Amavesi eBhayibheli adumile avela kokuthi Matius 12

Dlulisela

Holuk e, an wene yu moʼgulhentaik. Pobuk Allah en enemdema wokho wene enebam pasulat, noʼgorliselat, tua ai erlige re, aphwami eniak we yogunat ogwi aʼge ai paget wene enebam pouwayat o. His honuʼgwarek heniak ogu legep aʼge hegitsogoat Allah en wene henebam pasulat, noʼgorliselat, tuayat o,” oluk moʼgulentesi.

His henebe ʼgosu en dogoʼgwe aʼge yema re! Aphwami en di wene yu wene enemdema en ogwi ai re, onogola ʼbeterak welat ʼgagalogo orlu agoam ogwi ai re, his e, henebabut wiagat welat wene op aʼge ogulom no? Erlak o.

Aphwami enebabut op aʼge re, onogola op aʼge ʼbeterak welat, ʼgagalogo orlu agoam e, wene op aʼgeat lebikpou wagai o. Aʼge re, aphwami enebabut wiak aʼge, onogola wiak aʼge ʼbetesogo welat, ʼgagalogo orlu agoam e, wene wiak aʼgeat lebikpou wagai o.

Asogo moʼgulentesirik e, wene mesik disogo moʼgulentesi, “Wene asogo egep ai en, an wene yu moʼgulhentaik. Aphwami en di wiak yu wiak togwi aʼge emin, onogola en is agaikhen mi-miarak onobogulat eniak pam en onobok ʼbalogwi aʼge emin, at Allah en elirat erlagapsogo ukpo aʼgeat de, Allah Arogun ai nak onogola en mi-miarak pogulat obok ʼbalogwi holuk e, elirat erlagapsogo ukpouwa modok erlak o.

Asogo moʼgulentesirik mesik disogo moʼgulentesi, “E eʼgen op aʼge edip op aʼge enat egesiso yo. Ye, e eʼgen wiak aʼge ai re, edip wiak aʼge enat egesiso yo. Asogo egesiso ai pam e, e eʼgen yu op aʼge eʼgen egesiselat, yu wiak aʼge eʼgen egesiselat, pobi togu legep o.