यूहन्ना 18
18
येशू चु़म्मिडिम
(मत्ती २६:४७-५६; मर्कूस १४:४३-५०; लूका २२:४७-५३)
1सो़म्दी बोमु दु़म्मिडिमा येशू उनीमा सीसिपामिमनुङ किद्रोन खोल्सा होम्बु लम्डी। मेसिन्डा जैतून धक्सामिमकु बगैंचा बाइडा। येशू नुङ उनी सीसिपामिम मेगोडा हुम्डी। 2गुमीलाई भ्रेट्पा यहूदाका वो मेराम बाय छेड्डु़म बाइडा। हेङालोने येशू उनीमा सीसिपामिमनुङ मेसिन्डा घ्रो़म्थाल्मिडी। 3मेकोतिमा रोमी सिपाहीमिम, ङाउ डु़म्लाचो़मिम नुङ फरिसीमिमका थु़र्मीडिम सो़रनेम लपा सिपाहीमिम रेसाका यहूदा मे बगैंचागोडा रोक्ता। मेर्मिमका धिप्री, डो़मार नुङ कातु़रु़मिम रेसाका रोम्डिम बाइडा।
4उनी त्वापडला दु़म्मु खाप्डु़मिम ल्वा चक्साका येशू रोम्डी, मा मेर्मिमनुङ हिलाबेम्डी, “गानी सु़ माल्निमिम?”
5मेर्मिमका र्वाम्डी, “नासरतडाम येशू।”
येशूका मेर्मिमलाई र्वाम्डी, “गुङा गो।” गुमीलाई भ्रेट्पा यहूदा वो मेर्मिमनुङङा येम्तासिट्पा बाइडा। 6येशूका मेर्मिमनुङ “गुङा गो” र्वाम्डिमा मेर्मिम चङथो़ स्वाम्डिमा क्वायु़ झार्मिडी। 7आथावो गुमीका मेर्मिमनुङ हिलाबेम्डी, “गानी सु़ माल्निमिम?” मेर्मिमका र्वाम्डी, “नासरतडाम येशू।”
8येशूका र्वाम्डी, “गोङा र्वाक्साका गानीलाई र्वाङ्डोम बु। गानी गोलाई माल्तोङा लेन्ङिनिम बु माला ओर्मिम मु़चु़लाई लमु ग्वाक्नी।
9“गानी गोलाई ग्वाङडिनिमगोडाम कोलेलाई वो गो मेदाम्पुमिवा” र्वाक्साका येशूका र्वाम्डिम ल्वा रोम्थिमु लागि आरे दु़स्ताम।
10मेकोतिमा सिमोन पत्रुसका उमा कातु़रु़का डोक्पु ङाउ डु़म्लाचो़कु डु़ल्चो़काम जो़पलाममिम नोफ्ला फल्साड्डु़। मेराम डु़ल्चो़कु नङ माल्खस बाइडा।
11येशूका पत्रुसलाई र्वाम्डी, “कातु़रु़ उ दापडा जु़ला। पापका गोलाई ग्वाङ्डिमिम दु़खाकु कान्चु़रे हाम गो मेडुमु?”#मत्ती २६:३६; मर्क १४:३६; लूक २२:४२
हन्नासकाडा येशू लम्डिम
12मेकोतिमा सिपाहीमिम, मेर्मिमकु कमाण्डर नुङ यहूदी ङाउमिमका थु़र्मिडिम सो़रनेम लपा सिपाहीमिमका येशूलाई चु़म्साका बट्मिडी। 13मेम्मा गुमीलाई ङादो हन्नासकाडा लम्डी, गु मेथचेम डोक्पु ङाउ डु़म्लाचो़ कैयाफाकु नाइमेकु पाप बाइडा। 14“खोत्ले सामा छो़रो़प दु़म्मुडाम ने कोले मु़चु़ सिमु मु़चु़मिमकाम लागि जो़पा दु़म” र्वाक्साका यहूदीमिमनुङ र्वाक्पा ओराम कैयाफाङा बाइडा।#यूह ११:४९-५०
पत्रुसका येशूलाई मेछेपु र्वाक्ताम
(मत्ती २६:६९-७०; मर्कूस १४:६६-६८; लूका २२:५५-५७)
15सिमोन पत्रुस नुङ येशूकु कोङमी सीसिपा येशूकु चङचङ लक्ची। मे कोङमी सीसिपा डोक्पु ङाउ डु़म्लाचो़का छेडडु़म बाइडा, मा गु येशूनुङङा डोक्पु ङाउ डु़म्लाचो़कु देल्फुडा लस्ता। 16लावो पत्रुस ने लाम्चोकोकु पाखालाम येम्तासिड्डाम बाइडा। मे डोक्पु ङाउ डु़म्लाचो़का छेड्डु़म कोङमी सीसिपा पाखानो लुक्तामा लाम्चोकोडा लपा मेसेमलाई र्वाक्साका पत्रुसलाई देल्फुडा फिड्डु़।
17लाम्चोको लपा मे मेसेमका पत्रुसनुङ हिलाबु़डु़, “हाम गाना मेराम मु़चु़कु सीसिपामिमगोडाम कोले?”
पत्रुसका र्वाक्ता, “गो ने मेएँ।”
18जु लु़पा थारी बाइडामका डु़ल्चो़मिम नुङ सो़रनेम लपामिमका मु झु़त्तोङा बेम्डी। पत्रुस वो मेर्मिमनुङ येम्तासिसाका मु झु़त्तोङा लेड्डु़।
डोक्पु ङाउ डु़म्लाचो़ हन्नासका येशूनुङ हिलाबु़डु़म
(मत्ती २६:५९-६६; मर्कूस १४:५५-६४; लूका २२:६६-७१)
19डोक्पु ङाउ डु़म्लाचो़का येशूलाई उनी सीसिपा नुङ सीसिकु दुथाम हिलाहिसी बु़डु़। 20येशूका र्वाम्डी, “सु़म्दिसेरडा खोत्लेकु ङादोडा गो जेङडोम बु। यहूदीमिम खोम्सिमिमिम घ्रो़म्दीनेममिम नुङ सो़रनेमबाडे गो हेल्लो लोवो सीत्तोमी। थसिक्साका गो हाम वो र्वाङडोम मिबु। 21हेङा गानी गोलाई हिलाबोङिनी? गो जेङ्डोम थो़पामिमलाई हिलाबेनी। गो हाम र्वाङ्डो, मेर्मिमका चमी।”
22येशूका आरे र्वाम्डिलो उनीमा फार्डाङा येम्तासिक्पा सो़रनेम लपा कोले सिपाहीका आरे र्वाक्तो येशूलाई फोसु़डा याल्लु़, “डोक्पु ङाउ डु़म्लाचो़लाई हाम आरेङा र्वामु बासिक्पा?”
23येशूका र्वाम्डी, “गो मेजो़पा ल्वा जेङ्डोम बु माला, हाम जेङ्डो मेराम सो़या। लावो गो जेङ्डोम ल्वा आच्छाङा माला हेङा गोलाई याल्ङिमिम?” 24मेकोतिमा हन्नासका गुलाई बन्थाट्माङा डोक्पु ङाउ डु़म्लाचो़ कैयाफाकाडा थु़र्स्तु़।
पत्रुसका आथावो येशू मेछेपु र्वाक्ताम
(मत्ती २६:७१-७५; मर्कूस १४:६९-७२; लूका २२:५८-६२)
25सिमोन पत्रुसका येम्तासिड्डामा मु झु़ड्डु़म बाइडा। मेर्मिमका गुनुङ हिलाबेम्डी, “गाना वो मेरामकु सीसिपामिमगोडाम कोले मेडे?”
पत्रुसका मेछेपु र्वाक्साका र्वाक्ता, “गो ने मेएँ।”
26डोक्पु ङाउ डु़म्लाचो़कु डु़ल्चो़, मेरामकु मु़चु़काम पत्रुसका नोफ्ला फल्साड्डु़म बाइडा, मेरामका पत्रुसनुङ हिलाबु़डु़, “हाम गानालाई मेरामनुङ जैतूनकु धक्सामिम बाट्पा बगैंचागोडा ल्वान्निम मेएँ मा?”
27पत्रुसका आथावो मेएँ र्वाक्ता। मेकोतिलोङा स्वारेपो ओक्ल्याड्डा।
पिलातसकु ङादोडा येशू
(मत्ती २७:१-२,११-३१; मर्कूस १५:१-२०; लूका २३:१-५,१३-२५)
28मेकोतिमा यहूदीमिमका येशूलाई कैयाफाकु नेमलामका रोमी साखामचो़कु ओगानेमथो़ लम्डी। मेराम थारी नेमसोसोका बाइडा, मा डु़म्ला होम्साका मेसेपा दु़म्मुडाम वाङ बुमु ओगानेमगोनो यहूदीमिम मेहुमिवा। सेल्सिमुनेम चाडकाम ग्रुला पेपा मेर्मिमकु न बाइडा। 29मेम्मिमका पिलातसका पाखानो लुक्तामा मेर्मिमनुङ हिलाबु़डु़, “ओराम मु़चु़कु बुइडला गानी उट्निम मेजो़पा ल्वा हाम बु?”
30मेर्मिमका र्वाम्डी, “ओराम मु़चु़ ख्लाम्याचो़ मेएँ माला ने इनीमा ल्वाडा ग्वाप्डाङा मेरेट्कुवा।”
31पिलातसका र्वाक्ता, “ओरामलाई गानीङा लक्नी, मा इनीमा डु़म्ला होम्साका निया बेनी।”
मेर्मिमका र्वाम्डी, “लावो सु़लाई वो सेन्मु आकीमा डु़म्लाका मेग्वाकी।” 32गुमी हेसाका सिमु बासी र्वाक्साका येशूका र्वाम्डिम ल्वा रोम्थिमु लागि आरे दु़स्ताम बाइडा।#यूह ३:१४; १२:३२
33मेम्मा पिलातस ओगानेमगोनो लस्ता, मा येशूलाई येड्डु़मा हिलाबु़डु़, “हाम गाना यहूदीमिमकु हप?”
34येशूका र्वाम्डी, “गानी इनी त्वाकाङा आरे र्वानिमिम डे आमा दुथाम कोङनिमका गानीनुङ सो़म्डी?”
35पिलातसका र्वाक्ता, “हाम गो यहूदी? इमा त्वाकु सामा नुङ ङाउ डु़म्लाचो़मिमका आमा ल्वाडा गानालाई ग्वाङ्डिमिम बु। गाना हाम बेन्ना?”
36येशूका र्वाम्डी, “आमा किब्दी ओराम सु़म्दिसेरडाम मेएँ। आमा किब्दी सु़म्दिसेरडाम माला ने आमा डु़ल्चो़मिमका आमा लागि क्वाल्बा बेमिवा, मा यहूदीमिमकु ल्वाडा गो मेचु़म्सिङुवा। लावो आमा किब्दी ओराम सु़म्दिसेरडाम मेएँ।”
37पिलातसका र्वाक्ता, “मेएँ माला हाम गाना हपङा?” येशूका र्वाम्डी, “गो हप र्वाक्साका गानी जो़पाङा र्वानिम बुनी। ओरामकाम लागिङा गो गङ्डोम, मा आच्छाङाम ल्वा सो़मु लागि गो सु़म्दिसेरडा योङडोम। आच्छाङाकाम ल्वाथो़ सु़-सु़ बुमी, मेर्मिमका आमा ल्वा थो़मी।”
38पिलातसका गुमीलाई हिलाबु़डु़मी, “आच्छाङाकाम ल्वा र्वाक्मा हाम?” आकोति र्वाक्तामा गु लुक्तामा यहूदीमिमकामथो़ लस्ता, मा र्वाक्ता, “ओरामलाई मुमा बेन्मु ल्वा हाम वो मेडारुवा। 39सेल्सिमु नेमकु चाडकाम थारीका चसिक्पा कोले मु़चु़लाई इनीमा लागि गो डिथालु। मेम्मिमका गो ‘यहूदीमिमकु हपलाई’ डिट्पुनु़ र्वाक्पा इनीमा न बु?”
40मेर्मिमका आथावो आरे र्वाक्तो येम्डी, “मेरामलाई मेएँ, बारब्बालाई डिट्नी।” बारब्बा ने कोर्थो़लाम बक्साका क्वाल्बा बेपा मु़चु़ बाइडा।
Okuqokiwe okwamanje:
यूहन्ना 18: THUL
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
© Wycliffe Bible Translators, Inc. All rights reserved.
यूहन्ना 18
18
येशू चु़म्मिडिम
(मत्ती २६:४७-५६; मर्कूस १४:४३-५०; लूका २२:४७-५३)
1सो़म्दी बोमु दु़म्मिडिमा येशू उनीमा सीसिपामिमनुङ किद्रोन खोल्सा होम्बु लम्डी। मेसिन्डा जैतून धक्सामिमकु बगैंचा बाइडा। येशू नुङ उनी सीसिपामिम मेगोडा हुम्डी। 2गुमीलाई भ्रेट्पा यहूदाका वो मेराम बाय छेड्डु़म बाइडा। हेङालोने येशू उनीमा सीसिपामिमनुङ मेसिन्डा घ्रो़म्थाल्मिडी। 3मेकोतिमा रोमी सिपाहीमिम, ङाउ डु़म्लाचो़मिम नुङ फरिसीमिमका थु़र्मीडिम सो़रनेम लपा सिपाहीमिम रेसाका यहूदा मे बगैंचागोडा रोक्ता। मेर्मिमका धिप्री, डो़मार नुङ कातु़रु़मिम रेसाका रोम्डिम बाइडा।
4उनी त्वापडला दु़म्मु खाप्डु़मिम ल्वा चक्साका येशू रोम्डी, मा मेर्मिमनुङ हिलाबेम्डी, “गानी सु़ माल्निमिम?”
5मेर्मिमका र्वाम्डी, “नासरतडाम येशू।”
येशूका मेर्मिमलाई र्वाम्डी, “गुङा गो।” गुमीलाई भ्रेट्पा यहूदा वो मेर्मिमनुङङा येम्तासिट्पा बाइडा। 6येशूका मेर्मिमनुङ “गुङा गो” र्वाम्डिमा मेर्मिम चङथो़ स्वाम्डिमा क्वायु़ झार्मिडी। 7आथावो गुमीका मेर्मिमनुङ हिलाबेम्डी, “गानी सु़ माल्निमिम?” मेर्मिमका र्वाम्डी, “नासरतडाम येशू।”
8येशूका र्वाम्डी, “गोङा र्वाक्साका गानीलाई र्वाङ्डोम बु। गानी गोलाई माल्तोङा लेन्ङिनिम बु माला ओर्मिम मु़चु़लाई लमु ग्वाक्नी।
9“गानी गोलाई ग्वाङडिनिमगोडाम कोलेलाई वो गो मेदाम्पुमिवा” र्वाक्साका येशूका र्वाम्डिम ल्वा रोम्थिमु लागि आरे दु़स्ताम।
10मेकोतिमा सिमोन पत्रुसका उमा कातु़रु़का डोक्पु ङाउ डु़म्लाचो़कु डु़ल्चो़काम जो़पलाममिम नोफ्ला फल्साड्डु़। मेराम डु़ल्चो़कु नङ माल्खस बाइडा।
11येशूका पत्रुसलाई र्वाम्डी, “कातु़रु़ उ दापडा जु़ला। पापका गोलाई ग्वाङ्डिमिम दु़खाकु कान्चु़रे हाम गो मेडुमु?”#मत्ती २६:३६; मर्क १४:३६; लूक २२:४२
हन्नासकाडा येशू लम्डिम
12मेकोतिमा सिपाहीमिम, मेर्मिमकु कमाण्डर नुङ यहूदी ङाउमिमका थु़र्मिडिम सो़रनेम लपा सिपाहीमिमका येशूलाई चु़म्साका बट्मिडी। 13मेम्मा गुमीलाई ङादो हन्नासकाडा लम्डी, गु मेथचेम डोक्पु ङाउ डु़म्लाचो़ कैयाफाकु नाइमेकु पाप बाइडा। 14“खोत्ले सामा छो़रो़प दु़म्मुडाम ने कोले मु़चु़ सिमु मु़चु़मिमकाम लागि जो़पा दु़म” र्वाक्साका यहूदीमिमनुङ र्वाक्पा ओराम कैयाफाङा बाइडा।#यूह ११:४९-५०
पत्रुसका येशूलाई मेछेपु र्वाक्ताम
(मत्ती २६:६९-७०; मर्कूस १४:६६-६८; लूका २२:५५-५७)
15सिमोन पत्रुस नुङ येशूकु कोङमी सीसिपा येशूकु चङचङ लक्ची। मे कोङमी सीसिपा डोक्पु ङाउ डु़म्लाचो़का छेडडु़म बाइडा, मा गु येशूनुङङा डोक्पु ङाउ डु़म्लाचो़कु देल्फुडा लस्ता। 16लावो पत्रुस ने लाम्चोकोकु पाखालाम येम्तासिड्डाम बाइडा। मे डोक्पु ङाउ डु़म्लाचो़का छेड्डु़म कोङमी सीसिपा पाखानो लुक्तामा लाम्चोकोडा लपा मेसेमलाई र्वाक्साका पत्रुसलाई देल्फुडा फिड्डु़।
17लाम्चोको लपा मे मेसेमका पत्रुसनुङ हिलाबु़डु़, “हाम गाना मेराम मु़चु़कु सीसिपामिमगोडाम कोले?”
पत्रुसका र्वाक्ता, “गो ने मेएँ।”
18जु लु़पा थारी बाइडामका डु़ल्चो़मिम नुङ सो़रनेम लपामिमका मु झु़त्तोङा बेम्डी। पत्रुस वो मेर्मिमनुङ येम्तासिसाका मु झु़त्तोङा लेड्डु़।
डोक्पु ङाउ डु़म्लाचो़ हन्नासका येशूनुङ हिलाबु़डु़म
(मत्ती २६:५९-६६; मर्कूस १४:५५-६४; लूका २२:६६-७१)
19डोक्पु ङाउ डु़म्लाचो़का येशूलाई उनी सीसिपा नुङ सीसिकु दुथाम हिलाहिसी बु़डु़। 20येशूका र्वाम्डी, “सु़म्दिसेरडा खोत्लेकु ङादोडा गो जेङडोम बु। यहूदीमिम खोम्सिमिमिम घ्रो़म्दीनेममिम नुङ सो़रनेमबाडे गो हेल्लो लोवो सीत्तोमी। थसिक्साका गो हाम वो र्वाङडोम मिबु। 21हेङा गानी गोलाई हिलाबोङिनी? गो जेङ्डोम थो़पामिमलाई हिलाबेनी। गो हाम र्वाङ्डो, मेर्मिमका चमी।”
22येशूका आरे र्वाम्डिलो उनीमा फार्डाङा येम्तासिक्पा सो़रनेम लपा कोले सिपाहीका आरे र्वाक्तो येशूलाई फोसु़डा याल्लु़, “डोक्पु ङाउ डु़म्लाचो़लाई हाम आरेङा र्वामु बासिक्पा?”
23येशूका र्वाम्डी, “गो मेजो़पा ल्वा जेङ्डोम बु माला, हाम जेङ्डो मेराम सो़या। लावो गो जेङ्डोम ल्वा आच्छाङा माला हेङा गोलाई याल्ङिमिम?” 24मेकोतिमा हन्नासका गुलाई बन्थाट्माङा डोक्पु ङाउ डु़म्लाचो़ कैयाफाकाडा थु़र्स्तु़।
पत्रुसका आथावो येशू मेछेपु र्वाक्ताम
(मत्ती २६:७१-७५; मर्कूस १४:६९-७२; लूका २२:५८-६२)
25सिमोन पत्रुसका येम्तासिड्डामा मु झु़ड्डु़म बाइडा। मेर्मिमका गुनुङ हिलाबेम्डी, “गाना वो मेरामकु सीसिपामिमगोडाम कोले मेडे?”
पत्रुसका मेछेपु र्वाक्साका र्वाक्ता, “गो ने मेएँ।”
26डोक्पु ङाउ डु़म्लाचो़कु डु़ल्चो़, मेरामकु मु़चु़काम पत्रुसका नोफ्ला फल्साड्डु़म बाइडा, मेरामका पत्रुसनुङ हिलाबु़डु़, “हाम गानालाई मेरामनुङ जैतूनकु धक्सामिम बाट्पा बगैंचागोडा ल्वान्निम मेएँ मा?”
27पत्रुसका आथावो मेएँ र्वाक्ता। मेकोतिलोङा स्वारेपो ओक्ल्याड्डा।
पिलातसकु ङादोडा येशू
(मत्ती २७:१-२,११-३१; मर्कूस १५:१-२०; लूका २३:१-५,१३-२५)
28मेकोतिमा यहूदीमिमका येशूलाई कैयाफाकु नेमलामका रोमी साखामचो़कु ओगानेमथो़ लम्डी। मेराम थारी नेमसोसोका बाइडा, मा डु़म्ला होम्साका मेसेपा दु़म्मुडाम वाङ बुमु ओगानेमगोनो यहूदीमिम मेहुमिवा। सेल्सिमुनेम चाडकाम ग्रुला पेपा मेर्मिमकु न बाइडा। 29मेम्मिमका पिलातसका पाखानो लुक्तामा मेर्मिमनुङ हिलाबु़डु़, “ओराम मु़चु़कु बुइडला गानी उट्निम मेजो़पा ल्वा हाम बु?”
30मेर्मिमका र्वाम्डी, “ओराम मु़चु़ ख्लाम्याचो़ मेएँ माला ने इनीमा ल्वाडा ग्वाप्डाङा मेरेट्कुवा।”
31पिलातसका र्वाक्ता, “ओरामलाई गानीङा लक्नी, मा इनीमा डु़म्ला होम्साका निया बेनी।”
मेर्मिमका र्वाम्डी, “लावो सु़लाई वो सेन्मु आकीमा डु़म्लाका मेग्वाकी।” 32गुमी हेसाका सिमु बासी र्वाक्साका येशूका र्वाम्डिम ल्वा रोम्थिमु लागि आरे दु़स्ताम बाइडा।#यूह ३:१४; १२:३२
33मेम्मा पिलातस ओगानेमगोनो लस्ता, मा येशूलाई येड्डु़मा हिलाबु़डु़, “हाम गाना यहूदीमिमकु हप?”
34येशूका र्वाम्डी, “गानी इनी त्वाकाङा आरे र्वानिमिम डे आमा दुथाम कोङनिमका गानीनुङ सो़म्डी?”
35पिलातसका र्वाक्ता, “हाम गो यहूदी? इमा त्वाकु सामा नुङ ङाउ डु़म्लाचो़मिमका आमा ल्वाडा गानालाई ग्वाङ्डिमिम बु। गाना हाम बेन्ना?”
36येशूका र्वाम्डी, “आमा किब्दी ओराम सु़म्दिसेरडाम मेएँ। आमा किब्दी सु़म्दिसेरडाम माला ने आमा डु़ल्चो़मिमका आमा लागि क्वाल्बा बेमिवा, मा यहूदीमिमकु ल्वाडा गो मेचु़म्सिङुवा। लावो आमा किब्दी ओराम सु़म्दिसेरडाम मेएँ।”
37पिलातसका र्वाक्ता, “मेएँ माला हाम गाना हपङा?” येशूका र्वाम्डी, “गो हप र्वाक्साका गानी जो़पाङा र्वानिम बुनी। ओरामकाम लागिङा गो गङ्डोम, मा आच्छाङाम ल्वा सो़मु लागि गो सु़म्दिसेरडा योङडोम। आच्छाङाकाम ल्वाथो़ सु़-सु़ बुमी, मेर्मिमका आमा ल्वा थो़मी।”
38पिलातसका गुमीलाई हिलाबु़डु़मी, “आच्छाङाकाम ल्वा र्वाक्मा हाम?” आकोति र्वाक्तामा गु लुक्तामा यहूदीमिमकामथो़ लस्ता, मा र्वाक्ता, “ओरामलाई मुमा बेन्मु ल्वा हाम वो मेडारुवा। 39सेल्सिमु नेमकु चाडकाम थारीका चसिक्पा कोले मु़चु़लाई इनीमा लागि गो डिथालु। मेम्मिमका गो ‘यहूदीमिमकु हपलाई’ डिट्पुनु़ र्वाक्पा इनीमा न बु?”
40मेर्मिमका आथावो आरे र्वाक्तो येम्डी, “मेरामलाई मेएँ, बारब्बालाई डिट्नी।” बारब्बा ने कोर्थो़लाम बक्साका क्वाल्बा बेपा मु़चु़ बाइडा।
Okuqokiwe okwamanje:
:
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
© Wycliffe Bible Translators, Inc. All rights reserved.