Amavesi eBhayibheli adumile avela kokuthi YA-SFADOCI JRNE 12

Dlulisela

Qahqi wiyafv ilani mesvmvwita, welrni inv nakvsita; macimi nelv tv hvpiv, nahfrpi ntvsi wa hvpi-wv ni mesvmrgamv : qahqi wiyafv ilani mesvmvwita, nileni inv Ufimv wa hutvgalamrli.

Hinv ivhqalatvkv u ta lanvwawewa u wvntu ini; macimi inv sa-segalatvkv u ta lanv-wawewa yomv yalakuqvh-kvmigigi tvsi wah nvhekv iqi gjetunv goqa-lrqvsi lanvwawewa-nagi.

Tapilo, tapilo, gi talapwv nelv, Waciwaphi nakuti paqa kvwvsqi ini vsisgegi si panfaga macmi naboyrga, ini nrnsihkv pahi vbeiv; wakv qahqi ini naboiv, maci mvwifowa ini uci neginwi.

Ni bir wvivhfayrgi ini yalakuqvh-kvmigigi, wvhsi goqa-nafv-grci dapwahsa nelv manvwvhi mvtv vpici ini Ir papagijrgi.

Chena qahqi wiyafv ilani u nodrnv ni tayowanv, macimi mvtv u gjetunr-nv nili, mvtv ni tapuwrlv inv : xvga ni bir mvtv wvhsi tapuwrtvmv ini valakuwvh-kvmigigi, wakv wvhsi ini yalakuqvh-kvmigigi wrpvnasdoiv.

Male waciganvhi u mvma nakuti pvum ufapiv nrdewi lumgowa, gisuwa-lamaqvtwi ulrmi, chena u luminvmvwrli nili u fitvli Jesise, macimi welahfv ut vwanv u kvfhvmvwrli u ficiwilici : macimi ini wegiwv uqihfanwi ini ya-simyrkugi ini lumgowa.

u mvmanrwv nili pvwefvlvni-mesa uci nili pvhgaivkuki, chena wapfaki u mvwi nvxkvwrwrli nili, macimi, Hosanv : Gisrdala-makufi inv ba-birtv ini u wefowa-nagi inv Dabalamiwatv, datapilvhi nili Ugimrmvli Iswelv, lvhotvmoki.

Chena ud rpvftvwvhi Jesise, Hini yrtafvgi biaiv wi hinv u Qihfvli ilani wvhfrci-makufihofuci.