Amavesi eBhayibheli adumile avela kokuthi San Mateo 13

Dlulisela

Ja pe oñeñotŷ vaecue yby pôrâjápe, upéva catu pe ojendú vaecue Ñandeyára ñeê ja ojechacuaa pôrâ vaecue jiá pôrâitéva ja oiméne jiŷva cien, ja ambue jiŷva sesenta ja ambue treinta.

Ja pe oñemuasaî reí vaecue ñûatîndŷpe, péva catu pe ojendú vaecue Ñandeyára ñeê ja oyepyapŷ eterei pypé mbae co yby arigua reje, ja oñembo taby pypé imbaererecopŷ gui, pe Ñandeyára ñeê oñembo pytúpá ichuguicuera, ja jaecuera opytá reí jiá ŷ rejeguaicha.

Oime ramo ojendúvaecue Ñandeyára ñeê yvapegua reco rejegua oicuaa pôrâ ŷ reje jecópe, ou voi pe mbaepochŷ ja ôguenojê reí pe oñeñotŷ vaecue ipyápe. Peva catu pe jaŷî oñemuasaî reí vaecue pe tapé yképeguareicha.

Ja pe oñemuasaî reí vaecue itátŷpe, péva catu pe ojendú vaecue pe Ñandeyára ñeé, ja ogueroviá voí vaecue torypápe. Upéva ndojapói catu iyejegui voínte, ja ndoicoaréi, sapyamíguánte upéva, ja sapya, ojasa asy ramo, terâ oyeyopŷ ramo Ñandeyára ñeê rejejápe voí, oñembo pyávaí, ja opoí.

Upeicha avei co teco marangatu yvapegua rejegua oyogúa petei tacateŷjá iñongatupyrâ oñeñotŷ vaecue ñûme, ja sapya peteî carai oyuju reí ja oyajoí yeby, ja jorŷ gui ojo ja oñemû opa oguerecóva reje oyogua jaguâ pe ñû.

Oime jaŷî avei joa guaú vaecue yby pôrâ jápe, ja jiá pôrâ, oime jiŷva cien, ja ambue jiŷva sesenta, ja ambue jiŷva treinta.

Pejeyánte, tocacuaa oñondive pe ñamonoô jaguâ ára peve, ja uperamo pe ñamonoô jaguâ árape amombeúne umi imonoôjarâpe: Pemonoô raê co caavó vaí, ja peñapytî atŷra rupi oyejapŷ jaguâ. Pe temityácué pôrâ pembyatypá cheve pe iñongatú jaguâ me.