Amavesi eBhayibheli adumile avela kokuthi Gen 6

Dlulisela

xyoj ruk'ux chi xuyejaa' i winaq chinaah i wach ak'al. Ma' k'isiin ta xchalik ruti'kiil ruk'ux.

Noq xrilow i QaJaaw Dios chi ma' k'isiin i yiib' wach na'ojb'al inki a'n i tinamit chinaah i wach ak'al, eh xa re' chik i ma' holohik taj inkikapaaj rub'aan

Eh re' QaJaaw Dios xponik chuwach i runa'ojb'al i Noé.

Re' wili inq'orarik chi riij i Noé. Re' Noé korik wach ruk'ux, juneliik xunimaj i QaJaaw Dios, chupaam i q'iij re' re' xa re' wo' reh wilik chi kixilak i tinamit xk'acharik chi korik chi je' rukab' iraaj i QaJaaw Dios.

Ruum i re', je' wili i xuq'or i QaJaaw Dios: Re' hin naa nusacham kiwach i tinamit i nutz'uhkrisam chinaah i wach ak'al, je' wo' chu'nchel i chikop, chi je' xa kijukem kiib' noq kib'ehik, chi je' kirupinik pan taxaaj, q'e' intiib'ik i nuk'ux inki a'n ma' ta naq xnutz'uhkrisaj taqe, inki.

Noq xi k'ihaaxb'ik i tinamit chinaah i wach ak'al xwihik cho kixq'uun. Eh noq xkilow taqe i rak'uun i Dios chi q'e' taqe holohaq ixoq xkisik' wach chi kixilak ixoq re' re', reh chi xkian kaxáro kuuk'. Re' i QaJaaw Dios je' wili i xuq'or: Re' hin ma' naa ta nuye'em i Wuxlab'al chi juneliik kuuk' i tinamit ruum xa tiwik taqe. Je' re' noq, xa jinaj siento ruuk' juninaq haab' naa nuye'em kik'achariik, inki. Eh chupaam taqe q'iij re' re', noq re' taqe i rak'uun i Dios xkian kaxáro kuuk' taqe i kixq'uun i tinamit reh chi xwihik kak'uun kixq'uun kuuk', je' wo' koq'uun wilik taqe i winaq i nimaq kooq xik'u'loq. Re' keh xwihik wo' kak'uun kixq'uun, re' chik taqe keh q'e' kow kiib' noq xooj kuxoq.

Re' Noé xub'an wo' chu'nchel nik' wach i xq'orarik reh ruum i QaJaaw Dios.

Eh re' i QaJaaw Dios je' wili i xuq'or reh i Noé: Re' hin xchalik chik panuk'ux chi naa nusacham kiwach i tinamit wach ak'al, ruum kuum i keh xnujik i yiib' wach na'ojb'al wach ak'al. Eh junsachariik kiwach ruuk' i wach ak'al naa nub'anam.

Re' hat naa-ayejaam jino'q kanowa paat re' ruuk' i chee' gofer naa akojom. K'ih tahs paam naa a'nam, eh naa-ayulem chupaam, naa-ayulem chi riij i je' q'ool re' ruuk' inkan panak'al.

Re' QaJaaw Dios xrilow chi re' i wach ak'al nujinaq chi yiib' wach na'ojb'al, ruum chu'nchel i tinamit xa re' chik i yiib' wach inki a'n

Eh naa wo' akojom taqe awuuk' pan kanowa paat jar b'uhr wach chi chikop i wilkeeb' sut i wach ak'al. Eh chi k'uhlaal taqe naa akojom, jinaj imaas, jinaj i xq'un, reh chi nee kiko'ljik chuwach i kimik je' rukab' i hat.