Amavesi eBhayibheli adumile avela kokuthi Yohanes 4

Dlulisela

Ratu ne Smwangat. Mpa tomwatar ma rsatngur ber I a ne, ka rsatngur ber I ror kuase ma Ratu Smwangtany nal ber sir a ne. Ma ka rsatngur ber I rlarat Ni anftutw botunar a nbal.”

Nempa keta ni tewat, ma lere ye ni tewat lo ma Ratu Smwangtany nfatutu ber tomwatar feti felan farpe ma rsatngur ber Ratu ror dalmir kateman. Ma ka rsatngur ber I rlarat Ni anftutw botunar a nbal. Fali Amninrar Ratu nmpeang ma sir rsatngur ber I farane.

Nempa ise ma nenum weye ma kal ber i ye, keta to namwes lo terik ma dedesar. Fali weye ma kal ber i a ne keta neluk weye matan ma nlale dedesar na ni momorip. Ma weye matan a ne keta nlale dedesar terik ma i nonri momorip dedesar.”

Ne Yesus nfalak, “Ano, farlan mufai feti ise ye ma ntak weye nof ko, ma farlan mufai nbal berkat silai ma Ratu nal ber tomwatar e botuan feti koko ko ma mtwak weye mof Yakw. Mpe keta kal weye ma nal momorip dedesar ber ko.”

Ne Yesus nfalak, “Yakw Ningw tnyame ne iane kose klwarat I ma nsiduk Yakw ne Ni mpempeang, ma kose ksworu Ni karyayar ma nal ber Yakw.

Ne bate ne nfalak, “Maken, perigi ye melaman ma ko to nim tol, ma keta mose farpe ma mwal weye ma nal momorip dedesar a ne ber yakw?

Ne bate ne nfalak, “Yakw kufai feti Ray Silai ma keta nma. I a ne ma Ratu nsiduk I ma nfair tomwatar. Ma farlan I nma e keta nafbotin safe-safe monuk ber kam.” Mpe Yesus nfalak, “Tomwate ma mfwalak I a ne, Yakw ye lo.”

“Wangur, mya ma ti tsalan tomwate ma nafbotin safe-safe monuk ma yakw kose ne lo. Nre kete I a ne Ray Silai lo?”