Godigo Sęba Tagala Palai Bidigo Po Te hasia nedebo tau sabo po
Te hasia nedebo tau sabo po
Te bidi Luk agai hasia te Jisas aga tǫde bidibadi yali sę dali, aga wali po dali, te tigidalide po hasia asęnama, tama nosali agai te Jisasgo po wali pabo we bidi hani dabe geninama pedalobo po me asęani. Agai homugo te aga abagi Tiofilus agai koneaibao, te Jisas wali pali bidi dabe augwaligo te Jerusalem moni hanude gagalama, tama tedu te Judia moni tǫ pedaiba pelama, te Godigo po pusubo sę egi pai. Tama tedu augwali te Samaria moni tǫ pedaiba pususu biligi pali, tama tedu nosali augwali te haniani digibulu tǫba pali. Hasia bolo augwaligo te Juda we bidi dabebolo naga te po ola magi pai. Tiali goli nosali augwaligo koneai, te Godigo homugo te Juda hani isąwai haniani hani we bidi tigidali augwaligo me te Jisasde wabo gesi dwagi yai po odomainao. Tama Godigo aga Tedali Mobo Bidi augwalibolo mayu tama agai tebogo augwali bomo mobaso, augwaligo te Juda dabego moni hanu Jerusalemde gagalama, tama nosali te gesi dwagi yai po te Juda hani isąwai bagego moni hanu Romba me te po pusugi pai dao.
Okuqokiwe okwamanje:
Godigo Sęba Tagala Palai Bidigo Po Te hasia nedebo tau sabo po: mps
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
© 2002, Wycliffe Bible Translators, Inc. All rights reserved.