Amavesi eBhayibheli adumile avela kokuthi Ageun 3

Dlulisela

Nakeanyunia aberu ekitoi ebe ejok ainyam, isiyalamikinit da akonye, ekitoi da erai loisiŋobelei ayaun acoa, koden araitoke, konyam; koinak okilenike da, konyam.

Kepiiriana emun aitelekarit itian kere luka ais lukesubi EJAKAIT Edeke, Kotema ŋesi aberu atiar, “Eebo, abala teni Edeke ebe, ‘Mam inyamenenete araito nuka ekitoi ke re lokomanikor’?”

Ebwaikini asurup kidinikon ka aberu, ido kidiŋ aurikon ka aurike da; idecideeenenei akonikou ka jo da idecideeenenei aketitibat.”

Kotema ŋesi aberu atiar, “Eyatakini noi ikonican ka akonipotuunun, Kotoma ocan ŋes idoununio idwe, akoniimuit koiai neejai okilenikon, ido ŋes kiyait jo.”

Kotoma ainyinyir nuka akonyenekon ŋes idumunia inyamat, aitodol neibonoria alup, naarai nen ŋes kolo kilemunere; naarai irai ijo apua, ibonori da apua.”

Kotema ŋesi Adam atiar, “Naarai ibu ijo kiira eporoto loka aberukon, ainyam araito nuka ekitoi lokeeorakin jo ebe ‘Mam inyami’, ekeni alup kanukon; kotoma ailolitoikon ŋes idumunia luinyami apaarasia kere nuka aijarakon.

Kotema atiar, “Iŋai bo kilimokini jo ebe imujalal? Inyama ca ijo araito nuka ekitoi loabu keeorak jo ebe mam inyami?”

Kwaŋin kirenea ŋesi etuŋanan: kosodi kari nakokide naka emanikor loka Eden kibwaik Ikerubin, ka ekileŋ loimilia loibelonokin iwaitin kere, aidar erot loka ekitoi loka aijar.

Komaik etuŋanan akeberu ekekiror Keba; naarai arai ŋesi toto naka luejarete kere.