Amavesi eBhayibheli adumile avela kokuthi Mak 16

Dlulisela

Aŋoolin ayéjeeniŋ: - Inini, ninkinan, uñantaheŋ údekeŋ beŋen beŋen a duniyaŋo gúteekinku jamaŋo nip Kúmbuuñaamo Kúnsuuminno.

Ingi faka, aji wúur adómi gúloku Kúmbuuñaamo Kúnsuuminno apiren akaan tamaseereŋo innoŋ: Afúnnhuneh fáguhoŋo f’aŋŋanne jamaŋo a gubaarhu sembehu gurethum. Alóbhuneh halóku siyeŋ adúkoŋ ha hatahadaŋ. Apiren alah busumool busaŋari wola aruuh posoŋo, kanda dakaanam nintig. Apiren alóbun silakánam imbi újebireŋ ki újebireŋo úmár ajéb. M'adómne gúloku Kúmbuuñaamo Kúnsuuminno apiren akaan inhoŋ. Nim Yensa alóbne.

Aji wúur adómi gúloku Kúmbuuñaamo Kúnsuuminno kúmár k’anyica a gurethum, Díino apahánkánam. Kanda mu dómároŋne, Díino ayehenkinem.

Badoonay, ñantaalibeŋo antoŋ hadéko beŋen beŋen a duniyaŋo ba gúteekinku jamaŋo Kúmbuuñaamo Kúnsuuminno. Gaŋŋay gukanku dohoŋo nómár, Umuyhintor akááñinahinkeeniŋ. Hómár ingine anéereeniŋneer sembe no gukanku tamaseereŋo n'aséediyahuneeniŋne imbi jamaŋo maro h'anlóbohne marigen.] Angu, me Mak, nanka gúlokum amukne a letaro inno.

Kanda hambaaniŋo ayéjeeniŋ: - Ninkinan, dahu údewuneŋ! Me ípápájul maro Yensa mu Nasaret gútibheŋne, m’anfaaŋunahinne a dinlihano. Dókuloŋ k’úfegeŋ k’anninkemne. Ningeŋ baŋ! Guyroŋ nanka maro Díino akengunemkengun a biniirohánom ingi bumburunku arinkinem nip. Bakengunaa mees, adék adoona. Guyroŋ nanka! Ningeŋ baŋ k'anninkerne búgááro!

Nim gammiihayne maro dámár afufuuh dáde. Angu anyoofun agírenkinin aŋŋanden maro dawaalo arokulaarokul. Bampúti harennaamo, aŋŋan a búyindo. Baŋŋani, anlahun hambaani n'anoone na a jiyakánin, úmár ingi bayaah bafer. Banfégem anjuhula.