Amavesi eBhayibheli adumile avela kokuthi Tiago 2

Dlulisela

Aská keskásevitsikĩ. ‘Jesus anõ akí ẽ niá’, ikiyasmẽkĩ ãwẽ yonoatõ ikí nimísma ivoro chinãsho niárvi.

Askásho yora chinã yamaro vopiyarvi, chinãtso. Aská keskásevi, yora Jesus ãwẽ chinãnechtase anõ akí nismẽinã, ãwẽ yonoa ivo ashõsma ivoro”, ẽ akenkeãai.

“Askámaĩnõ wetsaro, yora ‘earo Jesus anõ akí ẽ niá’, ikiyasmẽkĩ ãwẽ yonoatõ ikí nimísma ivonã ãwẽ roasetirá? Askátõ vanayai nishõ awetima ikitáinã ã itirá mã chinãnã?

Anoshóse neská akĩ ẽ yoãoshokenkeãai. ‘Yové Koĩ westíkase niá’, ikĩ chinãnechtase mĩ anõ akárá? Ii, askámẽkĩ yochĩ ichnárasĩnivísi, atõ chinãnechtase anõ aosmẽinã rakéshoi tari iki shokovokatá.

Askámaĩnõ yora wetsã chinãro neská. ‘Yové Koĩni pashamakatsairo neská. Wetsa Jesus ãwẽ chinãnechtase anõ akí nii, akayaro kakatsai. Wetsa askásevi, ãwẽ yonoatõ ikí nii akaya iokaĩókatsasevi, avévakĩa’, imíska. Askámaĩnõ eãpaĩkoro neská akĩ ẽ revíkeãai. ‘Aská akĩ mĩ yoã askákémaro. Neská nĩkãtso. Jesus ãwẽ chinãnechtase anõ akí nismẽinã, ãwẽ yonoa ivo ashõimai nimaĩnõro Yové Koĩni pashamatĩpá. Anõ akí nishõro, ashõtirívi’, ikĩ ẽ revíkeãai.

Aaivo keyókaĩa shavapa askásevi, yora onis akíma niaya ivoro yostaki isĩpa akatsai. Askámaĩnõ ato onis akí niaya ivoro, yostátáma ikatsai”, iinã ẽ ikí.

Askáinã ẽ ikítsikĩ, Yové Koĩni yora chinã meki oĩro ‘Jesus ẽ chinãnechtase anõ akí ẽ niá’, ikí ivomẽchtasho ikímarívi. Roapa ivo ãwẽ ashõamẽsho aská akĩ ãwẽ oĩrívi.

Askásho ãwẽ chinãne tanai, ãwẽ yonoarasĩ anõ akí avévakĩti, Abraãone. Ãatõ ãwẽ akárasĩmẽsho ‘anõserívi’, ikĩ Yové Koĩ oĩmati.