Amavesi eBhayibheli adumile avela kokuthi Lucas 16

Dlulisela

ꞌItsama curíquiñu ꞌixunbia nëtë́miquinma upí oquin sinánquin, anun upí ñu ꞌacë uni an ca ꞌitsa curíquiñu ꞌixun usabi oquin upí oquin sinánquin nëtë́miquinma anun upí ñu ꞌati ꞌicën. ꞌImainun ca ꞌitsama curíquiñu ꞌixunbia nëtë́mianan upí oquin sinánquinma anun ꞌaisama ñu ꞌacë uni, an ꞌitsa curíquiñu ꞌixun usabi oquin nëtë́mianan anun ꞌaisama ñu ꞌati ꞌicën.

Ënëx ca ësa ꞌicën: Achúshi unin ca rabë́ uni ñu mëëxuntima ꞌicën. Rabë́ uni ñu mëëxuncë ꞌixun ca bëtsishi nuibaquin upí oquin ñu ꞌaxuanan bëtsi nuibatima ꞌicën, ca achúshinën bana cuaquin bëtsían cacëxun aín bana parë́ti ꞌicën. Usaribiti ca uni curíqui ꞌimainun bëtsi bëtsi ñumishi sináncë ꞌaish Nucën Papa Diosmi upiti sinanima.

Usaribi oquin ca mitsun curíqui anun upí oquin sinánquin ñu ꞌaquinma nëtë́miananmi, mitsux cuëëncësa oquinshi ñu ꞌacë ꞌicë Nucën Papa Diosan aín unicama ꞌunánmicësa oquin ꞌunánmima ꞌianan aín unicama ꞌamicësa oquin ñu mëëmitima ꞌicën. An mitsu cacësabi oquin ꞌaquinmami, aín ñu ꞌimainun aín curíqui nëtë́mianan upí oquin bërúanxuncëma ꞌicë ca uínbi minan ꞌinun ñu ꞌimainun curíqui mitsu ꞌinántima ꞌicën.

Quiabi ca Abrahamnën cacëxa: Moisés ꞌimainun an Nucën Papa Dios quicë bana uni ñuixuncë unicaman cuënëo bana isquinbi cuaisama tancë ꞌixun ca anu uni bamacë ꞌicënuax cuancë unin banaribi cuaisama tanti ꞌicën.

An aín xanu ënxun xanu itsi bicë uni ax ca ꞌuchaia, aín xanuma ꞌaínbi xanu itsibë ꞌia ꞌicësaribiti. ꞌImainun ca an uni itsin ëncë xanu bicë uni axribi ꞌuchaia, uni itsin xanubëa ꞌicësa ꞌaish.