Amavesi eBhayibheli adumile avela kokuthi Mak 13

Dlulisela

Jamaŋo mi duniyaŋo nip anhachunoonuŋ a gubaarhu n’ufiyumemuŋne. Kanda moŋon moŋon alahne aliŋ bufiyunkum, Díino apahánkánam.

Gúmár akanne íyejoonuŋ úkáánumáŋ dáde. Dahu úduufoŋ maro pájiiroŋ da hómár ayikhinehne. Pareereŋ unoohoŋ na!

Ganlahoonuŋ k'andékuroonuŋ a tilibinaalo, dahu uwoseneŋ a gubaarhu n'uñantaheŋne úloboŋ na. Úputoŋdir, moŋon moŋon a tilibinaalo, Jamméejhu Díino Jarenninno gadékehne bujellihinken n'údekehne balóbo. Gatéekinen úlob maŋ hómár, maro a waato nómár Jamméejhu Díino Jarenninno gadékehne gunohálinku jamméejhen, ki jámár alób a gubaarhu fi.

Ingah! Raafo ingi réeŋo, hómár abayihineh, kanda ayikyik ho dabayahar. Hómár agune balókum.

Agida wúur pájiireŋ da hómáráŋ ayikhinehne. Yikireŋ m'apájul. Muy maleekaŋaŋo, muy Úbáku Díino, yikireŋ m'apájihinehne da hómár ayikhinehne. Bááhum Díino bareŋ apájulne.

Guyennehineŋ biñaamo imbe bim, dahu údewuneŋ. Gantengahoonuŋ maro biñaamo ayikhineh, dahu údewuneŋ. Hómáráŋ nip ayikhineh kanda agidaháneh ni kadéthu duniyaŋo n'aroŋ.

Nim guŋoolinkum a duniyaŋo amíirhinehne. Gúmár akanne íyejoonuŋ, uningeŋ k'upareheŋ unoohoŋ na, maro pájiiroŋ da ulaameku dígo aŋoolinekinehne. Karo aguy gu bugaanig, karo aguy gu báhánd, karo aguy bi harennaam, karo aguy gu tápár. Dúpájuláŋ. Amumbhuneh ñanlabahi, kanda biki amumboonuŋ. Dajóon k'ilahuntoonuŋ n’uŋayaŋ sínduuf. Ŋayri gúteekinku ninkinan ba bareŋ. Ninkinan ingi jamaŋo índukoŋo mees giŋane gúteekino. Ningereŋ k'upareheŋ unoohoŋ na!

Jandiŋ duniyaŋo badétum, siyeŋo añaamháneh ingi adíinem siy. Maasa añaam ingi adíinem maasa. Didiiraŋo ayindina fo akimbula bilabahi. Kúugo alaba. Agida hómáráŋ nip upiren úmiirinahin ingi banuyonku udikaamo baliiho ba guŋano.

Kanda ninkinan, jandiŋ duniyaŋo badétum, siyeŋo nip aññantay anyennehin Kúmbuuñaamo Kúnsuuminno.

Bammiihem nim Yensa ayéjeeniŋ: - Ninkinan, káánunteŋ ki biki wúur adéker ajodoonuŋ a gubaarhu d'eŋoolinekinehne a duniyaŋo. Ayikhineh ñanlabahi m'anyéjhinehne: «Me ingine Umaasaŋo Mu Díino Acaabenne!» Anjodhuneh ñanlabahi, kanda mimim dahu ujahárineeniŋ.

Kanda ninkinan, káánunteŋ! Anlakunoonuŋ k'andékuroonuŋ ba a tilibinaalo. Ammahunoonuŋ a jaameŋeŋo. Andékukunoonuŋ imbi ñammaasaŋo ba kitiŋo. Ankankunoonuŋ inho nip a gubaarhu n'ufiyumemuŋne. Díino abénnhineeniŋ k'ankaanoonuŋ hómáráŋ k'upireneŋ úseediyahamuŋ.

Jamaŋ ñanlabahi andékekineh k'anyéjoonuŋ: «Ingah! Me igune Umaasaŋo mu Díino Acaabenne!» agida bujodhánan gaŋŋane. Ayikhineh mees m’andékekinehne k'anyéjoonuŋ immereŋ anabiyoŋoŋ, k'ankaanah tamaseereŋo, ankaanah h'alaaloonuŋne ki nim ampiren anjodoonuŋ. Anrifhineh gujodhu jamaŋo mi Díino acaabenne, kanda dampireneeniŋ.

Kanda waato nómár awusunadir: Bísibaŋo dayaaŋ, júuno amurihineh, bahúuro anenekineh. H'agune a raafo ayindinaháneh.