Amavesi eBhayibheli adumile avela kokuthi Yowana 4

Dlulisela

Nyamuwanga ni Mwoyo. Abhaanu bhanu abhamuramya, abheendwa bhamuramishe mu-myoyo gyebhwe na ku-kimari.”

Nawe insa eyiija, na yaamarire okubha-wo, inu abhaanu bhanu abheenda okuramya Raata Nyamuwanga, okuramya okwenekwene, bharimuramisha mu-myoyo gyebhwe na ku-kimari. Raata Nyamuwanga kaagara abhaanu rwa bhayo bhamuramye.

Nawe omuunu unu kaanywa amanji ganu enimuyaana, ataryungwa kweki obhwiro kajaanende. Tari amanji ganu nirimuyaana, garibha rwa ekijegeje kya amanji mu-mutima gwaye, nkiwururaga obhurame bhunu bhutakuweera.”

Yeesu ˆnaamusubhya ati, “Raabhe ukamenyere kinu Nyamuwanga keenda okukuyaana, na unu kaakusabha amanji ni niga, ukamusabhire omwene, na akakuyaaye amanji ga obhurame.”

Yeesu ˆnaabhasubhya ati, “Ebhyokurya bhyani ni okukora ganu Raata unu ꞉aantumire keenda, na okukuumisha emirimu gyaye.

Omugasi uyo ˆnaasubhya Yeesu ati, “Raatabhugenyi, awe utari na kitayiro kya amanji, na ekitaaro kinu ni kireera, woori owuuja okunyoora aaki amanji ga obhurame gayo?

Omugasi uyo ˆnaabhwira Yeesu ati, “Nimenyere ati Masiya unu kaatogwa Kiriisitu ariija. Na nimenyere ati, akabhaga kanu ariija, arikituurira abhweru amangʼana goone kutyo.” Niwe Yeesu ˆnaamusubhya ati, “Anye, unu eniroma na awe, niwe Masiya.”

“Kigende, murore omuunu unu aambwira amangʼana ganu nirakorere goone kutyo! Angu, eyitura okubha ati uyo niwe Kiriisitu?”