Mataio 3
3
1Abele kerker Ioane, nei atker Bapataiso le, tabarki E marau abele Iudaia sumez ge,
2Kega, Ma obazgeda, abelelam kotor baselaia maike.
3Abelelam E dali Isaia perofeta detager, kega, Abele kodo le ereretikri abele sumez ge, Uaba paret Opole ra gab, a dirup abara gab.
4Ege Ioane ra am uali kamela mus abara uak paur; abara leuer pem akerise ereger gako abele sumez isao.
5Ui bakeuare abim Ierusalema giz, gako Iudaia le uridili bakedilu Ioridano apek.
6E uiabi bapataiso Ioridano ge, a uiaba natomertare uiaba uite giz.
7E nardarare gaire Faresaio giz gako Sadukaio giz tabakeuare abim bapataisoem, E ui daratagerare, kega, Areg tabo ra omasker ae, nete uabi detomerta uaba deraret abele niai urker?
8Uaba turum nagri abkoreb uaba obazgeda:
9Uaba nole uabi dikiapore uaba nerkeplam, kega, Aberahama keriba aba; abelelam kaka uabi detager Ade umele depegeli baker peike ko Aberahama ra omasker.
10Abele deumerupikeub tulik ikedilu maike lu giz ge; gaire lu uridili nole debe turum, E deregeir a dikri ur ge.
11Kaka uabi bapataiso abele ni iaueakai uaba obazger; epe nerute le kari keubu ekas E au kale kari tumge, kaka nole abkoreb tais abara teter gab; E uabi bapataiso abele Lamar Zogo, gako abele ur;
12Abara tag nagri pat, E dirup abara kon etkemed; a E ais azig metaem gaire kon nole puip kak, ege kon ra gegur E disirkilu abele ur umer kak esameilu.
13Jesu bakeamulu Galilaialam Ioridano ge Ioaneim, iauaekai E abi bapataiso.
14Ioane de abi daisumdalu, kega, Debele ma kari bapataiso, nako ma tabakeam karim?
15Iesu etkalu abim, kega, Ma no bapataiso karim, abelelam abkoreb meribim bakedida gaire gelar barkak uridili; E mena abi asoli.
16Ege E Iesuim bapataiso E tegemelu nilam dasmer, ege kotor nakesmulu, E erdalu Ade ra Lamar tabu mokakalam dibadib ise emerder abi kerem ge;
17Dasmer, abele kodo mer kotorlam, kega, Kara Uerem nase ge idali, kaka au sererege abim.
Okuqokiwe okwamanje:
Mataio 3: ulk1902
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
Published by the British and Foreign Bible Society in 1902.