LUKA 24
24
Isu thonâwk thu
(Mt 28.1-10; Mk 16.1-8; Jn 20.1-10)
1Ni saria ni hmasataka ruok chun, khaw var tâwmin, thil rim inhnik an buotsaihai chu chawiin thlâna chun an va feh a.
2Chun, thlâna inthawka lung chu inhlum sawnin an hmuh a;
3chun, an lût a, Lal Isu ruong chu an hmu si nawh.
4Chun, chuong leia an lunginzîng lai chun, ngai ta, mi pahni puon mi elkhal thei silin an kâwlah an hung ngîr a;
5chun, an ṭih a, an hmaia hnuoi an sik el lai chun, anni chun an kuomah, “Iengdinga mithi laia mi dâm in zawng am?
6[Hitaka hin a um ta nawh, a tho nâwk tah;]#Ziekna ṭhenah Ch.6na hi a um nawh Galili rama a um laia in kuoma a thu hril kha hre zing ro.
7 #
Mt 16.21; 17.22-23; 20.18-29; Mk 8.31; 9.31; 10.33-34; Lk 9.22; 18.31-33 ‘Mihriem Naupa hi mi suolhai kuta inmantirin um a ta, krawsah hemdêng an ta, ni thum ni chun a tho nâwk ding a nih,’ a ti kha,” an ta.
8Chun, a thu hrilhai chu an hriet suok tah a,
9thlâna inthawk chun an fe nâwk tah a, sâwm le pakhathai kuoma le mi po po kuomah chuong thil po po chu an hril tah a.
10(Chuong nuhmeihai chu Mag- dalin Mari hai, Joanna hai, Jakob nu Mari hai an nih; an kuoma nuhmei danghai khawmin tirkohai kuoma chun chuong thu chu an hril bawk a.
11Nisienlakhawm, chuong thu chu thu mei meiah an ruot a, an awipêk nawh a).
12[Nisienlakhawm, Peter chu a tho a, thlâna chun a tlân tah a; chun, a kûn a, a bih a; puon zai inhmi umhai chu a hmuh a; chuongchun, thil umzie chu mak titakin in tieng a fe nâwk tah a.]#Ziekna ṭhenah Ch.12na hi a um nawh
Emmau lampuiah Isu ân lâr
(Mk 16.12-13)
13Chun, ngai ta, chu ni tak chun anni laia mi pahni chu khaw pakhat Emmau an tia chun an fe ding a na, chu chu Jerusalema inthawkin fing sâwmruk a nih.
14Chun, thil hung tlung po po chu an hril malam pei a.
15Chun, an hohlima an hril tlâng lai chun Isu ngeiin a hung pan a, ân tlawnpui tah a.
16Nisienlakhawm, ama chu an hriet thei nawna dingin an mit chu sukvaiin a um a.
17Chun, an kuomah, “Fe malama in thu hril kha ieng am a na?” a ta. Chun, nguitakin an ngîr tah a.
18Chun, a hming Kleopa lem chun a kuomah, “Jerusalemah makhât chauin amanih i um? Tulaia thil umzie i hriet nawh a,” a ta, a dawn a.
19Ama chun an kuomah, “Ieng thil am ie?” a ta. Anni chun a kuom- ah, “Nazareth Isu, Pathien le mi po po mithmua, a thu le a thilthaw zâwlnei hminginthang tak chanchin thu;
20thiempu lalhai le kan hotuhaiin that thu pêk dingin an ṭhuoi a, krawsa an hemdezie dâm thu kha.
21Keiniin Israel intlantu ding a ni kan beisei vei leh; chuong ta nêk hmanin chuong thil tlungna chen chu vawisûn leh ni thum a ni tah.
22Chuong naw khawm chu kan pâwlhai nuhmei ṭhenkhat, zîngkâr a thlânah an va feh a, an mi hung suklungzîng rak a;
23a ruong hmu si loin, ‘Pathien vântirkohai inlâr kan hmuh a, chuhai chun a hring nâwk tah ti an hril,’ an hung tih a.
24Chun, kan umpui laia ṭhenkhat thlâna chun an feh a, nuhmeihai hril ang ngeiin an hmuh a, nisien- lakhawm, ama chu an hmu si nawh a,” an ta.
25Chun, ama chun an kuomah, “Mi invêthai, zâwlneihai thu hril po po awi kawnga ngawnghai!
26Kristain chuong thil chu tuorin a ropuinaah a lût ding a ni hrim naw am a nih?” a ta.
27Chun, Mosie le zâwlneihai po po lekhaah a phut a, Pathien Lekha po poa ama chanchin ziek taphawt chu anni a hrilfie pei a.
28Chun, an fena ding khuo chu an hung hnai tah a; chun, ama chu hla deua fe tum angin a um a.
29Chun, ṭawngbauin an chel a, “Kan kuomah um ta la; khuo ân hnu ding an ta hi, nisa khawm a tla ding a ni ta hi,” an ta. Chuongchun, an kuoma um dingin a lût tah a.
30Chun, an kuoma buthlêng awta a ṭhung laiin bei a lâk a, mal a sâwm a, a khawi a, an kuomah a pêk a.
31Chun, an mit a hung var a, a hmêl an hung hriet tah a; chun, ama chu a bo el tah a.
32chun, anni chun, “Lampuia a mi biek laia Pathien Lekha Thuhai a mi hrilfie lai khan ei lungril a har huoi hrim naw am a ni kha?” an in tih a.
33Chun, an tho nghâl tah a, Jerusalemah an kîr nâwk tah a, sâwm le pakhathai le an ruolhai um khâwm chu an hmuh a,
34“Lalpa chu a lo thonâwk takzet a nih; Simon kuoma khawm ân lâr tah,” an lo tih a.
35Chun, anni khawmin lampuia thil hung tlung le, bei a khawia, a hmêl an hung hrietziehai chu an hril veh a.
Isu a inchûktirhai kuoma ân lâr
(Mt 28.18-20; Mk 16.14-18; Jn 20.19-23; Tt 1.6-8)
36Chun, chuong thu chu an hril laiin ama ngei chu anni lai a hung ngîr a, [an kuomah, “In chungah thlamuongna um raw se,” a ta.]#Ziekna ṭhenah Ch.36na chen ve hi a um nawh
37Nisienlakhawm, râpthlâk an ti bêk bêk a, an ṭih a, thlarau hmuah an inruot a.
38Chun, ama chun an kuomah, “Iengdinga in lunginzîng am? Ieng- dinga in lungrila ringhlâna a hung um am?
39Ka kuthai, ka kephahai hi en ro; hi keima ngei kha ka ni hi! Mi them unla en ro; in mi hmu ang hin chu thlarau chun taksa le ru a nei ve nawh,” a ta.
40[Chun, chu chu a hril zoin a kuthai, a kephahai an kuomah ân entir a.]#Ziekna thenah Ch.40na hi a um nawh
41Chun, an lâwm taluo leiin an la awi naw ta rawp a; mak an ti sûngin an kuomah, “Hitaka hin iengkhat fâk ding in nei am?” a ta.
42Chun, nga raw tlin khat an pêk a.
43Chun, a lâk a, an hmaa chun a fâk tah a.
44Chun, an kuomah, “Hieng hi ka thu kha a nih, Mosie Dâna hai, Zâwlnei Lekhabua hai, Inpâkna Hla bua hai ka chanchin ziek taphawt chu a hung tlung dingzie in kuoma ka um laia ka hril hlak cheu kha,” a ta.
45Chuongchun, Pathien Lekha Thu hrietna dingin an lungvar a sukvar tah a,
46chun, an kuomah, “Hieng ang hin ziek a nih, ‘Krista chun rinum tuor a ta, ni thum niin mithi laia inthawkin thonâwk a tih,
47ama hmingin simna thu le suol ngaidamna thu Jerusalema inthawk- in hnam tin kuoma hril nîng a tih,’ tiin.
48Chuong thil po po chu a hrepui- tu in nih.
49 #
Tt 1.4
Chun, ngai ta u, ka Pa thil tiem chu in chungah ka hung tir ding a nih; nisienlakhawm, chung tienga inthawka thilthawtheinaa inthuom in ni hmakhat chu khawpuia hin um zing ro,” a ta.
Vâna lâwnna
(Mk 16.19-20; Tt 1.9-11)
50 #
Tt 1.9-11
Chun, Bethani khaw kâwl chenin anni a ṭhuoi a; chun, a bân a phar a, mal a sâwmpêk a.
51Chun, mal a sâwmpêk lai takin anni chu a mâksan a, [vâna zuk ṭhuoiin a um tah a.]#Ziek thena chun ‘Vana zuk ṭhuoiin a um taha’ ti le ‘chibai an bûk ti hi a um nawh.
52Chun, [chibai an bûk a,] lâwm bêk bêkin Jerusalemah an kîr nâwk tah a;
53chun, Pathien biekina chun Pathien inpâkin an um rawp hlak.
Okuqokiwe okwamanje:
LUKA 24: HMARCLBSI
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
LUKA 24
24
Isu thonâwk thu
(Mt 28.1-10; Mk 16.1-8; Jn 20.1-10)
1Ni saria ni hmasataka ruok chun, khaw var tâwmin, thil rim inhnik an buotsaihai chu chawiin thlâna chun an va feh a.
2Chun, thlâna inthawka lung chu inhlum sawnin an hmuh a;
3chun, an lût a, Lal Isu ruong chu an hmu si nawh.
4Chun, chuong leia an lunginzîng lai chun, ngai ta, mi pahni puon mi elkhal thei silin an kâwlah an hung ngîr a;
5chun, an ṭih a, an hmaia hnuoi an sik el lai chun, anni chun an kuomah, “Iengdinga mithi laia mi dâm in zawng am?
6[Hitaka hin a um ta nawh, a tho nâwk tah;]#Ziekna ṭhenah Ch.6na hi a um nawh Galili rama a um laia in kuoma a thu hril kha hre zing ro.
7 #
Mt 16.21; 17.22-23; 20.18-29; Mk 8.31; 9.31; 10.33-34; Lk 9.22; 18.31-33 ‘Mihriem Naupa hi mi suolhai kuta inmantirin um a ta, krawsah hemdêng an ta, ni thum ni chun a tho nâwk ding a nih,’ a ti kha,” an ta.
8Chun, a thu hrilhai chu an hriet suok tah a,
9thlâna inthawk chun an fe nâwk tah a, sâwm le pakhathai kuoma le mi po po kuomah chuong thil po po chu an hril tah a.
10(Chuong nuhmeihai chu Mag- dalin Mari hai, Joanna hai, Jakob nu Mari hai an nih; an kuoma nuhmei danghai khawmin tirkohai kuoma chun chuong thu chu an hril bawk a.
11Nisienlakhawm, chuong thu chu thu mei meiah an ruot a, an awipêk nawh a).
12[Nisienlakhawm, Peter chu a tho a, thlâna chun a tlân tah a; chun, a kûn a, a bih a; puon zai inhmi umhai chu a hmuh a; chuongchun, thil umzie chu mak titakin in tieng a fe nâwk tah a.]#Ziekna ṭhenah Ch.12na hi a um nawh
Emmau lampuiah Isu ân lâr
(Mk 16.12-13)
13Chun, ngai ta, chu ni tak chun anni laia mi pahni chu khaw pakhat Emmau an tia chun an fe ding a na, chu chu Jerusalema inthawkin fing sâwmruk a nih.
14Chun, thil hung tlung po po chu an hril malam pei a.
15Chun, an hohlima an hril tlâng lai chun Isu ngeiin a hung pan a, ân tlawnpui tah a.
16Nisienlakhawm, ama chu an hriet thei nawna dingin an mit chu sukvaiin a um a.
17Chun, an kuomah, “Fe malama in thu hril kha ieng am a na?” a ta. Chun, nguitakin an ngîr tah a.
18Chun, a hming Kleopa lem chun a kuomah, “Jerusalemah makhât chauin amanih i um? Tulaia thil umzie i hriet nawh a,” a ta, a dawn a.
19Ama chun an kuomah, “Ieng thil am ie?” a ta. Anni chun a kuom- ah, “Nazareth Isu, Pathien le mi po po mithmua, a thu le a thilthaw zâwlnei hminginthang tak chanchin thu;
20thiempu lalhai le kan hotuhaiin that thu pêk dingin an ṭhuoi a, krawsa an hemdezie dâm thu kha.
21Keiniin Israel intlantu ding a ni kan beisei vei leh; chuong ta nêk hmanin chuong thil tlungna chen chu vawisûn leh ni thum a ni tah.
22Chuong naw khawm chu kan pâwlhai nuhmei ṭhenkhat, zîngkâr a thlânah an va feh a, an mi hung suklungzîng rak a;
23a ruong hmu si loin, ‘Pathien vântirkohai inlâr kan hmuh a, chuhai chun a hring nâwk tah ti an hril,’ an hung tih a.
24Chun, kan umpui laia ṭhenkhat thlâna chun an feh a, nuhmeihai hril ang ngeiin an hmuh a, nisien- lakhawm, ama chu an hmu si nawh a,” an ta.
25Chun, ama chun an kuomah, “Mi invêthai, zâwlneihai thu hril po po awi kawnga ngawnghai!
26Kristain chuong thil chu tuorin a ropuinaah a lût ding a ni hrim naw am a nih?” a ta.
27Chun, Mosie le zâwlneihai po po lekhaah a phut a, Pathien Lekha po poa ama chanchin ziek taphawt chu anni a hrilfie pei a.
28Chun, an fena ding khuo chu an hung hnai tah a; chun, ama chu hla deua fe tum angin a um a.
29Chun, ṭawngbauin an chel a, “Kan kuomah um ta la; khuo ân hnu ding an ta hi, nisa khawm a tla ding a ni ta hi,” an ta. Chuongchun, an kuoma um dingin a lût tah a.
30Chun, an kuoma buthlêng awta a ṭhung laiin bei a lâk a, mal a sâwm a, a khawi a, an kuomah a pêk a.
31Chun, an mit a hung var a, a hmêl an hung hriet tah a; chun, ama chu a bo el tah a.
32chun, anni chun, “Lampuia a mi biek laia Pathien Lekha Thuhai a mi hrilfie lai khan ei lungril a har huoi hrim naw am a ni kha?” an in tih a.
33Chun, an tho nghâl tah a, Jerusalemah an kîr nâwk tah a, sâwm le pakhathai le an ruolhai um khâwm chu an hmuh a,
34“Lalpa chu a lo thonâwk takzet a nih; Simon kuoma khawm ân lâr tah,” an lo tih a.
35Chun, anni khawmin lampuia thil hung tlung le, bei a khawia, a hmêl an hung hrietziehai chu an hril veh a.
Isu a inchûktirhai kuoma ân lâr
(Mt 28.18-20; Mk 16.14-18; Jn 20.19-23; Tt 1.6-8)
36Chun, chuong thu chu an hril laiin ama ngei chu anni lai a hung ngîr a, [an kuomah, “In chungah thlamuongna um raw se,” a ta.]#Ziekna ṭhenah Ch.36na chen ve hi a um nawh
37Nisienlakhawm, râpthlâk an ti bêk bêk a, an ṭih a, thlarau hmuah an inruot a.
38Chun, ama chun an kuomah, “Iengdinga in lunginzîng am? Ieng- dinga in lungrila ringhlâna a hung um am?
39Ka kuthai, ka kephahai hi en ro; hi keima ngei kha ka ni hi! Mi them unla en ro; in mi hmu ang hin chu thlarau chun taksa le ru a nei ve nawh,” a ta.
40[Chun, chu chu a hril zoin a kuthai, a kephahai an kuomah ân entir a.]#Ziekna thenah Ch.40na hi a um nawh
41Chun, an lâwm taluo leiin an la awi naw ta rawp a; mak an ti sûngin an kuomah, “Hitaka hin iengkhat fâk ding in nei am?” a ta.
42Chun, nga raw tlin khat an pêk a.
43Chun, a lâk a, an hmaa chun a fâk tah a.
44Chun, an kuomah, “Hieng hi ka thu kha a nih, Mosie Dâna hai, Zâwlnei Lekhabua hai, Inpâkna Hla bua hai ka chanchin ziek taphawt chu a hung tlung dingzie in kuoma ka um laia ka hril hlak cheu kha,” a ta.
45Chuongchun, Pathien Lekha Thu hrietna dingin an lungvar a sukvar tah a,
46chun, an kuomah, “Hieng ang hin ziek a nih, ‘Krista chun rinum tuor a ta, ni thum niin mithi laia inthawkin thonâwk a tih,
47ama hmingin simna thu le suol ngaidamna thu Jerusalema inthawk- in hnam tin kuoma hril nîng a tih,’ tiin.
48Chuong thil po po chu a hrepui- tu in nih.
49 #
Tt 1.4
Chun, ngai ta u, ka Pa thil tiem chu in chungah ka hung tir ding a nih; nisienlakhawm, chung tienga inthawka thilthawtheinaa inthuom in ni hmakhat chu khawpuia hin um zing ro,” a ta.
Vâna lâwnna
(Mk 16.19-20; Tt 1.9-11)
50 #
Tt 1.9-11
Chun, Bethani khaw kâwl chenin anni a ṭhuoi a; chun, a bân a phar a, mal a sâwmpêk a.
51Chun, mal a sâwmpêk lai takin anni chu a mâksan a, [vâna zuk ṭhuoiin a um tah a.]#Ziek thena chun ‘Vana zuk ṭhuoiin a um taha’ ti le ‘chibai an bûk ti hi a um nawh.
52Chun, [chibai an bûk a,] lâwm bêk bêkin Jerusalemah an kîr nâwk tah a;
53chun, Pathien biekina chun Pathien inpâkin an um rawp hlak.
Okuqokiwe okwamanje:
:
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.