Amavesi eBhayibheli adumile avela kokuthi João 21

Dlulisela

Askái pii mashtémaĩnõvo Jesusnẽ Simão Pedro nĩkãki. “Simão, miaro Joãone vake. Tsoa ivo enõ noípárá, miará, naarasĩrá?” ãwẽ akátõsho, “Ẽe, Yora Ivó, ẽ minõ noía mĩ tanasai”, ãwẽ amaĩnõ, “ẽ yorarasĩ txivo mashté vesoatõ akĩ ato atso askáro”, akĩ. Aská avaikĩ nĩkãóki. “Simão, miaro Joãone vake. Mia enõ noírá?” ãwẽ akátõsho, “Ẽe, Yora Ivó, ẽ minõ noía mĩ tanasai”, ãwẽ amaĩnõ, “ẽ yorarasĩ txivo vesoatõ akĩ ato atso askáro”, aoki. Aská avaikĩ nĩkãnióki. “Simão, miaro Joãone vake. Mia enõ noírá?” akĩ. Anosho 3 akĩ ã nĩkãatõsho onískarãi. “Yora Ivó, miãro katsése mĩ tanasai askásho ẽ minõ noía mĩ tanasrívi”, iinã ãwẽ revíatõsho “ẽ shokõkenavo txivo vesoatõ akĩ ato atso askáro.

Neskávere nĩkãtso. Mia verone nishõro õpõ yoísho mĩ chinãtõ ikí mĩ nipawa. Aská sheniwetsakaĩsho mĩ mevi mechpávakĩmaĩnõ wetsã neshavaíki mĩ chinãmanamã mia ewevaĩkatsavo”, akĩ Jesusnẽ.

“Ase, pameti mekiri õtxiki tanána. Mã akatsai”, iinã ato ãwẽ yonomaĩnõ õtxivaiki atõ oĩa pameti tee ainatĩpá, yapa westímashõ.

Ano shokosho, Simão Pedrõ ato aská akĩ. “Ẽ yapa akí kaaivere”, ãwẽ imaĩnõ, “mivé nõ vonõ”, ivai nõtĩ avé kãtxípakevai voshõ yamévãki atimávo.