Amavesi eBhayibheli adumile avela kokuthi मर्कूस 10

Dlulisela

च्‍यिबेमाना मिहगी स़ेबुॱआङ लेहमेन मिहया़गी स्‍याहप्‍तो स्‍युहज्‍यु म़ेदी मिहम्‍बा, यिहॱनाङ लेहमेन मिहया़ला स्‍याहप्‍तो स्‍य़ूहज्‍येला ओहले मिह माहङबुलाराङ थार च्‍य़ूज्‍ये म़ेदी राहङगी मिहली तेर्च्‍येला ओहङग्‍यो यिहम्‍बा।”

येशूगी खुङया़ला ज़ी़ नाङदी सुङ नाङसीन, “दि मिहया़लेगी ओहङॱराङ मी़हखुएँगी ल़ेह यिहम्‍बा, यिहॱनाङ किन्‍ज्‍योलेगी ओहङ ख़ूएँ च्‍यिबेमाना किन्‍ज्‍यो लाहमले थाम्‍ज्‍यीराङ ल़ेहया़ डुप ख़ूएँ।”

येशूगी सुङ नाङसीन, “सोङ, ख्‍येगी तेहपा पेहक्‍यो सोङबे ता़ह ख्‍येगी मी़ थोङ ख़ूएँ काहल्‍सीन।” ओ़ह ती़हजीलाराङ खो मी़ थोङगेन काहल्‍सीन ओहले येशूला ताहदा क्‍याहप्‍ती काहल्‍सीन।

ओहले किन्‍ज्‍योगी जोम च्‍य़ू नाङग्‍योया़ला मिहया़गी खा माहफ़ेज्‍यु” म़ेदी येशूगी सुङ नाङसीन।

ओहले येशूगी खोला ज़ी़ नाङसीन ओहले च्‍याहम्‍बा जेती सुङ नाङसीन, “ता़ह ख्‍येगी राहङसा ल़ेह च्‍यी़ पेह कोहच्‍ये येहबा। काहल्‍दी राहङगी थाम्‍ज्‍यीराङ क्‍युह नोहरया़ चोङदी ओहङग्‍योगी टाङगा प्राङबुया़ला तेर ओहले ख्‍येगी स्‍यिहङगामला क्‍युह-नोहर ज्‍योर्च्‍ये येह ओहले ख्‍ये लोह ओहङदी ङाहला ताहदा क्‍याहप्‍ती स्‍यो।”

येशूगी खोला टी़ह नाङसीन, “ख्‍येगी तेहन्‍दाला ङाहगी च्‍यि पेहतोङ ले?” “लोबेन लाह, ङाहगी मी़ थोङ ख़ूज्‍यु!” म़ेदी खोगी स्‍युहसीन।

यिहॱनाङ ख्‍यादी ओ़ह ल़ेहमु ओहङज्‍ये मेहयोहङगे। ख्‍या नाहङला छ्यिम्‍बु ओहङज्‍ये छोल्‍गेन्‍दीगी मिह थाम्‍ज्‍यीला स्‍याहप्‍तो स्‍य़ूह कोहएँ।

तेहम्‍बाराङ ङाह ख्‍याला माएँ, किन्‍ज्‍योगी क्‍याहल्‍सीला फेमा पेहजाया़गी ल़ेहमुराङ पेहती ख़े-माहलेहन थु सुॱआङ ओ़ह नाहङला स्‍य़ूह ङ्युहङज्‍ये म़ेह।”

यिहॱनाङ ताहन्‍दा तोहङले येहकेनया़ नाहङला मिह माहङबुराङ तिङला लिहच्‍ये येह ओहले ताहन्‍दा तिङला येहकेनया़दी माहङबुराङ तोहङला ओहङज्‍ये येह।”

यिहॱनाङ किन्‍ज्‍योगी जाम्‍बुलीङ छ्या़ च्‍य़ूक्‍यो ती़हजीला मिह ज़ो नाङगेमु क्‍येप-ख्‍योवा दाङ पी़हमी-पेहजा जेती ज़ो नाङग्‍यो यिहम्‍बा। ‘ओ़ह सोङबे क्‍येप-ख्‍योवागी राहङगी आबा-आमाला क्‍युर ज़्‍या़दी राहङगी पी़हमी ङ्याम्‍बु डी़दी तेहकें, ओहले खुङ ङ्यी़ ज़ुबु च्‍यी़राङ डोज्‍ये येह।’ ता़ह खुङया़ ङ्यी़ मिहम्‍बा च्‍यी़राङ यिहन।