Yowano 15
15
Yeshu niye Mukolobozi Wakupwisha wa Shinyanca
1Ami mukolobozi wakupwisha wa shinyanca kami Tate niye ndimi. 2Mwahi nimwawo uli mumwami wakubula kuyima mikabo, ukauketula, pe mwahi nimwawo wakubula kuyima mikabo, ukauketula, ngayi uyime mikabo yayingi. 3Enu mwayeleshiwakale, na lizu elye ninamba kukwenu. 4Ikalenu mumwami, nanami nikekala mumwenu. Mwahi kutwesha kuyima mikabo ninkayawo wufwako, ndele wikale ku mukolobozi wa shinyanca. Nanenu kami, kutwesha kuyima mikabo ninkayenu mufwako, ndele mwikale mumwami.
5“Ami nili mukolobozi wa shinyanca, enu muli myahi. Ndi muntu ukwikala mumwami, nanami nikekala mumwendi, pe ukayima mikabo yayingi. Ndaba kwakubula ami, enu kutwesha kutenda shuma shimo mufwako. 6Ndi muntu kwikala mumwami wufwako, ukuyumbiwa hamunkanda ngonehe mwahi ukuyumbiwa pe hiukuyuma. Myahi ya noho bantu bayikungulanga nakuyiyumbila mu mundilo, pe yahokeshiwanga. 7Ndi mukwikala mumwami, na mazu ami akwikala mumwenu, nyepenu ebye nimwabyo mukushinga, pe bikatendiwa kukwenu. 8Wuwahe wa Tate ukumoneka ndi mukuyima mikabo yayingi. Hakutenda ebye mukumonesha ngayi muli bandongesha bami.
9“Ngonehe Tate anahaka ami, nanami kami namihaka. Haya ikalenu mu shishemo shami. 10Ndi mukwombatala ndayano zami, mukekala mushishemo shami. Nehe ninombatala ndayano za Tate, ninekala mushishemo shendi.
11“Byuma ebye ninamba kukwenu, ngayi kuwahilila kwami kwikale mumwenu, mwanga kuwahilila kwenu kwinzalishiwe. 12#Yowa 13:34, 15:17; 1 Yowa 3:23; 2 Yowa 5. Eze nizo ndayano zami, lihakenu umo nawamina ngonehe ami ninamihaka. 13Kuhaka kwakunene muntu anafwanini kwikala nako ku bahoni bendi, kunengi kupana wumi wendi kukwabo. 14Enu muli bahoni bami ndi mukutenda ndayano zami. 15Kumitoya ngayi bakamilimo nifwako, ndaba mukamilimo kulimuka ebye akutenda hekulyendi wufwako. Ngoboni nikumitoya ngayi bahoni, ndaba namitongweze byuma nimwabyo ninayuvwu kuli Tate. 16Kaliha enu mwahatile ami, ngoboni ami namihatile. Namiyinikile ngayi muye na kuyima mikabo, mikabo iya yikekalilila. Pe nimwabyo mukunyepa kuli Tate mu lizina lyami, ukumipanikabyo. 17Eze nizo ndayano zami, lihakenu umo nawamina.”
Nzimbo ya mu kaye
18Ndi bakakaye bakamizimba, limukenu ngayi batatikile kuzimba ami. 19Shinga enu muli bakakaye, shinga kaye kakumihaka ndaba ngayi muli bakakaye. Ngoboni ninamihata muno mu kaye, enu kaliha muli bakakaye, nibyo bakumizimbila bakakaye. 20#Mat 10:24; Luk 6:40; Yowa 13:16. Anukenu lizu nambile kukwenu ngayi, ‘Mukamulimo kupitakana hekulyendi wufwako.’ Ndi banyandishile, nanenu kami bakamiyandisha. Shinga ngayi balamine mazu wami, shinga kami bakalama mazu wenu. 21Ngoboni bakatenda byuma ebye nimwabyo kukwenu ndaba muli bami, ndaba kulimuka ou wantumine bafwako. 22Shinga nabulile kwiza nakwamba kukwabo, shinga kukekala na wubi bafwako. Ngoboni wuluno, kowa omu bakutweshela kukananganina wubi wabo. 23Muntu ukunzimba, ukuzimba kami na Tate. 24Shinga ami kaliha natenda milimo mukati kabo iya yabulile kutendiwa ku muntu, shinga wubi bafwawo. Ngoboni wuluno banalimonene ebye ninatende, kami banatuzimbi ami na Tate. 25#Nyi 35:19, 69:4. Ngoboni kunatendiwi byatikitiwile mu ndayano zabo ngayi, ‘Banzimbile hakubula mulandu.’
26“Ngoboni oho Mukakubela ou nikatuma akeza kukwenu kufuma kuli Tate, niye Moyo wakupwisha ukafuma kuli Tate, niye ukapaka byami. 27Nanenu kami mukapaka byami, ndaba mwekalile nanami kufuma ku kutatika.
Okuqokiwe okwamanje:
Yowano 15: KK2008
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
New Testament in Nkoya © The Bible Society of Zambia, 2008.
Yowano 15
15
Yeshu niye Mukolobozi Wakupwisha wa Shinyanca
1Ami mukolobozi wakupwisha wa shinyanca kami Tate niye ndimi. 2Mwahi nimwawo uli mumwami wakubula kuyima mikabo, ukauketula, pe mwahi nimwawo wakubula kuyima mikabo, ukauketula, ngayi uyime mikabo yayingi. 3Enu mwayeleshiwakale, na lizu elye ninamba kukwenu. 4Ikalenu mumwami, nanami nikekala mumwenu. Mwahi kutwesha kuyima mikabo ninkayawo wufwako, ndele wikale ku mukolobozi wa shinyanca. Nanenu kami, kutwesha kuyima mikabo ninkayenu mufwako, ndele mwikale mumwami.
5“Ami nili mukolobozi wa shinyanca, enu muli myahi. Ndi muntu ukwikala mumwami, nanami nikekala mumwendi, pe ukayima mikabo yayingi. Ndaba kwakubula ami, enu kutwesha kutenda shuma shimo mufwako. 6Ndi muntu kwikala mumwami wufwako, ukuyumbiwa hamunkanda ngonehe mwahi ukuyumbiwa pe hiukuyuma. Myahi ya noho bantu bayikungulanga nakuyiyumbila mu mundilo, pe yahokeshiwanga. 7Ndi mukwikala mumwami, na mazu ami akwikala mumwenu, nyepenu ebye nimwabyo mukushinga, pe bikatendiwa kukwenu. 8Wuwahe wa Tate ukumoneka ndi mukuyima mikabo yayingi. Hakutenda ebye mukumonesha ngayi muli bandongesha bami.
9“Ngonehe Tate anahaka ami, nanami kami namihaka. Haya ikalenu mu shishemo shami. 10Ndi mukwombatala ndayano zami, mukekala mushishemo shami. Nehe ninombatala ndayano za Tate, ninekala mushishemo shendi.
11“Byuma ebye ninamba kukwenu, ngayi kuwahilila kwami kwikale mumwenu, mwanga kuwahilila kwenu kwinzalishiwe. 12#Yowa 13:34, 15:17; 1 Yowa 3:23; 2 Yowa 5. Eze nizo ndayano zami, lihakenu umo nawamina ngonehe ami ninamihaka. 13Kuhaka kwakunene muntu anafwanini kwikala nako ku bahoni bendi, kunengi kupana wumi wendi kukwabo. 14Enu muli bahoni bami ndi mukutenda ndayano zami. 15Kumitoya ngayi bakamilimo nifwako, ndaba mukamilimo kulimuka ebye akutenda hekulyendi wufwako. Ngoboni nikumitoya ngayi bahoni, ndaba namitongweze byuma nimwabyo ninayuvwu kuli Tate. 16Kaliha enu mwahatile ami, ngoboni ami namihatile. Namiyinikile ngayi muye na kuyima mikabo, mikabo iya yikekalilila. Pe nimwabyo mukunyepa kuli Tate mu lizina lyami, ukumipanikabyo. 17Eze nizo ndayano zami, lihakenu umo nawamina.”
Nzimbo ya mu kaye
18Ndi bakakaye bakamizimba, limukenu ngayi batatikile kuzimba ami. 19Shinga enu muli bakakaye, shinga kaye kakumihaka ndaba ngayi muli bakakaye. Ngoboni ninamihata muno mu kaye, enu kaliha muli bakakaye, nibyo bakumizimbila bakakaye. 20#Mat 10:24; Luk 6:40; Yowa 13:16. Anukenu lizu nambile kukwenu ngayi, ‘Mukamulimo kupitakana hekulyendi wufwako.’ Ndi banyandishile, nanenu kami bakamiyandisha. Shinga ngayi balamine mazu wami, shinga kami bakalama mazu wenu. 21Ngoboni bakatenda byuma ebye nimwabyo kukwenu ndaba muli bami, ndaba kulimuka ou wantumine bafwako. 22Shinga nabulile kwiza nakwamba kukwabo, shinga kukekala na wubi bafwako. Ngoboni wuluno, kowa omu bakutweshela kukananganina wubi wabo. 23Muntu ukunzimba, ukuzimba kami na Tate. 24Shinga ami kaliha natenda milimo mukati kabo iya yabulile kutendiwa ku muntu, shinga wubi bafwawo. Ngoboni wuluno banalimonene ebye ninatende, kami banatuzimbi ami na Tate. 25#Nyi 35:19, 69:4. Ngoboni kunatendiwi byatikitiwile mu ndayano zabo ngayi, ‘Banzimbile hakubula mulandu.’
26“Ngoboni oho Mukakubela ou nikatuma akeza kukwenu kufuma kuli Tate, niye Moyo wakupwisha ukafuma kuli Tate, niye ukapaka byami. 27Nanenu kami mukapaka byami, ndaba mwekalile nanami kufuma ku kutatika.
Okuqokiwe okwamanje:
:
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
New Testament in Nkoya © The Bible Society of Zambia, 2008.