Amavesi eBhayibheli adumile avela kokuthi मर्कूस 16

Dlulisela

ओ़ह तिङले येशूगी खुङया़ला सुङ नाङसीन, “जाम्‍बुलीङ थाम्‍ज्‍यीला काहल्‍दी मिह थाम्‍ज्‍यीलाराङ या़हबु लेहङगु स्‍येतोङ!

ओहले यिह-छ्य़े पेहकेनया़ ङ्याम्‍बु दि ल़ेहमु ताक्‍छेन ओहङज्‍ये येह– खुङया़गी ङाहगी मिहनला ल्‍हेन्‍डीया़ तेन्‍ज्‍ये येह ओहले ताम साम्‍बा साम्‍बाया़ माज्‍ये येह। खुङया़गी प्रुहल ज़ुङज्‍ये येह, तू़ह येहकेन्‍गी से़हया़ थुङॱनाङ खुङया़ला ओ़ह से़हगी च्‍यिॱआङ ने क्‍याल्‍ज्‍ये म़ेह ओहले नेहपाया़गी थो़ला लाहक्‍पा ज़्‍या़गेमु खुङ टा़हज्‍ये येह।”

यिह-छ्य़े पेहती बप्‍तिस्‍मा लेहन्‍गेनया़गी थार्पा ज्‍योर्च्‍ये येह। यिहॱनाङ यिह-छ्य़े मेहबेकेनया़ला किन्‍ज्‍योगी ङ्य़ेहबा नाङज्‍ये येह।

ओ़ह तिङले स्‍याहप्‍च्‍यीया़गी छ्यो़ ज़्‍यिगालाॱराङ काहल्‍दी येशूगी तेहन्‍दाला स्‍येसीन। चो़वो छ्येवागी खुङया़ लाहमले छ्या़लेया़ जे नाङसीन ओहले खुङया़गी स्‍येक्‍योगी केच्‍याया़ तेहम्‍बा-तेहन्‍सुम यिहन म़ेदी तेन नाङसीन।]

यिहॱनाङ ओ़ह स्‍यारा मिहगी खुङया़ला, “ख्‍या मा़हन्‍ज्‍यी, ख्‍या क्‍याहङस्‍यीङला सेक्‍योगी नासरतकी येशूला छोल्‍ग्‍यो मिहन ले? यिहॱनाङ त़ेदोङ, येशू देला म़ेह, मिहरो नि सोम्‍बो ज़्‍याङदी फेप सिहन्‍सीन! खुङया़गी येशूला ज़्‍या़क्‍योगी ग्‍या़ दिराङ यिहम्‍बा, त़ेदोङ! म़ेदी मासीन!

ओहले खुङ फुक्‍पाला लेप्‍ती ताएँमुनी फुक्‍पागी तोह खा फे़ ज़्‍या़क्‍यो थोङसीन। ओ़ह तोह ज्‍यिबुराङ छ्यिम्‍बु येहकें। खुङया़गी फुक्‍पा नाहङला स्‍य़ूहदी ताएँमुनी ओ़हला काप्‍च्‍या कार्पु केहन्‍ग्‍योकी स्‍यारा च्‍यी़ फुक्‍पागी योबा ङो़ले तेहक्‍यो थोङसीन। दि थोङदी खुङया़ ज्‍यी़सीन।