërúancë, ax ca aín carnero bamati rabanan bamanuxunbi bëarati ꞌicën.

Carneronëan an bërúancë unin bana cuacësaribi oquin ca axa ꞌëmi catamëcë unin ꞌën bana cuatia. Cuatia cana acama ꞌën ꞌunanin. Usa ꞌixun ca ꞌën bana cuaquin a bana quicësabi oquin ꞌaia.

Acama cana nëtë́timoi Nucën Papa Diosnan ꞌinun ꞌimiti ꞌain. ꞌImia ca uínbi atu ꞌë bicuantima ꞌicën.

ꞌËx cana anua carnero ꞌicë cënënu anun atsínti xëcuësaribi ꞌain. Axa ꞌëmi catamëcë unicama ax ca Nucën Papa Diosnan ꞌinux iëtia. Usa ꞌaish ca chuámashirua ꞌaish, carnerocama cënënuax chiquíxun pasto pitancëx atsíntëcëncësaribi ꞌiti ꞌicën, ꞌen bërúancëx.

ꞌËx cana ainra carnero upí oquin bërúancë a ꞌain. ꞌËn Papan ca ꞌë ꞌunánxa, ꞌënribi cana a ꞌunan. Usaribi oquin cana ꞌën carnerocamaribi ꞌën ꞌunanin, atúnribi ca ꞌë ꞌunania. Usa ꞌaish cana ꞌëx bamatsianxmabi anun rabanan bamati ꞌain.

Atux ca ꞌën Papa, axa uinu ꞌicë unibëtanbi sënë́nmaira, an ꞌënan ꞌinun ꞌëmi sinánmiquin ꞌë ꞌináncë ꞌicën. Usa ꞌicë ca uínbi atu a bicuantima ꞌicën. ꞌËx ꞌën Papabë rabë́ ꞌaíshbi cananuna achúshishi ꞌain.

ꞌËx cana ainra carnero upí oquin bërúancë a ꞌain. ꞌËn Papan ca ꞌë ꞌunánxa, ꞌënribi cana a ꞌunan. Usaribi oquin cana ꞌën carnerocamaribi ꞌën ꞌunanin, atúnribi ca ꞌë ꞌunania. Usa ꞌaish cana ꞌëx bamatsianxmabi anun rabanan bamati ꞌain.

ꞌËx cuëëniama ca unin ꞌë bamamitima ꞌicën. Bamatsianxmabi cana ꞌëxbi cuëëncë cupí bamati ꞌain. ꞌËx cuëëncë cupí cana bamati ꞌain, bamatancëx cana baísquitëcënti ꞌain. Usai ꞌinun ca ꞌën Papan ꞌë caxa.

Usa ꞌain ca Jesusan amiribishi cacëxa: —Asérabi cana ꞌën mitsu cain, ꞌëx cana carneronën cënën xëcuësaribi ꞌain.

Usa ꞌaínbi ca an curíqui biti cupíshi carnero bërúanquin ñu mëëcë uni, ax ꞌinu aia isquin carnero ëbiani abatia, ax asérabi aín ꞌibuma ꞌaish. Abácëbë uxun ca bëtsi biquin ꞌinun raíri tsuácaia.

Ësaquinribi ca Jesusan fariseo unicama cacëxa: —Asérabi cana ꞌën mitsu cain, axa anu carnero ꞌicë cënë aín xëcuën atsinima amo ꞌicë manámitan atsíncë uni ax ca an ñu mëcamacë uni ꞌicën, mëcamaxuan an ñu buáncë uni ca ax ꞌicën.