Amavesi eBhayibheli adumile avela kokuthi YAYA 12

Dlulisela

Aheʹ iaʹ badaʹ kimet te malaʹ akeʹ, atek ke nai bayaʹ akeʹ. Mele kempi ukoʹ keʹ, kina lete diaʹ pegayeng makeʹ un ngan nceʹ. Ngan Amai heʹ ke nyelama aheʹ iaʹ pegayeng makeʹ.”

Aheʹ iaʹ malaʹ neng udip pe tengen kusun tanaʹ ini, ina iaʹ ke tepa neng udip lan ʹo. Aheʹ iaʹ miʹi neng udip pe tengen kusun tanaʹ ini, ina ia ke nalan udip pe saheʹ kelineʹ iaʹ ngeriman uʹo.

Lan dau heʹ mikem, ukoʹ baʹan le ke pekata luang padai are. Ca bute padai ke nahung ca bute tuaʹ le, buk le abeʹ un lemahaʹ a kaʹ tanaʹ penco matai. Buk ke matai, ina le ia ke kadoʹ buʹan ne.

Akeʹ nai kusun tanaʹ ini ukoʹ baʹan ca dema, apan singket usa diaʹ ngelan neng akeʹ abeʹ un petem ngelineʹ dalau ntem.

Aheʹ diaʹ kenahan dau katuk keʹ, ngan abeʹ un ubaʹ bayaʹ a, abeʹ keʹ metep ukum neng ia. Akeʹ nai tuman ke pudip kelunan kusun tanaʹ ini, abeʹ e tuman nceʹ ke nai metep ukum kidi.

Dalau ina ne Mariam alaʹ ca buhan kelaʹang iaʹ mahan suhaʹ a, kun ne mubeʹ e kaʹ taket Yesus, penco ho lemasa ha man puk ke. Pa libut amin tekaʹ kenai me baʹoʹ kelaʹang ina.

Ina ukoʹ de alaʹ daʹan nanga, ngan tai kawang, penco nyelalang Yesus, mentung ngelalo kuma ha: “Pempau Allah, Allah iaʹ naʹ peniga me Laki iaʹ nai dalem ngadan Tuhan. Allah naʹ peniga ha me Laki Paren lepoʹ Israil.”

Un dau Yesus mipa ida: “Lepa abeʹ ne jakaʹ iaʹ penekep Anak Sio ke alaʹ serema peniga ha iaʹ bioʹ.