Amavesi eBhayibheli adumile avela kokuthi मर्कूस 14

Dlulisela

ओहले येशूगी सुङ नाङसीन, “ओ़ह याहप, ओ़ ङाहगी किन्‍ज्‍यो याहप, राहङगी थाम्‍ज्‍यी से़हया़ जे थुप्‍केन। ता़ह दि तुहक्‍पुगी स्‍याहलु ङाहलेगी था़-रिहङबु ज़्‍या़ नाङदोङ। यिहॱनाङ ङाहगी सेमला ने़क्‍यो ल़ेहमु मिहम्‍बा, राहङगी थुला ठुङग्‍यो ल़ेहमु तेहन्‍दा डुप्‍च्‍यु।”

ङ्याहम्‍छेला माहछ्यीज्‍यु म़ेदी ख्‍या ङ्यि मा़हलोहबा पेहती सोल्‍वाङ ताप्‍तोङ। सेम नि तेहम्‍बाराङ ठाबे दु, यिहॱनाङ ज़ुबुदी मा-फाम्‍बु दु” म़ेदी येशूगी सुङ नाङसीन।

तेहम्‍बाराङ ङाह ख्‍याला माएँ, जाम्‍बुलीङ थाम्‍ज्‍यीला का़ह-का़हला दि या़हबु लेहङगु प्रा साल्‍गे, ओ़ह ग्‍या़या़ला मोहगी पेहक्‍योगी दि ल़ेहॱआङ टेहम्‍बा साल्‍ज्‍ये येह।”

ओहले येशूगी स्‍याहप्‍च्‍यीया़ला सुङ नाङसीन, “ङाहगी सेम तुहङालगी छाबा-छुबे काहल्‍दी निङ फोङज्‍ये ल़ेहमु काहल्‍सीन। ख्‍या देला ङ्यि मा़हलोहबा पेहती तेहतोङ” म़ेदी सुङ नाङसीन।

छ्येकेॱराङ जेकेमु येशूगी खुरा नोम्‍दी किन्‍ज्‍योला थुज्‍यी-छ्ये़ फुल नाङसीन। ओहले खुरा राल्‍दी स्‍याहप्‍च्‍यीया़ला नाङगेराङ सुङ नाङसीन, “दि लेहन्‍दोङ, दि ङाहगी ज़ुबु यिहम्‍बा।”

ओ़ह तिङले येशूगी स्‍याहलुॱआङ नोम्‍दी किन्‍ज्‍योला थुज्‍यी-छ्ये़ फुल नाङसीन। ओहले येशूगी स्‍याहप्‍च्‍यीया़ला नाङसीन। ओहले खुङ थाम्‍ज्‍यीगी ओ़ह स्‍याहलुलेगी थुङसीन। ओहले येशूगी सुङ नाङसीन, “दि साम्‍बा ठिमगी ङाहगी ठा़ यिहम्‍बा, ओ़ह ठा़ मिह माहङबुगी तेहन्‍दाला स्‍याहल च्‍य़ूज्‍ये येह।

ओहजे ती़हजीला येशूगी स्‍याहप्‍च्‍यीया़ला सुङ नाङसीन, “ख्‍या थाम्‍ज्‍यीगी ङाहला क्‍युर ज़्‍या़दी प्रे़हदी डोज्‍ये येह च्‍यिबेमाना सुङरापला दि ल़ेहमु म़ेदी प्री़हदी येहबा– ‘ङाह कोहरोवाया़ला सेच्‍ये येह ओहले ल़ूहया़ फेतोर कोहतोर डोज्‍ये येह।’

ता़ह लोहङ, ओहले डो! त़ेदोङ, ङाहला ज़ुङ च्‍य़ूगेन्‍गी मिह ओहङ सिहन्‍दी येह” म़ेदी येशूगी सुङ नाङसीन।

येशूगी पत्रुसला सुङ नाङसीन, “तेहम्‍बाराङ ङाह ख्‍येला माएँ, नाहङबार ङाटु च्‍याहबु लेहमा ङ्यी़ क़े तेन्‍गे म़ेदी तोहङले ख्‍येगी ङाहला ङोह मे़हस्‍येएँ म़ेदी लेहमा सुम थु माज्‍ये येह।”