Mako 16
16
Mwata Yesu navamusangula
(Mat 28:1-10; Luka 24:1-12; Yowa 20:1-10)
1Omu yahichile Sambata#16:1 Nge ngwetu, ha18:00, haSateli., Maliya wakuMangatala, naSalome, naMaliya naye yaYakova, valanjile maji amavumba amwaza, mangana vakaye nakumukwita.
2Hachimenemene chalikumbi lyatete muchalumingo, hakututuka chalikumbi vayile kuchimbumbe.
3Vapwile nakulihwojola ngwavo, Iya mwatushindumwina lize lilolwa kufuma kuchikolo chachimbumbe?
4Oloze hakwandula meso, vamwene lize lilolwa lyalinene chikuma, lyakushindumunako lyehi.
5 Kaha hakwingila muchimbumbe, vamwene mukweze walunga natwame kuchilyo, navwale chikovelo chachisuku chitoma to-o, kaha valizuzukilile.
6Oloze avambile ngwenyi, Kanda namulizuzukilako. Muli nakutonda Yesu wakuNazaleta, Uze vápapalilanga hakulusu, vanamusangula lyehi, keshi munoko. Talenu haze vamusavalikanga.
7Oloze yenu kalwezenu tumbaji twenyi naPetulu nawa ngwenu mwalivanga kulutwe lwenu nakuya kuNgalileya. Kwakuze vene namukamumwena, nge muze amilwezele.
8Kaha valovokele muchimbumbe nakuchina, vachikimine hakufwa chishima. Kaha kavalwezele naumweko, mwomwo vevwile woma.
Yesu mwalisolola kuli Maliya wakuMangatala
(Yowa 20:11-18)
9[Jino, omu Yesu asangukile nachimene halikumbi lyatete muchalumingo, avangilile kulisolola kuli Maliya wakuMangatala, uze álowelemo vandemone vatanu navavali.
10Kaha Maliya ayile nakwambulila vaze vapwile nakulishona nakulila, vaze vene vápwilenga nakutambuka naYesu.
11Oloze omu vevwile ngwavo wamutonyi, kaha vanamumono nakuli Maliya, kavachifweleleleko.
Mwata Yesu mwalisolola kuli vakwavo vavali
(Luka 24:13-35)
12Hakukuma chavyuma evi, Yesu alisolwele mweka kuli vamwe vavo vavali, omu vapwile nakuya kumembo.
13Kaha vahilukile nakulweza vakwavo vosena, oloze vaze vakwavo kavavafweleleleko.
Mwata Yesu mwatuma vaze likumi naumwe
(Mat 28:16-20; Luka 24:36-49; Yowa 20:19-23)
14Kufuma haze, alisolwele kuli vaze likumi naumwe omu vasendavalile kumesa, kaha avahanjikilile hakuzeneka chavo kufwelela nahakukaluhwa chamichima yavo, mwomwo kavafwelelele vaze vamumwene kufuma haze vámusangwileko.
15Kaha avalwezele ngwenyi, Yenu hakaye hosena nakwambulula mujimbu wamwaza kutengeso yosena.
16 Owo mwafwelela, navamujimika, navamulwila, oloze owo mwakazeneka kufwelela navakamuhisa.
17Kaha vinjikizo evi navikasoloka muli vaze navakafwelela: navakalovola vandemone mulijina lyami, navakahanjika malimi amahya,
18 navakakwata manoka namavoko avo, kaha nge navakanwa ulembe, kaweshi kukavakolesako; navakanangika mavoko avo hali vaveji, kaha vaveji navakalikangula.
Mwata Yesu mwaya cheka mwilu
(Luka 24:50-53)
19 Shikaho, omu Mwata Yesu akumishile kuhanjika navo, vamutambwile mwilu, kaha atwama kulivoko lyaKalunga lyachilyo.
20Kaha tumbaji twenyi vayile nakwambulula mujimbu wamwaza kwosena, oku Mwata ali nakuzata navo nakuzamisa mujimbu kana navinjikizo.]
Okuqokiwe okwamanje:
Mako 16: LUE
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
Bible Society of Zambia
Mako 16
16
Mwata Yesu navamusangula
(Mat 28:1-10; Luka 24:1-12; Yowa 20:1-10)
1Omu yahichile Sambata#16:1 Nge ngwetu, ha18:00, haSateli., Maliya wakuMangatala, naSalome, naMaliya naye yaYakova, valanjile maji amavumba amwaza, mangana vakaye nakumukwita.
2Hachimenemene chalikumbi lyatete muchalumingo, hakututuka chalikumbi vayile kuchimbumbe.
3Vapwile nakulihwojola ngwavo, Iya mwatushindumwina lize lilolwa kufuma kuchikolo chachimbumbe?
4Oloze hakwandula meso, vamwene lize lilolwa lyalinene chikuma, lyakushindumunako lyehi.
5 Kaha hakwingila muchimbumbe, vamwene mukweze walunga natwame kuchilyo, navwale chikovelo chachisuku chitoma to-o, kaha valizuzukilile.
6Oloze avambile ngwenyi, Kanda namulizuzukilako. Muli nakutonda Yesu wakuNazaleta, Uze vápapalilanga hakulusu, vanamusangula lyehi, keshi munoko. Talenu haze vamusavalikanga.
7Oloze yenu kalwezenu tumbaji twenyi naPetulu nawa ngwenu mwalivanga kulutwe lwenu nakuya kuNgalileya. Kwakuze vene namukamumwena, nge muze amilwezele.
8Kaha valovokele muchimbumbe nakuchina, vachikimine hakufwa chishima. Kaha kavalwezele naumweko, mwomwo vevwile woma.
Yesu mwalisolola kuli Maliya wakuMangatala
(Yowa 20:11-18)
9[Jino, omu Yesu asangukile nachimene halikumbi lyatete muchalumingo, avangilile kulisolola kuli Maliya wakuMangatala, uze álowelemo vandemone vatanu navavali.
10Kaha Maliya ayile nakwambulila vaze vapwile nakulishona nakulila, vaze vene vápwilenga nakutambuka naYesu.
11Oloze omu vevwile ngwavo wamutonyi, kaha vanamumono nakuli Maliya, kavachifweleleleko.
Mwata Yesu mwalisolola kuli vakwavo vavali
(Luka 24:13-35)
12Hakukuma chavyuma evi, Yesu alisolwele mweka kuli vamwe vavo vavali, omu vapwile nakuya kumembo.
13Kaha vahilukile nakulweza vakwavo vosena, oloze vaze vakwavo kavavafweleleleko.
Mwata Yesu mwatuma vaze likumi naumwe
(Mat 28:16-20; Luka 24:36-49; Yowa 20:19-23)
14Kufuma haze, alisolwele kuli vaze likumi naumwe omu vasendavalile kumesa, kaha avahanjikilile hakuzeneka chavo kufwelela nahakukaluhwa chamichima yavo, mwomwo kavafwelelele vaze vamumwene kufuma haze vámusangwileko.
15Kaha avalwezele ngwenyi, Yenu hakaye hosena nakwambulula mujimbu wamwaza kutengeso yosena.
16 Owo mwafwelela, navamujimika, navamulwila, oloze owo mwakazeneka kufwelela navakamuhisa.
17Kaha vinjikizo evi navikasoloka muli vaze navakafwelela: navakalovola vandemone mulijina lyami, navakahanjika malimi amahya,
18 navakakwata manoka namavoko avo, kaha nge navakanwa ulembe, kaweshi kukavakolesako; navakanangika mavoko avo hali vaveji, kaha vaveji navakalikangula.
Mwata Yesu mwaya cheka mwilu
(Luka 24:50-53)
19 Shikaho, omu Mwata Yesu akumishile kuhanjika navo, vamutambwile mwilu, kaha atwama kulivoko lyaKalunga lyachilyo.
20Kaha tumbaji twenyi vayile nakwambulula mujimbu wamwaza kwosena, oku Mwata ali nakuzata navo nakuzamisa mujimbu kana navinjikizo.]
Okuqokiwe okwamanje:
:
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
Bible Society of Zambia