Amavesi eBhayibheli adumile avela kokuthi YOHANES 6

Dlulisela

Lun ken Yesus men daha', “Akui anih nah Kanen Urip atih. Hi-hi aleng nei ha' Akui, nusi' ha' seng jam la'o, nurei pah hi-hi aleng nginah té' Akui, nusi' ha' seng jam megang ba.

Belua' aleng ma'uk urip. Batung ji nun pah em té' bang na'. Té' pah daho' aleng Ek kuma' men kelo' atih, iha' nah belua' dahin urip

Meng kam nyadui ilau ket kam kani aleng melei maram, bi sayu kam nyadui ilau kanen aleng té' pa'en ateng urip pa'en aleng sayu, aleng en Anak-kelunan ih men ikam; avin Iha' nah aleng uh en Taman Na' petneng, iha' tih Allah.

Avin nunih nah kenep Tamak, ha'ut-ha'ut la'ung aleng nyineng Anak dahin nginah té' Iha' iha' pah seng hipun urip pa'en aleng sayu, Akui pah seng pekurip iha' té' dau aleng baya loh.”

Iha' nah Yesus nyu'ei dahin kuma' men daha', “Anih nah hadui aleng kenep Allah, sayu nah ikam nginah té' Iha' aleng uh nei hu'en Allah,” ken Na'.

Lim nun-nun aleng en Tamak ih men Akui, atih pah seng nei ateng ha' Akui, kelunan aleng nei ha' Akui lahuh, nusi' peletu Kui nyarang daha'.

Simon Petrus pah nyu'ei Iha', “U Tuhan, té' daha' ha' béh ngavan alo' tei iah? Ika' kah aleng hipun daho' urip aleng pa'en.

Akui anih nah Kanen aleng murip, aleng nei ngiléh men Surga. Kelunan hi-hi aleng kuman kanen anih, daha' anan pah seng murip pa'en-pa'en. Lan, Kanen aleng Ek ih anih, iha' tih batung Kui aleng Ek uk avin urip kelunan té' usun tana anih,” ken Na'.

“Ji la'ung pah em deng nei ha' Akui iha' Tamak aleng nyihu Akui em mejat iha'. Akui pah seng pekurip iha' té' dau aleng baya loh.

Avin kanen Allah, iha' nah Iha' aleng nei ngiléh men Surga aleng ma'ih urip men kelunan ha' usun tana anih.”

Akui anih nah Kanen urip.

Uh anan, en Yesus ala nah luti atih dahin bara sayu kenep, iha' nah Iha' petulan na' dahin daha' aleng melo' tinan, nunan pah masik atih lahuh, tuken deng kenep daha'. Uh besoh nah daha' lim, iha' nah Iha' kuma' men dalo' anak sekulah Na', “En kelo' peng nah lim-lim la'an daha', ja ha' em té' java' nun-nun.”

Té' awi dua' telo' bato' su na' dalo' uh mesei, kitan dalo' nah Yesus panau hujung ata'. Nei nah Iha' jeleng pala haruk dalo', pelalau dalo' takut. Bi Yesus kuma' men dalo', “akui kah anih, meng kelo' takut,” ken Na'.