YOANA 12
12
1Kitïta nyu Yeso Petaniya kïtomö osis che le mut nko akonga ntökwitïta asis wow nyo pö Pasaka,* wölo kimöngöy Lasaro nyay kigh Yeso kututunö ngwen. 2Keghchï nyinte omisyo nangat ompö wöloni, kimi Marta kïpöghöy chane. Ki akonga Lasaro ompö pïchoni kyomisyegho mesa nko Yeso. 3#Luk 7:37-38. Kïcheng nyu Marya chupa mwagh nyo ngutoy nyo anyïn nyo pö nardo nyo pö olyot nyo wow akïmïlchï kelyo Yeso akïmisa putechi. Kïnguteghö köyoni mwaghay kïmïkul. 4Kïlö kinetana Yeso akong nyo kikïkuro Yudas Iskariote, akï nyinte nyo wïchtoy Yeso ato le löt, 5“Ompö ne nya tömökyaltegha mwaghï ropïyeni silpa cho le 300 atöketö mey?” 6Kimwa lenyoni amelö ompöwölo kiyongöy nyinte mey, wölo ompöwölo ki chorin, akwompöwölo ki komöninto mïloto ropïyen, akimi kïchoro mïlotononi kïnomnyö.
7Wölo kïlö Yeso, “Opïstenö kamanï! Akanya kïror kïyoni tïng ntökwitïta asisoni kïtïpanïn. 8#Krt 15:11. Omitekwa nko mey kïtenö osis, wölo momitanye nko akwa osis lapay.”
Kakïchïrerchï Lasaro atökepar
9Kilïm söpïch pö pipö Yaudi lö kimi Yeso Petaniya, kïpa nyu wöloni, melö tökïsïwa Yeso onkït, wölo tökïsïwa Lasaro tïkwïl nyo kigh Yeso kututï. 10Kïlenyona, kïchïrerchï tïsï cho echön Lasaro tökïtïgh nyinte tïkwïl, 11ompöwölo kipeny pipö Yaudi cho chang ngala kintöghoghikwa paraku Lasaro akïpa kughan Yeso.
Kölït Yeso Yerusalem nko salat nyo wow
(Mat 21:1-11; Mrk 11:1-11; Luk 19:28-40)
12Otini kïyech, kïlïm tuyonay wow pö pich kipka kïtuyechï omisyonay pö Pasaka lö pïnï Yeso arawet kungwïnöy kutöngu Yerusalem. 13#Tum 118:25-26. Kïlenyona kïtör sos akïpa kïtaroch nyinte akuteghyotoy lö, “Osana soyönote nyinte nyo ngwïnöy ompö kaynata Echotyon! Nya kusoyönö pöytoghinto Israel!”
14Kïnyorï Yeso wawa sïkïryö, kïpus parakunyi le ato kikikir lö,
15 #
Sak 9:9. “Mewöghisyö we kanasyanta Sayon,*
Isïwa ya lö ngwïno pöytoghintengu paraku wawa sïkïryö.”
16Kimöpköchicha kinetankachi ngalechoni osiswechoni, wölo otini kitutï Yeso akwororit, kunan nyu chane lö kikir lenyoni ompö nyinte akwighchï pich nyinte lenyoni.
17Kisöwintönchï nyu tuyononi wow kimi nko Yeso ngal cho kighisyö atanye kigh Yeso Lasaro kututunö pïrïm. 18Nka nyoni kipka pïchoni kïtaroch nyinte, ompöwölo kökikïlïm lö kigh nyinte kiporunötononi wow. 19Kïmwochinchö Parisaytin* lö, “Kasïwa ye nyu? Möketïngetenöchanye kinyiwut nyonikïny! Arose köny lö karïp nyinte kore kïmïkul.”
Kamar pipö Krik Yeso
20Kimi pipö Krik kwenu pïchoni kipa kïsagha Yerusalem asisoni Wow. 21Kïpa chane wölo mi Pilipo (kipö Petsayda nyo mi okumpö Kalilaya) akïlenchï, “Echotyon, kïmökecha kesïwïye Yeso.”
22Kïwö Pilipo kïmwochï Andrea, kïpa nyu chane kwodeny kïmwochï Yeso. 23Kuyokyï Yeso chane lö, “Kakwitïta ye nyu asis nyo kitöni Wero Chi ororyö. 24Omwowokwa nyoman lö, ato möchïnchïnye kösïghyonto nkanun nyïngwïtyan akïma, kïtökï nyinte onkït, wölo ato ma, kuyinu pakan cho chang. 25#Mat 10:39; 16:25; Mrk 8:35; Luk 9:24; 17:33. Chi anka tïkwïl nyo chömöy söpontanyi, kïwighöy kupotöy wölo chi nyo ghöchini söpontanyi ompö ngwïnyinete, kïkomönöy ntökwit söpon pö kokay. 26Akwanka tïkwïl nyo pöghisyewanïn, kïmötïnye kïrïpanïn, atökumï mötworintenyan kïmi nko ani ompö wop anka tïkwïl wölo omitan. Ato pöghisyewanïn chi kutöni Paponyan nyinte konyït.
Kangalana Yeso meghenyi
27“Wongunote mïkulöwunyan. Omwoghan ne nyo ye nyu? Amwaghan lö, ‘Paponyu sörunenante sayanete?’ Ewo, ompöwölo nyoni nyo kyongwïnchan atawer sayanoni pö kichopat. 28Paponyu, kanya kïsïch kaynengu ororyö!”
Kungwïna nyu kut yïm nyo kilö, “Kyaghan kïsïch ororyö, atoliman ngat.”
29Kïlïm söpïch nyo kighyongo atoni kutinay. Mi cho kïlö, “Kötïl,” kïlö walaka, “Köngölonchï malaykayan nyinte!”
30Kïlenchï Yeso chane, “Melö kengwïn kutinoni ompö parakunyan, wölo ompö parakunkwa. 31Ketïta ye nyu kirwoko ngwïnyinï, kïwirchini ye nyu sany wowïnto ngwïnyinete. 32Otini kakïsyolenanïn ngwïny owö parak, oghömïtyan kegh pich lapay.” 33(Kimwa Yeso ngalechoni atökuporï lö megh nyinte meghat nyo nen.)
34 #
Tum 110:4; Isa 9:7; Esk 37:25; Dan 7:14. Kuyokyï tuyonay lö, “Mwowecha kirurut lö söpöy Kristo* kokay. Kwompö ne nyu telentenyi mïchini kesyol Wero Chi parak? Ngo nyu nyo le Wero Chi nya?”
35Kïlenchï Yeso, “Tökïmi kwenunkwa löpoyïn ompö osis cho ngörï. Apestena otini totïngetenö löpoyïnoni atömelumak tuwïn, ompöwölo menkïtnye chi nyo westegho tuwïn wölo töngöy. 36Otinö tökïmi löpoyïnoni nko akwa, aghan atamuka alïkuna pipö löpoyïn.”
Pich cho melö tïng kighanat
Otini kiwany Yeso kïmwa ngalechoni, kïwechï kegh akïwïnya kegh chane.
37Kïmeghancha nyinte, kïrkegh kigha nyinte töngönchin cho chang ompö tawungwa, 38atökïpïntö ngala werkoyon Isaya cho kilö,
“Echotyon, ngo nyo keghan ngalecha?
Akï ngo nyo kakeporchï owesyo Echotyon?”
39Kimökumïcha nyu kughan, ompöwölo kimwa Isaya ngat lö,
40 #
Isa 6:10. “Kimolul Tororöt konyikwa
akwigh mïkulöwekwa kwoghïghitu
atömasïwegha konyikwa
anta sïkunö mïkulöwekwa,
akïwöghökisyö wölo omitan,
atosopön osop chane.”
41Kimwa Isaya ngalechoni, ompöwölo kisïwa ororyo Yeso akïngalana nyinte.
42Kïrkegh kïlenyoni, kughan kintöghoghi pipö Yaudi cho chang Yeso, wölo ompöwölo kiwagh Parisaytin, kïmökupartacha nyinte ompö tawu pich atömökitulö chane kö pö saghat.* 43Ompöwölo kicham chane salata pich kïsir salata Tororöt.
Rwokyini pich ngölyonto Yeso
44Kuta Yeso lö, “Chi anka tïkwïl nyo ghönanïn, kïmeghönanïnye onkït, wölo ghönöy nyinte nyo kiyokwanïn. 45Akwanka tïkwïl nyo sïwïyanïn, kïsïwïyi nyinte nyini kiyokwanïn. 46Ochan löpoyïn nyo kingwïn ngwïny, atömökïtöpo tuwïn chi anka tïkwïl nyo ghönanïn. 47Akwoto lïm chi anka tïkwïl ngalechan akïmörïpönye kïmorwokyinanye nyinte ompöwölo kimangwïnanye orwokyï ngwïny, wölo kyangwïnan osop. 48Chi anka tïkwïl nyo töghanïn akïtagh ngalechan, kïtïng chi nyo rwokyini nyinte. Rwokyini nyinte asispa Söröm ngölyontononi komwowan. 49Ompöwölo mongölonanye ante onkït, wölo kimwowanïn Paponyu nyo kiyokwanïn angalana ngal cho mïchini amwaghan. 50Ankïtön lö ipu kichikötenyi söpon pö kokay. Kïlenyona nyu, ngalechoni omwoghan kï ngal cho kimwowanïn Paponyu amwagh lenyoni.”
Wunöy Yeso kelyeko kinetankachi
Okuqokiwe okwamanje:
YOANA 12: PIPÏLIA
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
©Bible Society of Kenya, 2019