Amavesi eBhayibheli adumile avela kokuthi JHN 16

Dlulisela

ना लोना मिक शांती शिक्काला आंका निन इ माटलु मिक शप्पीनान. दुन्यामला मिक तकलीफ आय्यी; तरी दम फटना, निन दुन्याम मिंदा विजय मिळा मतनान!”

पण आदी सत्यद आत्मा वच्ची आप्पुड आदी मिक दावा सुपीच्ची पुर्ण सत्यला येकेन फोई, येनटीक की आदी स्वता मनता येमीच शप्पाक फोई; तर येम आब्बान तीकेल इनी आद्दे शप्पी इंगा मुंदारकी आय्ये माटलु मिक शप्पी.

मीर इंगाना ना फेरता आब्बान येमीच आडगालेद; आडगुना आंटे मिक शिक्की, दिनिचांग की, मिद आनंद पुर्ण कावाला.

तरी पण निन मिक खरेम शपतान, निन फोयतुनान दिंटल्या मीदे फायदा उंडाद, येनटीक की जर निन फोलेद, तर वकील मी तीकुड दाके फोई; निन फोयतीन आंटे वान निन मी तीकुड आंप्यान; इंगा यप्पुड वाड वच्ची, तर वाड दुन्यामलोन मंदीक वार पापला बद्दल, परमेश्वर नितीमत्व बद्दल इंगा वच्चे न्याय बद्दल नेरपी.

इंगा इल्ले, इप्पुड तर मीर दुखी उंडार; तरी निन मिक वापस भेटाशान इंगा मी अंतकरणलु आनंदीत आय्यी इंगा मी तीकेल मिद आनंद यवारुच नांचकुनाक फोयार. इंगा आबद मीर नन्नु याईच प्रश्नल आडगाक फोयार. निन मिक खरे-खरेम शपतान, मीर आब्बान देगार येमाना आडग्यार तर वाड मिक ना फेरता इच्ची.

निन मिक खरे-खरेम शपतान, मीर येडशार इंगा शोक शेशार, पण दुन्यामलोन मंदी आनंद शेशार. मिक दु:ख आय्यी, पण मिद दु:ख मिद आनंद आय्यी.