Amavesi eBhayibheli adumile avela kokuthi Lucas 22

Dlulisela

Banaquin ca cacëxa: —Papan, mix cuëëncëbëtanma cana ꞌën bërí tëmëratima ꞌain. Usa ꞌaínbi cana ꞌëx cuëëncësa oi ꞌitima ꞌain, mix cuëëncësa oíshi cana ꞌiti ꞌain.

Usa ꞌaínbi cana ꞌëmi catamëti ënxunma ꞌanun Nucën Papa Dios mi ñucáxuan. ꞌËmi ꞌuchaxbi sinanati ꞌëmi cushiquin camina axa ꞌëmi catamëcë uni raíri ꞌëmia asérabi upiti catamënun ꞌaquinti ꞌain.

Catancëxun ca Jesusan pán biquin Nucën Papa Dios —asábi ca —catancëxun pán tucapaxun ꞌinánquin atu cacëxa: —Mitsúnmi piti pán ënëx ca ꞌë ꞌicën. Mitsun ꞌuchacama tërë́ncë ꞌaish Nucën Papa Diosnan ꞌinun ꞌë unin ꞌacë ꞌain, camina ꞌëmi sinánquin ꞌën mitsu bërí cacë ënë ënquinma usabi oquin ꞌati ꞌain.

Cacëxun piti piia sënënia ca Jesusan manë xanpa anu ꞌicë uvas baca biquin catëcëancëxa: —Ënë uvas baca ënëx ca ꞌën imi ꞌapati, ꞌëx bamacë cupía mitsun ꞌuchacama tërë́ncë ꞌaish ainan ꞌinun Nucën Papa Diosan mëníocë, a ꞌicën.

ꞌAisamaira masá nuituti bënë́quin ca Jesusan amiribishi Nucën Papa Dios ñucátëcëancëxa. Ñucati ꞌaisamairai bënëti ca nichati aín nichá ax aín imi menu tusquicësa ꞌiacëxa.

Atux usa ꞌaínbi camina mitsux usai ꞌitima ꞌain. Uix cara mitsun cushi ꞌicë, ax ca cushima uni ꞌicësaribiti ꞌiti ꞌicën. An uni raíri bana ꞌináncë uni, an ca an aín bana cuacë uni usaribi ꞌixun uni itsi ñu ꞌaxunti ꞌicën.

Quia ca Jesusan cacëxa: —Pedro, cana mi cain, mix camina usai quin, ꞌixunbi camina ënë ñantan ꞌatapa banatisama ꞌain, min isamina ꞌë ꞌunáncëma ꞌai quixun rabë́ ꞌimainun achúshi oquin uni paránti ꞌain.