Amavesi eBhayibheli adumile avela kokuthi Yohanes 15

Dlulisela

Yakw ye farlan katutun anggur, ma kmi e farlan katutun a ne sangnir. Ise ma dalamy lese nor Yakw, keta dalangw lese kor I a nbal, ma keta i nose safe-safe ma nangafel. Fali farlan to dalmir lese myor Yakw keta to bise ma myose myal sasaf ma nangafel.

Mpa ka dedesar ma dalmir lese myor Yakw, mpe keta dalangw lese kor a kmi a nbal. Iane feleles farlan katutun anggur a ne sangnir, keta to bise ma rabu farlan sangnir a ne to ratrisan rof tenany. Ma kmi a nbal farlan to dalmir lese myor Yakw keta to bise ma myose myal sasaf ma nangafel.

Farlan dalmir lese myor Yakw ma myose mlyarat Ningw ngribatnir, keta safe-safe motak ma mtyak myof Ratu ne I nal ber a kmi.

Kmi to mfyil Yakw nempa Yakw kfwil a kmi. Yakw kswiduk a kmi ma mtyi ma myose karya ngamonar, nema karya ngamonar ma kmi myose ne dedesar ma rangafel. Farlan kmi myose farane, safe-safe motak ma mtyak myof Amangw, keta I nal ber a kmi fali milele Yakw.

Tomwate ma nmpeang ma nmat a nlitan tbwarnir, iane nfatutu feti ni ankamis nlie nlengan ma ber sir. Ma to ankamis ma nlengan nof a ne.

Ma Yakw Ningw tomwatar a ne farlan katutun sangnir. Ma farlan sangnir a ne to rabu e I keta npet kalin sir. Ma sangnir ma rabu a ne keta npet kalin ketnir a nbal ma naflerap donyar nema rabu e rtafal ma rampew.

Yakw kfwalak ma ka myose farete ye: Ka mikamis a kmi, farlan ma kwamis a kmi.

Farlan myose safe-safe ma nangafel iane ma nwayat ma tomwatar rdangin Amangw Ratu. Ma iane mfyatutu feti kmi myeluk Ningw manglarat.”

Yesus nfalak tnyanuk pupule ber Ni manglartar farye: “Yakw ye kweluk katutun anggur ma botuan, ma Amangw e farlan let anggur nruany.

Tomwate ma to dalam lese nor Yakw, i feleles farlan katutun sangnir ma rpet kalin rof tenany. Ma keta tomwatar rabutin sangnir ma rmangret a ne betno ryebas far au dalam nema au nane sir.

Yakw kfwalak kabanir monuk ye ber a kmi, nema dalmir a rsenang feleles farlan ma Yakw kswenang. Ma iane nwayat ma keta dedesar ma dalmir a rsenang resi.

Farlan myose mlyarat Ningw faretar, keta dedesar ma kfwatutu feti kwamis a kmi. Iane feleles farlan Yakw kose klwarat Amangw Ni faretar, ma I dedesar ma nfatutu feti nkamis Yakw.

Yakw kfwalak ma ka myose farete ye: Ka mikamis a kmi.”

Mpa farlan kmi myorip a mbyalak tomwatar ma to ralele Yakw, botuan feti keta sir rkamis a kmi fali nir tomwatar ber a kmi. Nempa Yakw kfwil a kwese kmi kof sir, mpa kmi to myorip a mbyalak sir lo. Iane nwayat ma sir rkedan a kmi.