Amavesi eBhayibheli adumile avela kokuthi Fagsigadan 3

Dlulisela

Ay ubyanun nu naelongan wa katanya, ka fag mangena galabian dawdaw glinggat ka fag ngay buwadan. Gamatangan te, “Masine wa long ro dawdaw nu kaon. Ay masine yangay long ro nu mke fagsafulun aktuwa sanya ginan.” Ay nu katanya, mangena narabas wan ka fag kayu buwadan. Ay naon wan. Ay tiba, nafon yay sat mangama, teway ginanya at mangama sigon sanya wa daw. Ay at mangama sigon naon wan.

Ebi, sis Yawi naawat fag ngay mangimut ayuwayu, ubyanun tagsaful dawdaw igfanbalyavtan. Ay sayginan, ka fag ubyanun inkakbang sas mangena, gina yay daduwa sanya sis wa kayu. Ay ginto sanya fag mangena te, “Go sangay Diyus igsalag way ayu nu kon am ste fag ngay kayu at buwadan ayuwayu?”

Ay katsi ban mangena kalimata way emu. Ay o, kalimata yangay o anya. Katanya wa ban anggan sam dagam daga. Mangena ban at fufu sat dagat daga, ay emu am riyangan sat dagat daga, kadkalimatan way gugat at sadi. Ay bandi ban nu glugo wa dawdaw, umdasug yay sat sadi mangena fufu. Ay kanya ban fag fufu, malang ban am alfuyu. Ay dewa katanya, o magat yay o at sungkulan.” Katanya Yawi nu gfoyung at faurianan sas ubyanun.

Ay Yawi glong sas mangena te, “Katatuy ku faurianan sa emu. Nu gfafiyon ban o, ay gfasalug o am ngenge, mason ban dawdaw nu gatakan o. Kasait way ban o dawdaw. Ay dewo kasait, kaumsig yay o gugat am mangama. Ay gamagurangan way o gugat anya.”

Ay nus tuwa ma, dewa o gugatan, tiba tagtugbung sim wa tanuman, dugi wadi. Ay dewa katanya, nu naugatan tuwo igfagbulun, umke fakonun yay o sanya ginan. Ay at kadugayan nu gfagbulun o, anggan wo umkate. Ay nu mkate wo, kafoli yangay o sas daga. Teway ebi ku fangawat emu, dafug daga way. Ay nu mkate wo, kafoli way o sanya, teway ebi ataw sanya ginan way o.” Katanya wan Yawi at faurianan sanya fag mangama.

Ay Yawi naelongan yangay sas mangama. Glong te, “Anggan o, igfauri kyangay emu, teway nafaning way o am mangena at longan. Naon way o ku nasalag emu te lag kon ka fag buwadan. Ku faurianan sa emu, katsi ban baliwa, at daga, wa kamasine ebi. Kaba ban am banwanan, gugatan way ban o gugat gugat igfagbulunan laman umke fakonun o.

Ay Yawi glong te, “Taw ro am fagnasafulun emu te malanu way o mangaro? Unda naon way o ku nasalag emu ebi, te lag kon ka fag buwadan.”

Ay Yawi nu naayan wa daduwa sanya ginan fag wa kayu, nasugu yay sik ngay falad tagtanud at kayuwan. Kanya fag ngay falad igbalabag sanya fag ngay kayu at tigyangan, sas fakamenitan baliwa. Igbalabag te, laman daduwa wa maafoli sanya. Ay at sadi at fanbalabag, sik fiso gigang, gbadbaribunganan sanyat sanya, laman taw wa maakbang sanya fag kayu tagfon leleg.

Ay kanya fag mangama, at ngayan Adan. Ay Adan nafangayan at mangena te Eba, teway fagayu taw ban, sanya ginan nu kafasigad.