Amavesi eBhayibheli adumile avela kokuthi Ап. керӧммез 1

Dlulisela

Но тіян вылӧ лэдзчисяс Вежа Лов. Сысянь тійӧ вынсялат. Сэксянь Ерусалимын, Иудеяын, Самарияын да быдсӧн муыс пасьта пондат висьтасьны Ме йылісь».

Исусыс сэтчӧ висьталіс: «Айӧ Ачыс сувтӧтӧ колан кадсӧ. Тіянлӧ нійӧ каддэсӧ оз ков тӧдны.

Апостоллэскӧт ӧтлаын сёйӧм коста Исусыс висьталіс: «Ерусалимсис эд мунӧ. Сэтӧн видзчисьӧ Айӧлісь кӧсйӧмсӧ, кӧда йылісь тійӧ кыліт Месянь. Иоаныс тіянӧс пыртіс ваӧн. Лун-мӧд бӧрті тійӧ пыртчатӧ Вежа Лолӧн».

Кулӧм бӧрас Исусыс Аслас велӧтчиссезлӧ унаись мыччасьӧмнас сетіс тӧдны: Сія былись ловзис. Нёльдас лун сьӧрна мыччасьӧммес коста Исусыс висьтасис нылӧ Енлӧн Юралӧм йылісь.

Сідз висьталӧм бӧрын Исусыс ны син одзын лэбтісис енӧжӧ. Кымӧрыс сайӧвтіс Сійӧ, и Сія эз понды тыдавны.

Исуслісь енӧжӧ лэбтісьӧмсӧ видзӧттӧн ны одзӧ видзчисьтӧг сувтісӧ чочком паськӧма кык морт. Нія висьталісӧ: «Галилеяись отир! Мый сулалат да видзӧтат енӧжас? Тійӧ асьныт адззыліт Исусыслісь енӧжӧ лэбтісьӧмсӧ. Сія бӧр локтас сідз жӧ».