Amavesi eBhayibheli adumile avela kokuthi Mak 1

Dlulisela

Angu gucunkunom, Yensa akengintin táptápáro k'adék a bumurulo ba a kanaŋaŋo adék aŋay na saliŋo úmár úmánduk.

Yensa atéekineh jamaŋo ayéjeh: - Ninkinan! Bísibaŋo apútriput! Waathu maasayahu Díino ŋantindeŋ. Inini kúbiireŋ jamméejenkánan imbi Díino. Dómáreŋ Kúmbuuñaamo Kúnsuuminno. Nim Yensa gayéjehne.

Bayicem mees aráábular a baaruŋo. F'aŋane gúráábulaŋo a baaruŋo afég honj a raafo. Afég hakubo n’akimbulane. Bakimbulay afég ni Jamméejhu Díino Jarenninno akucurohne a binaanam, te amíir ingi bákuyeer. Angu fo Jamméejhu Díino Jarenninno akucne imbi Yensa, ayennehin síngiir s'afúrumor a raafo s'ayéjehem: - Fi ingine Úbákum m'ipokunne baman a hafithum. Hakaanankan asúumeemsuum dáde. Nim síngiiro ayéjemne.

Eke me ingi baaru bareŋ giyicunkoonuŋne? Kanda wúuro m'adék adékekinehne adokuneh Jamméejhu Díino Jarenninno k'ayicum jamméejenkánan. Nim Yaya gayéjehne.

Bafégeeniŋ ayéj: - Ninkinan, bénteŋ jambaalo k’útifiremuŋ! Ilinninkunoonuŋ k’uguyoŋ ñambaalhu jamaŋo. Banyennehini hómár, ambénn maŋ fam jambaalo k'ankokay ingi Yensa ki k’anguy ñantaalibehinem.

M'anyennehinne n’akawandinehne alaaleeniŋ dáde maro hakawandinkinem mídeŋeŋ ingi inha ñankeekihu Hañaañeno. Yensa gakawandi, gúlokunom afaŋundeeniŋ n’ayik sembe.