यूहन्ना 9
9
गस्तालो आथामङा मिक्सीका मेल्वापा मु़चु़लाई येशूका सबेट्मिडिम
1कोलेम येशू मेलामका लक्तोङा बेम्डिलो गस्तालो आथामङा मिक्सीका मेल्वापा कोले मु़चु़लाई ल्वाम्डी। 2येशूकु सीसिपामिमका गुमीनुङ हिलाबेम्डी, “सीपा, ओराम मु़चु़का डे उ माम-पापका डे, सु़का छु़ल बु़डु़मा मिक्सीका मेल्वापा ओराम गस्ता?”
3येशूका र्वाम्डी, “ओराम मु़चु़कु छु़लका वो मेएँ, मा उ माम-पापकु छु़लका वो मेएँ, लावो माम्चु़नीकु खारी ओराम मु़चु़काडा रेम्बोमु लागि आरेप्माम दु़स्ताम सो़। 4गोलाई थु़र्पाकु खारीमिम नेप्सुङ बुलोङा गुइ बोमु बासी। सिन्था दु़म्मा सु़का वो खारी बोमु मेचाप्सु़। 5गो सु़म्दिसेरडा बुङुमिमसम्म सु़म्दिसेरडाम मु़चु़मिमकु ओल सो़।”#मत्ती ५:१४; यूह ८:१२
6आकोति र्वामु दु़म्मिडिमा गुमीका क्वायु़ थक्सी बेम्डी। मेम्मा थाङकीका क्वा ङोल्मिडी मा मे मिक्सीका मेल्वापा मु़चु़कु मिक्सीडा क्लम्साम्डी। 7मेकोतिमा गुमीका मेराम मु़चु़लाई र्वाम्डी, “लक्सा, मा सिलोआमकु (सिलोआम र्वाक्मा थु़र्मा) कुदिनडा सो़ला।” मेरामका लस्तामा सो़ल्लु़, मा मिक्सीका ल्वापा दु़स्तामा ख्लोस्ता।
8मेरामकु उ साउखोरेमिम नुङ गुका बियु़डु़म ङादो ल्वापा मु़चु़मिमका र्वाम्डी, “गन्पामा बिपा मु़चु़ हाम ओरामङा मेएँ?”
9कोङ-कोङका र्वाम्डी, “ओरामङा।” वाङमिमका र्वाम्डी, “मेएँ, मेराम होङ्ङा बोमिम कोङङा।”
मेरामका र्वाक्ता, “गो मेराम मु़चु़ङा सो़।”
10मेर्मिमका गुनुङ हिलाबेम्डी, “हेसाका इमा मिक्सी ह्वासिड्डा?”
11मेरामका र्वाक्ता, “येशू र्वाक्मा कोले मु़चु़का क्वा ङोल्मिडी मा आमा मिक्सीडा क्लङ्साङ्डिमी। मेम्मा सिलोआमडा लक्सामा सो़ला बेङ्डिमी। गो लङडोमा सो़ल्साका मिक्सीका ल्वापा दु़म्ङोडो।”
12मेर्मिमका मेरामनुङ हिलाबेम्डी, “मेराम मु़चु़ बान्ते बु?”
गुका र्वाक्ता, “गो मेचक्पु।”
मिक्सीका मेल्वापा सस्तामकु दुथाम फरिसीमिमकु हिलाहिसी
13ङादो मिक्सीका मेल्वापा बाइडाम मु़चु़लाई मु़चु़मिमका फरिसीमिमकाडा रेट्मिडी। 14हेङालोने येशूका क्वा ङोल्मिडी मा मेराम मु़चु़कु मिक्सीडा क्लम्साम्डिमा सबेट्मिडिम नेम ङेम्सिमुनेम बाइडा। 15मेराम मु़चु़ हेसाका ल्वापा दु़स्ता र्वाक्साका फरिसीमिमका मेरामनुङ हिलाबेम्डी। मेरामका र्वाक्ता, “गुमीका ङोल्मा क्वा आमा मिक्सीडा क्लङ्साङ्डिमी, मा गो सो़ल्तोमा मिक्सीका ल्वापा दु़म्ङोडो।”
16फरिसीमिमगोडाम कोङ-कोङका र्वाम्डी, “मेराम मु़चु़ माम्चु़नीलाम योक्ताम मेएँ, हेङालोने मेरामका ङेम्सिमुनेम खारी बु़।”
लावो वाङमिमका र्वाम्डी, “कोङ छु़लचो़का हेसाका आरेप्माम हेल्लो वो मेल्वाम्मा खारीमिम बोमु चाप्सु़?” मा मेर्मिमगोडा गो-फ दु़स्ता।
17मेर्मिमका मे मिक्सीका मेल्वापा बाइडाम मु़चु़लाई आथावो हिलाबेम्डी, “गुका इमा मिक्सी होर्साट्ना। गाना उमा दुथाम हाम र्वाना?”
मेरामका र्वाक्ता, “गुमी माम्चु़नीलाम-जेपा कोङ मु़चु़।”
18मिक्सीका ल्वापाकु माम-पापलाई येसाका हिला मेबेथु़मसम्म मेराम मु़चु़ मिक्सीका मेल्वापा बाइडा, मा ल्वापा दु़स्ता र्वाक्साका यहूदीमिमका थो़र मेलु़मिवा। 19मेम्मा मेर्मिमका उमा माम नुङ पापलाई हिलाबेम्डी, “हाम इचीमा तारापाचो़ ओराम? ओराम मिक्सीका मेल्वापा गस्ताम बाइडा? मा हेसाका मिक्सीका ल्वामु चापा दु़स्ता?”
20मेरामकु माम-पापका र्वाक्ची, “ओराम आचीमा तारापाचो़, मा गस्तालो आथामङा ओराम मिक्सीका मेल्वापा बाइडा र्वाक्पा चचुकु। 21लावो हेसाका गु मिक्सीका ल्वामु चापा दु़स्ता डे सु़का सबेड्डु़ मेराम गुचुकु मेचचुकु। गुलाई ङा हिलाबेनी। गु उमा त्वाकु दुथाम जेमु सो़ट्पा दु़स्ताम बु।” 22मेरामकु माम-पाप यहूदीमिमडाम ङिच्चिमका आरे र्वाक्चिम बाइडा। हेङालोने कोङनिमका येशूलाई ख्रीष्ट र्वाक्ता माला मेरामलाई घ्रो़म्दीनेमलामका ख्लुम्सोमु बासी र्वाक्साका यहूदीमिमका ङादोङा मुलु़ बेम्डिम बाइडा। 23मेम्मिमका मेरामकु माम-पापका “सो़ट्पा दु़स्ताम बु, गुलाईङा हिलाबेनी” र्वाक्चिम।
24यहूदीमिमका मेरामलाई नकखेप्मिमडा येट्मिडिमा हिलाबेम्डी, “गाना आच्छाङा ल्वा सो़साका माम्चु़नीलाई डोक्पु बे। मेराम मु़चु़ छु़लचो़ र्वाक्पा गुकु चकु।”
25गुका र्वाक्ता, “गुमी छु़लचो़ डे मेएँ, मेराम गो मेचक्पु। गो कोलेङा ल्वा चक्पु, गो मिक्सीका मेल्वापा बाङडो, लावो ओम्लो ल्वापा दु़म्ङोडोम बु।”
26मेकोतिमा मेर्मिमका गुलाई हिलाबेम्डी, “मेरामका गानालाई हाम बेन्ना? हेसाका इमा मिक्सी होर्साट्ना?”
27गुका मेर्मिमनुङ र्वाक्ता, “बासीङा गो गानीलाई र्वामु दु़म्तो। लावो गानी मेथो़निवा। हेङा आथावो मेराम ल्वा थो़मु माल्निमिम? गानी वो उनीमा सीसिपा दु़म्मु न बोनी डे, हे डे?”
28मेर्मिमका मेरामलाई सेम्लाबेत्तो र्वाम्डी, “गाना डे मेरामकु सीसिपा, लावो गुकु ने मोशाकु सीसिपा। 29मोशानुङ माम्चु़नी जेम्डिम बाइडा, मेराम गुकु चकु, लावो मेराम मु़चु़ ने बान्तेलामका रोक्ताम मेराम वो मेचकु।”
30मेराम मु़चु़का र्वाक्ता, “हेप्माम हेल्लो वो मेथो़म्मा ल्वा, गुमी बालामका रोम्डिम मेराम मेचनी, लावो गुमीका आमा मिक्सी होर्साङ्डिमी। 31माम्चु़नीका छु़लचो़मिमकु ल्वा मेथो़मी र्वाक्साका गुइ च। माम्चु़नीकु न होम्साका उनीमा लाम्दीडा लाम्दिपा मु़चु़कु ल्वा गुमीका थो़मी। 32मिक्सीका मेल्वापाङा गक्पा मु़चु़लाई सु़म्दिमोलो आथाम सु़का वो उमा मिक्सी होर्सामु चाप्स्तु़म मिबु। 33गुमी माम्चु़नीलाम मेयोक्मिवाम माला ने गुमीका हाम वो बोमु मेचाप्मिवा।”
34मेर्मिमका मेराम मु़चु़लाई र्वाम्डी, “गाना ने गक्नालोङा छु़लका देम्पा बान्ना! हाम गुकुलाई सीमु माल्की?” मेम्मा मेर्मिमका गुलाई घ्रो़म्दीनेमलामका पाखा कोल्सोम्डी।
गोगोनो मिक्सीका मेल्वापा
35यहूदीमिमका मेराम मु़चु़लाई पाखा कोल्सोम्डी र्वाक्पा येशूका थो़साका मेरामलाई क्रो़म्मिडिमा र्वाम्डी, “हाम गाना मिनीचो़डला थो़र बोना?”
36मेरामका र्वाक्ता, “ङाचो़, सु़ गुमी? गोलाई र्वाक्नी, मा थो़र बेउ।”
37येशूका र्वाम्डी, “गाना गुलाई ल्वान्नाम बु, मा गानानुङ जेत्तोङा लेडु़मिम गुङा सो़।”
38मेम्मा मेराम मु़चु़का र्वाक्ता, “ङाचो़, गो थो़र बेउ” मा गुका येशूकु खेल चु़म्डु़मा सेव साड्डु़।
39येशूका र्वाम्डी, “मिक्सीका मेल्वापा मु़चु़मिमका मिक्सीका ल्वामिनु़, मा मिक्सीका ल्वापामिम मेल्वापा दु़म्मिनु़ र्वाक्साका निया बोमु लागि गो सु़म्दिसेरडा योङडोम सो़।”
40ओराम ल्वा थो़म्डिमा येशूकु फारबाडे येम्तासिक्पा फरिसीमिमगोडाम कोङ-कोङका र्वाम्डी, “हाम गुकु वो मिक्सीका मेल्वापा र्वानामिम?”
41येशूका मेर्मिमनुङ र्वाम्डी, “गानी मिक्सीका मेल्वापा बानिवाम माला ने छु़लकु दुथाम मुमा बेन्ला मेसो़न्सिट्निवा। लावो ‘गुकु मिक्सीका ल्वामु चाम्कु र्वानी’ मा मुमा बेन्ला सो़न्सिनिम बुनी।”
Okuqokiwe okwamanje:
यूहन्ना 9: THUL
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
© Wycliffe Bible Translators, Inc. All rights reserved.
यूहन्ना 9
9
गस्तालो आथामङा मिक्सीका मेल्वापा मु़चु़लाई येशूका सबेट्मिडिम
1कोलेम येशू मेलामका लक्तोङा बेम्डिलो गस्तालो आथामङा मिक्सीका मेल्वापा कोले मु़चु़लाई ल्वाम्डी। 2येशूकु सीसिपामिमका गुमीनुङ हिलाबेम्डी, “सीपा, ओराम मु़चु़का डे उ माम-पापका डे, सु़का छु़ल बु़डु़मा मिक्सीका मेल्वापा ओराम गस्ता?”
3येशूका र्वाम्डी, “ओराम मु़चु़कु छु़लका वो मेएँ, मा उ माम-पापकु छु़लका वो मेएँ, लावो माम्चु़नीकु खारी ओराम मु़चु़काडा रेम्बोमु लागि आरेप्माम दु़स्ताम सो़। 4गोलाई थु़र्पाकु खारीमिम नेप्सुङ बुलोङा गुइ बोमु बासी। सिन्था दु़म्मा सु़का वो खारी बोमु मेचाप्सु़। 5गो सु़म्दिसेरडा बुङुमिमसम्म सु़म्दिसेरडाम मु़चु़मिमकु ओल सो़।”#मत्ती ५:१४; यूह ८:१२
6आकोति र्वामु दु़म्मिडिमा गुमीका क्वायु़ थक्सी बेम्डी। मेम्मा थाङकीका क्वा ङोल्मिडी मा मे मिक्सीका मेल्वापा मु़चु़कु मिक्सीडा क्लम्साम्डी। 7मेकोतिमा गुमीका मेराम मु़चु़लाई र्वाम्डी, “लक्सा, मा सिलोआमकु (सिलोआम र्वाक्मा थु़र्मा) कुदिनडा सो़ला।” मेरामका लस्तामा सो़ल्लु़, मा मिक्सीका ल्वापा दु़स्तामा ख्लोस्ता।
8मेरामकु उ साउखोरेमिम नुङ गुका बियु़डु़म ङादो ल्वापा मु़चु़मिमका र्वाम्डी, “गन्पामा बिपा मु़चु़ हाम ओरामङा मेएँ?”
9कोङ-कोङका र्वाम्डी, “ओरामङा।” वाङमिमका र्वाम्डी, “मेएँ, मेराम होङ्ङा बोमिम कोङङा।”
मेरामका र्वाक्ता, “गो मेराम मु़चु़ङा सो़।”
10मेर्मिमका गुनुङ हिलाबेम्डी, “हेसाका इमा मिक्सी ह्वासिड्डा?”
11मेरामका र्वाक्ता, “येशू र्वाक्मा कोले मु़चु़का क्वा ङोल्मिडी मा आमा मिक्सीडा क्लङ्साङ्डिमी। मेम्मा सिलोआमडा लक्सामा सो़ला बेङ्डिमी। गो लङडोमा सो़ल्साका मिक्सीका ल्वापा दु़म्ङोडो।”
12मेर्मिमका मेरामनुङ हिलाबेम्डी, “मेराम मु़चु़ बान्ते बु?”
गुका र्वाक्ता, “गो मेचक्पु।”
मिक्सीका मेल्वापा सस्तामकु दुथाम फरिसीमिमकु हिलाहिसी
13ङादो मिक्सीका मेल्वापा बाइडाम मु़चु़लाई मु़चु़मिमका फरिसीमिमकाडा रेट्मिडी। 14हेङालोने येशूका क्वा ङोल्मिडी मा मेराम मु़चु़कु मिक्सीडा क्लम्साम्डिमा सबेट्मिडिम नेम ङेम्सिमुनेम बाइडा। 15मेराम मु़चु़ हेसाका ल्वापा दु़स्ता र्वाक्साका फरिसीमिमका मेरामनुङ हिलाबेम्डी। मेरामका र्वाक्ता, “गुमीका ङोल्मा क्वा आमा मिक्सीडा क्लङ्साङ्डिमी, मा गो सो़ल्तोमा मिक्सीका ल्वापा दु़म्ङोडो।”
16फरिसीमिमगोडाम कोङ-कोङका र्वाम्डी, “मेराम मु़चु़ माम्चु़नीलाम योक्ताम मेएँ, हेङालोने मेरामका ङेम्सिमुनेम खारी बु़।”
लावो वाङमिमका र्वाम्डी, “कोङ छु़लचो़का हेसाका आरेप्माम हेल्लो वो मेल्वाम्मा खारीमिम बोमु चाप्सु़?” मा मेर्मिमगोडा गो-फ दु़स्ता।
17मेर्मिमका मे मिक्सीका मेल्वापा बाइडाम मु़चु़लाई आथावो हिलाबेम्डी, “गुका इमा मिक्सी होर्साट्ना। गाना उमा दुथाम हाम र्वाना?”
मेरामका र्वाक्ता, “गुमी माम्चु़नीलाम-जेपा कोङ मु़चु़।”
18मिक्सीका ल्वापाकु माम-पापलाई येसाका हिला मेबेथु़मसम्म मेराम मु़चु़ मिक्सीका मेल्वापा बाइडा, मा ल्वापा दु़स्ता र्वाक्साका यहूदीमिमका थो़र मेलु़मिवा। 19मेम्मा मेर्मिमका उमा माम नुङ पापलाई हिलाबेम्डी, “हाम इचीमा तारापाचो़ ओराम? ओराम मिक्सीका मेल्वापा गस्ताम बाइडा? मा हेसाका मिक्सीका ल्वामु चापा दु़स्ता?”
20मेरामकु माम-पापका र्वाक्ची, “ओराम आचीमा तारापाचो़, मा गस्तालो आथामङा ओराम मिक्सीका मेल्वापा बाइडा र्वाक्पा चचुकु। 21लावो हेसाका गु मिक्सीका ल्वामु चापा दु़स्ता डे सु़का सबेड्डु़ मेराम गुचुकु मेचचुकु। गुलाई ङा हिलाबेनी। गु उमा त्वाकु दुथाम जेमु सो़ट्पा दु़स्ताम बु।” 22मेरामकु माम-पाप यहूदीमिमडाम ङिच्चिमका आरे र्वाक्चिम बाइडा। हेङालोने कोङनिमका येशूलाई ख्रीष्ट र्वाक्ता माला मेरामलाई घ्रो़म्दीनेमलामका ख्लुम्सोमु बासी र्वाक्साका यहूदीमिमका ङादोङा मुलु़ बेम्डिम बाइडा। 23मेम्मिमका मेरामकु माम-पापका “सो़ट्पा दु़स्ताम बु, गुलाईङा हिलाबेनी” र्वाक्चिम।
24यहूदीमिमका मेरामलाई नकखेप्मिमडा येट्मिडिमा हिलाबेम्डी, “गाना आच्छाङा ल्वा सो़साका माम्चु़नीलाई डोक्पु बे। मेराम मु़चु़ छु़लचो़ र्वाक्पा गुकु चकु।”
25गुका र्वाक्ता, “गुमी छु़लचो़ डे मेएँ, मेराम गो मेचक्पु। गो कोलेङा ल्वा चक्पु, गो मिक्सीका मेल्वापा बाङडो, लावो ओम्लो ल्वापा दु़म्ङोडोम बु।”
26मेकोतिमा मेर्मिमका गुलाई हिलाबेम्डी, “मेरामका गानालाई हाम बेन्ना? हेसाका इमा मिक्सी होर्साट्ना?”
27गुका मेर्मिमनुङ र्वाक्ता, “बासीङा गो गानीलाई र्वामु दु़म्तो। लावो गानी मेथो़निवा। हेङा आथावो मेराम ल्वा थो़मु माल्निमिम? गानी वो उनीमा सीसिपा दु़म्मु न बोनी डे, हे डे?”
28मेर्मिमका मेरामलाई सेम्लाबेत्तो र्वाम्डी, “गाना डे मेरामकु सीसिपा, लावो गुकु ने मोशाकु सीसिपा। 29मोशानुङ माम्चु़नी जेम्डिम बाइडा, मेराम गुकु चकु, लावो मेराम मु़चु़ ने बान्तेलामका रोक्ताम मेराम वो मेचकु।”
30मेराम मु़चु़का र्वाक्ता, “हेप्माम हेल्लो वो मेथो़म्मा ल्वा, गुमी बालामका रोम्डिम मेराम मेचनी, लावो गुमीका आमा मिक्सी होर्साङ्डिमी। 31माम्चु़नीका छु़लचो़मिमकु ल्वा मेथो़मी र्वाक्साका गुइ च। माम्चु़नीकु न होम्साका उनीमा लाम्दीडा लाम्दिपा मु़चु़कु ल्वा गुमीका थो़मी। 32मिक्सीका मेल्वापाङा गक्पा मु़चु़लाई सु़म्दिमोलो आथाम सु़का वो उमा मिक्सी होर्सामु चाप्स्तु़म मिबु। 33गुमी माम्चु़नीलाम मेयोक्मिवाम माला ने गुमीका हाम वो बोमु मेचाप्मिवा।”
34मेर्मिमका मेराम मु़चु़लाई र्वाम्डी, “गाना ने गक्नालोङा छु़लका देम्पा बान्ना! हाम गुकुलाई सीमु माल्की?” मेम्मा मेर्मिमका गुलाई घ्रो़म्दीनेमलामका पाखा कोल्सोम्डी।
गोगोनो मिक्सीका मेल्वापा
35यहूदीमिमका मेराम मु़चु़लाई पाखा कोल्सोम्डी र्वाक्पा येशूका थो़साका मेरामलाई क्रो़म्मिडिमा र्वाम्डी, “हाम गाना मिनीचो़डला थो़र बोना?”
36मेरामका र्वाक्ता, “ङाचो़, सु़ गुमी? गोलाई र्वाक्नी, मा थो़र बेउ।”
37येशूका र्वाम्डी, “गाना गुलाई ल्वान्नाम बु, मा गानानुङ जेत्तोङा लेडु़मिम गुङा सो़।”
38मेम्मा मेराम मु़चु़का र्वाक्ता, “ङाचो़, गो थो़र बेउ” मा गुका येशूकु खेल चु़म्डु़मा सेव साड्डु़।
39येशूका र्वाम्डी, “मिक्सीका मेल्वापा मु़चु़मिमका मिक्सीका ल्वामिनु़, मा मिक्सीका ल्वापामिम मेल्वापा दु़म्मिनु़ र्वाक्साका निया बोमु लागि गो सु़म्दिसेरडा योङडोम सो़।”
40ओराम ल्वा थो़म्डिमा येशूकु फारबाडे येम्तासिक्पा फरिसीमिमगोडाम कोङ-कोङका र्वाम्डी, “हाम गुकु वो मिक्सीका मेल्वापा र्वानामिम?”
41येशूका मेर्मिमनुङ र्वाम्डी, “गानी मिक्सीका मेल्वापा बानिवाम माला ने छु़लकु दुथाम मुमा बेन्ला मेसो़न्सिट्निवा। लावो ‘गुकु मिक्सीका ल्वामु चाम्कु र्वानी’ मा मुमा बेन्ला सो़न्सिनिम बुनी।”
Okuqokiwe okwamanje:
:
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
© Wycliffe Bible Translators, Inc. All rights reserved.