Amavesi eBhayibheli adumile avela kokuthi မာကု 4

Dlulisela

အခိင်ဒီန် ယေဆုယိူဝ်ႇဒိုရ်အီတ်ဒေ အ်ုန်ငဲဆုင်မပွံတ် ခူရ်ဂါရ် က်ုရ်ပံရ်အိုမ်၊ “ယေန်ညီမ်အေ့” ဘံန်အ်ုန် ပိင်ငျှံပ်ခိူည်ဒီန် ခူရ်ဒီန် ညာယေန်ညီမ် ဆာယာညှိုႈညှိုႈပွံတ်ဒေ။ အခိင်ဒီန် ယေဆုဆ်ုရ်မွံတ် တဘဲႇဒေဂဲ၊ “ကောပ်ဆေ ပဲနံပ်ဒေယော ညာခိူည်အီုဝ်၊ ပဲညှံမ်ယိူဝ်ဂံတ် ဖိူမ်ညှိုမ် မောအူဒီန်အီုဝ်။”

ဘီဂဲဒီန် ယောလူတ်လာည် ညာယူႈယူႈယ်ုရ်ယ်ုရ် ဂဲက်ုရ်မိုန်ဒိုည်ႇတဒေ အူကူတောအူကူ။ “အီကူအီုဝ် အဆေအ်ုန်မိူဝ်ႈအဲႈ၊ ခူရ်ဂါရ် က်ုရ်ပံရ်အိုမ်လိုည် ဆတီုင်ဒိုည်ႇငဲပ်ုန်ဒါႈအ်ုန်။”

ကောည်လိုည် ယေဆုဒါ့်အီတ် ဂံမ်ကိင်ဒေ မှောန်လ်ုပ်ရဘံန်ရိူဝ်။ တဘဲႇအ်ုန်ဂဲ ပျိူဝ်ႇအ်ုန် ဒါႈ၊ “အိူဝ် တာဆရာ၊ ယဲဒီဘ်ုပ်ယံမ်ဒိုည်ႇခိူည်အီုဝ် ဆေညာမီကာတိူဝ်ႈအရေယဲ။”

ဟွည်ႇဒီန် အ်ုန်ႎီရ်ဒါႈထဲင်တဂဲ၊ “ပဲယိူဝ်ဒေဆတီုင်ဘ်ုရ်မော အူန်တနွံရ်ႈဖိူမ်ပဲ။ ခိူည်ပဲဂ်ုမ်တရာ တဘီဟံရ်ဂဲ ဘ်ုရ်မော၊ ဖြာ ဒီဂ်ုမ်တရာ တပဲခိူည်ဒီန် — ကောည်လိုည် ႎရနာထဲင်ဒိုရ်ဒီန်။

ဆဲႈဒီန် ယေဆုႎီရ်ဒါႈ၊ “ကပီုန်ကုင်ဖြာဒီန် ညာခိူည် အီကူပြံတ်ကအာင်ဆမာရ် တပါင်ကတဲ။ အီကူဒီန် ဟွည်ႇပြံတ်ကအာင်ဆမာရ် အခိင်ရမှိူဝ်၊ ရဆငီ၊ ယာမ်အ်ုန် ဒါ့်အီတ်အီတ်ဂွည်ဂွည်ဒေ ညာခိူည်ဒီန် ကအာင်ဆမာရ်ပီ တီုင်လဲ့ဟံန်ဒါင်လာ်ႈပွံတ်ဒေ။ ခိူည်မောတီုင်ဒီန် ညာဒေဟံန်ဒါင်လာ်ႈ အီကူဒီန်ကာနံပ်ပဲတ်။

“အီအ်ုန် ယိူဝ်ဒေဟျာ့်၊ ဒဲႈပဲယိူဝ်ဒေဆတီုင်။”