MITHEW 8
8
Raichi Am Spa Ta Dampi Na
(Mak. 1:40-45; Luk. 5:12-16)
1Arengpu na mullon akha ah tumma majunga wairul riha na manu tieng jui ya. 2Hana raichi spa akha na arengpa maikunga huk hrun weta mokka ril. “Rengpa, ejonga keita ngeipi lea chu nangna keita thiengpi oh.”
3Jisu na makut dokveta amota tham ma, “Keina nangta ngaipi inge” ta rilla, “Thiengjou oh!” Apha hana makka maraichi damso ae. 4Hana Jisu na makolla ril, “An no nangna atu akha kolla rilshukno oh. Chuti weta thingo thiempu kolla natakmak ri pi oh, akha chu mani kolla rou dang ranga akha chu Moses trongsan an nujuija pek phung shuk pe oh.”
Ralmee Riha Mitpu Ngoiring
(Luk. 7:1-10)
5Jisu na Kapharnahum malut juija ralmee riha mitpu na wa weta amota sanpi ranga sai. 6Amona ril, “Rengpa,” ka suuk akha hi innna pum ahui thi ah ati pi ol donga am meh.”
7Jisu na amota ril, “Keina thing weta dampi ange amota.”
8Hana ralmee riha mitpu na sange. Rengpa chunga keina trongsan peveta ka inn na wak kanghi kamatik am nonge chuti weta rengpa trongsan na pek na chakkom kasuuk ha dam mange. 9Rouram chu keikom mitpu akha thuija am minge hana kathuija kom karalmee am meh keina hita rillinge, “Thingo ta keina ril lea chu amona thing. Akhana wa-oh ta ril lea amona wa ae kasuuk ta kom hi ae ta ril lea amona hata ae.”
10Jisu na rouhi theijuija angak shukka akha chu manu jui ngei ta ril, “Keina adiek rou rillinge. Israel ngei karra phao sunga kom hihekti ngoiring hek ti tuk nonge. 11Keina nangei ta rillinge nasu tienga akha chu nattak tienga mee leima phao weta Abraham Isaac akha chu Jacob hitta thangwan rengram ma reenbu hang hana ong ha ange. 12Chuti weta rengpa sanao ngei ta chu athiem awau wa denga hou ange amunt hana chu atrap arel la chak amange.” 13Hana Jisu na ralmee riha mitpu ta ril, “Thingo, nangoiring nujuija hata amokom chang shu oh.”
Hana pha makka masuuk kom dam so ae.
Jisu Na Leimatam Malmashi Ta Dampi
(Mak. 1:29-34; Luk. 4:38-41)
14Jisu na Peter inn sunga lutjuija Pitar mapi na kut chunga atun nokka jalla am ri so. 15Jisu na makut tong pa chu atun nokka am ha dam so. Akha chu thou wa rengpa ta seba pha tolso.
16Nitak tieng pha ah wakjuija dejabol akha chu hrano muihla na ruija rol mani lei ma tam ha makolla ruija phao ah akha chu hrano muihla lim pata tronglo chakka julla ana eja dampi. 17Nalim pa hi rouphu thiempu Isaiah na rilsa shuk so weh maril phur ha. “Rengpa na ringrei nungshi eja sanpi akha chu hrano rai eja kom amona dampi ti rou shuk ranga ae.”
Jisu Nu Juina Jar
(Luk. 9:57-62)
18Jisu na wairul riha na ahul tunga am mari ah, amona tuipi aralla thing ranga trongsan pe. 19Hana rouphun ocha na makolla phao weta ril, “Ocha amunt changhon nathing na kei jui ange.”
20Jisu na sange, “Ramhui ngei ahur am meh akha chu awa ngei tarang kom abu am meh, chuti weta meesanao pa taranga chu alu kang te shi chek ti rang am no ae.”
21Adang anujui mee akha na makolla ril, “Rengpa masha ah kei kapa ta wui thing ri tikkae.” 22Chuti weta Jisu na mokolla ril, “Kanutieng jui jo akha chu athi ngei na mani athi ngei ta wui shu oh.”
Thirang Akha Chu Tujul Nakom Jisu Riljui
(Mak. 4:35-41; Luk. 8:22-25)
23Hana amo na kung sunga lutta akha chu marui ngei nakom manutieng jui. 24Tuipi hana atipi tuijul hanga kung ha tui na shi ah wa so. Chuti weta Jisu chu jalla am songe. 25Arui ngei na thing weta amota hrang. “Rengpa kani ta san pi oh!” manina ril. “Ani thi ang so ae!”
26Amo na ril, “Ngoiring bet nangei, elo wa haja ati ah chau?” hana amo na thou weta thirang ta ril pa chu tuijul ha ripta daiso ae.
27Hana malmashi ngei na angak shukka saihlak. “Nahi ejongpa malmashi meh? Thirang akha chu tuijul nakom mariljui ae!”
Tarik Mant Spa Ani Dampina
(Mak. 5:1-20; Luk. 8:26-39)
28Gadarene ram ralha tieng matung juija hlan kung hai thou wa tarik na mant apa ani na amota tuk hlak kanga phao ae. Manui ani ha ati pi akha changa am sarukka atu akha na lampi ha lalla thing nea no ae. 29“Chungthieng sanaopa kanuita nangna ejongpa di cha meh?” Hita au wa ril, apha ha pha matienga amunt hina kanui ta aol ana pe anga wa ah che?”
30Amunt hana thou aram latakka vok ngei arak bakka am meh. 31Tarik na Jisu kolla nie ae, “Ejonga nangna kanuita julla hou ang ta lea chu vok ngei am na ah julla hla pi oh.”
32Manita amo na ril, “Thingo!” hana pa chu mani na shukka thing weta vok ngei sunga lut so. Akha chu vok lim pa na leiral tienga tanna tuipi sunga lutta thi so.
33Vok runga am ngei na husunga tanna thing weta shukka houphur lim akha chu tarik na mant ani hana rou takso. 34Hana husunga am limpana Jisu ta rihlak kanga akha chu mani na amota riso. Hana mani rijuija mani ram ma phao no ranga rilleh.
Okuqokiwe okwamanje:
MITHEW 8: CHOTBSI
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
Chothe Naga NT - ATHARKUTHROU
Copyright © The Bible Society of India, 2014.
Used by permission. All rights reserved worldwide.
MITHEW 8
8
Raichi Am Spa Ta Dampi Na
(Mak. 1:40-45; Luk. 5:12-16)
1Arengpu na mullon akha ah tumma majunga wairul riha na manu tieng jui ya. 2Hana raichi spa akha na arengpa maikunga huk hrun weta mokka ril. “Rengpa, ejonga keita ngeipi lea chu nangna keita thiengpi oh.”
3Jisu na makut dokveta amota tham ma, “Keina nangta ngaipi inge” ta rilla, “Thiengjou oh!” Apha hana makka maraichi damso ae. 4Hana Jisu na makolla ril, “An no nangna atu akha kolla rilshukno oh. Chuti weta thingo thiempu kolla natakmak ri pi oh, akha chu mani kolla rou dang ranga akha chu Moses trongsan an nujuija pek phung shuk pe oh.”
Ralmee Riha Mitpu Ngoiring
(Luk. 7:1-10)
5Jisu na Kapharnahum malut juija ralmee riha mitpu na wa weta amota sanpi ranga sai. 6Amona ril, “Rengpa,” ka suuk akha hi innna pum ahui thi ah ati pi ol donga am meh.”
7Jisu na amota ril, “Keina thing weta dampi ange amota.”
8Hana ralmee riha mitpu na sange. Rengpa chunga keina trongsan peveta ka inn na wak kanghi kamatik am nonge chuti weta rengpa trongsan na pek na chakkom kasuuk ha dam mange. 9Rouram chu keikom mitpu akha thuija am minge hana kathuija kom karalmee am meh keina hita rillinge, “Thingo ta keina ril lea chu amona thing. Akhana wa-oh ta ril lea amona wa ae kasuuk ta kom hi ae ta ril lea amona hata ae.”
10Jisu na rouhi theijuija angak shukka akha chu manu jui ngei ta ril, “Keina adiek rou rillinge. Israel ngei karra phao sunga kom hihekti ngoiring hek ti tuk nonge. 11Keina nangei ta rillinge nasu tienga akha chu nattak tienga mee leima phao weta Abraham Isaac akha chu Jacob hitta thangwan rengram ma reenbu hang hana ong ha ange. 12Chuti weta rengpa sanao ngei ta chu athiem awau wa denga hou ange amunt hana chu atrap arel la chak amange.” 13Hana Jisu na ralmee riha mitpu ta ril, “Thingo, nangoiring nujuija hata amokom chang shu oh.”
Hana pha makka masuuk kom dam so ae.
Jisu Na Leimatam Malmashi Ta Dampi
(Mak. 1:29-34; Luk. 4:38-41)
14Jisu na Peter inn sunga lutjuija Pitar mapi na kut chunga atun nokka jalla am ri so. 15Jisu na makut tong pa chu atun nokka am ha dam so. Akha chu thou wa rengpa ta seba pha tolso.
16Nitak tieng pha ah wakjuija dejabol akha chu hrano muihla na ruija rol mani lei ma tam ha makolla ruija phao ah akha chu hrano muihla lim pata tronglo chakka julla ana eja dampi. 17Nalim pa hi rouphu thiempu Isaiah na rilsa shuk so weh maril phur ha. “Rengpa na ringrei nungshi eja sanpi akha chu hrano rai eja kom amona dampi ti rou shuk ranga ae.”
Jisu Nu Juina Jar
(Luk. 9:57-62)
18Jisu na wairul riha na ahul tunga am mari ah, amona tuipi aralla thing ranga trongsan pe. 19Hana rouphun ocha na makolla phao weta ril, “Ocha amunt changhon nathing na kei jui ange.”
20Jisu na sange, “Ramhui ngei ahur am meh akha chu awa ngei tarang kom abu am meh, chuti weta meesanao pa taranga chu alu kang te shi chek ti rang am no ae.”
21Adang anujui mee akha na makolla ril, “Rengpa masha ah kei kapa ta wui thing ri tikkae.” 22Chuti weta Jisu na mokolla ril, “Kanutieng jui jo akha chu athi ngei na mani athi ngei ta wui shu oh.”
Thirang Akha Chu Tujul Nakom Jisu Riljui
(Mak. 4:35-41; Luk. 8:22-25)
23Hana amo na kung sunga lutta akha chu marui ngei nakom manutieng jui. 24Tuipi hana atipi tuijul hanga kung ha tui na shi ah wa so. Chuti weta Jisu chu jalla am songe. 25Arui ngei na thing weta amota hrang. “Rengpa kani ta san pi oh!” manina ril. “Ani thi ang so ae!”
26Amo na ril, “Ngoiring bet nangei, elo wa haja ati ah chau?” hana amo na thou weta thirang ta ril pa chu tuijul ha ripta daiso ae.
27Hana malmashi ngei na angak shukka saihlak. “Nahi ejongpa malmashi meh? Thirang akha chu tuijul nakom mariljui ae!”
Tarik Mant Spa Ani Dampina
(Mak. 5:1-20; Luk. 8:26-39)
28Gadarene ram ralha tieng matung juija hlan kung hai thou wa tarik na mant apa ani na amota tuk hlak kanga phao ae. Manui ani ha ati pi akha changa am sarukka atu akha na lampi ha lalla thing nea no ae. 29“Chungthieng sanaopa kanuita nangna ejongpa di cha meh?” Hita au wa ril, apha ha pha matienga amunt hina kanui ta aol ana pe anga wa ah che?”
30Amunt hana thou aram latakka vok ngei arak bakka am meh. 31Tarik na Jisu kolla nie ae, “Ejonga nangna kanuita julla hou ang ta lea chu vok ngei am na ah julla hla pi oh.”
32Manita amo na ril, “Thingo!” hana pa chu mani na shukka thing weta vok ngei sunga lut so. Akha chu vok lim pa na leiral tienga tanna tuipi sunga lutta thi so.
33Vok runga am ngei na husunga tanna thing weta shukka houphur lim akha chu tarik na mant ani hana rou takso. 34Hana husunga am limpana Jisu ta rihlak kanga akha chu mani na amota riso. Hana mani rijuija mani ram ma phao no ranga rilleh.
Okuqokiwe okwamanje:
:
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
Chothe Naga NT - ATHARKUTHROU
Copyright © The Bible Society of India, 2014.
Used by permission. All rights reserved worldwide.