Amavesi eBhayibheli adumile avela kokuthi Lǔka 12

Dlulisela

Dě sî hǒtokhlǒnu bǎbǎ, ô̌tîwî̌tòwò nǎ lô̌khô sînǎ̤ nî̌꤮, ma̤titè̌hî̌dě shěkhǎ bǎ sî gènè̤tǒ̤ tô̤̌ nukha pě, kòyòphû̌khû mî̌ he gǔ hè pě.”

Bǎgû̌bǎgè̌ tǎ̤ lô̌khô pô̤̌nu tǎ̤mǎ̤! kè̌lǎ lô̌khô ta̤ dǒ a lṳ̂dû̌ dǒ Cǒmara ashiagǎkû nutokhlǒ dě lǒ̤꤮ bò ta̤dǒ sî lṳ̂ tokhlǒnu, Cǒmara gǔ ǐ pô̤̌ sî pě.

Htodě a hî̌ pô̤̌ asî kû̌, “Ô̌sè̌rè lô̌khô, cû̌we̤khawe̤ lô̌khô pwa̤sǎyṳnǐ̤bǎdû̌ tûû̌ ayanutokhlǒ nî̌꤮, ma̤titè̌hî̌dě kòyò tôpwa̤nu, adû̌yò̤̌htò̌sa jòpwî̌tè꤮ bǎbǎ, a ta̤dû̌yò̤̌htò̌sa nu a ma̤wô̌ jè̌jò lû̌û ta̤ô̌htûpwa̤ tocǒ tô̤̌.”

Ma̤titèhî̌dě, sî ta̤dû̌yò̤̌htò̌sa ô̌bǎtè tûkûnu, sî sǎphlǒ ô̌ bǎnu pě.

Dǒ sîbǎgû̌bǎgè̌ akhû̌akhî dě, sî cî̌htûhè jò pô̤̌ tûû̌ sî lṳmṳ̌ni̤ lṳmṳ̌sa tîkî̌phû̌ pwǎnu a ô̌ tôpwa̤꤮ tô̤̌.

Htodě Yeshu hî̌ akhôphijǎ tokhlǒ kû̌, “Pô̤̌nu akhû̌akhî he hî̌ sî, bǎgû̌bǎgè̌ tǎ̤ dǒ sî ta̤ô̌htûpwa̤ ayanu tǎ̤mǎ̤. Sî lṳ̂ǎlṳ̂ô aya bǎbǎ, sî lǎ̤kûlǎ̤sô̌bǐ kû̌ sî nǎ̤glǒ aya bǎbǎ, bǎgû̌bǎgè̌ tǎ̤ lô̌khô tǎ̤mǎ̤ nî̌.

Lǒ̤꤮ bò sî khǔlṳ dǒ sî ikǒlô̤ nutokhlǒ Cǒmara dô̌bǎ nǎ hto lǒ̤bò hǒ. Ǐsha tǎ̤mǎ̤! Sî lě̤dû̌pwî̤htû khlo kû̌ htû̌pwǎ̤phû̌nu tôprṳ̂tôphǎ.

“Ǒ꤮ sû̌phû̌ mṳ̌ pî̌tî̌phû̌ sî꤮,ǐsha tǎ̤mǎ̤ nî̌꤮, ma̤titè̌hî̌dě sîpha sǎphlǒô̌ kû̌ a gǔ ǐ sî kû̌ ashiagǎ hǒ.

Gènè̤kè̌ lô̌khô cǎwǎ tokhlǒnu, asî shǒǎ gû̌ kòyò ta̤khlita̤lè tô̤̌, a bè̌plǒbè̌cu gû̌kòyò ta̤sǎta̤phô tô̤̌. A lǎ̤bè̌plǒ lǎ̤ǎlǎ̤ô gûlǎ̤ ô̌ gû̌kòyò tô̤̌, a lǎ̤bè̌plǒ phò ô̌ gû̌kòyò tô̤̌ bǎbǎ Cǒmara bǔǎbǔô asî. Pô̤̌nudě, sî nu, sî lě̤dû̌pwî̤htû khlo kû̌ htû̌patǐsî tokhlǒ.

Pô̤̌nu akhû̌akhî, bǎgû̌bǎgè bǎyô̤bǎsî tǎ̤ lô̌khô tǎ̤mǎ̤, tô ǎkwè̌ titè̌, tô ôkwè̌ titènu, gènè̤ tǎ̤ lô̌khô tǎ̤mǎ̤ nî̌.

Ǒ꤮ kòyò ta̤yṳ̌ta̤nǎ̤ pî̌tî̌ sî꤮, mi̤mṳ̌ tokhlǒnu, khò̌tôni̤ a ô̌ lô̌khô dǒ hǎkhû̌, pe̤wô̤pě kòyò shû̌gè̌ nṳ̌kè a kû̌ mî̌ pwǎ bǎbǎkǎlè Cǒmara dǐkûdǐsô̌ a kè̌hî̌dě a gǔ dǐkûdǐsô̌ wô̌ khlo kǎ sî pě lè.

Ta̤dǒû̌dǒbǐ lǒ̤꤮ bò tokhlǒnu, Cǒmara gǔ bǔmôhtò̌ lṳ̌bò a pě, dě lǒ̤꤮ bò ta̤ma̤hǔma̤sè̌ tokhlǒnu, Cǒmara gǔ ma̤htò̌lṳ̌bò a pě.