मर्कूस 13
13
यरूशलेमगी छ्योखाङ रोहम्गेन्गी तेहन्दाला
(मत्ती २४:१-२४; लूक २१:५-१९)
1येशू छ्योखाङले थेन्दी फेप्नाङगेमु स्याहप्च्यी च्यी़गी, “ज़ी़-नाङदोङ लोबेन लाह, काहजे छ्यिम्बु-छ्यिम्बु तोहया़! काहजे या़हबा छ्योखाङया़!” म़ेदी मासीन 2ओहले येशूगी खुङया़ला, “ख्यागी थोङग्यो दि छ्योखाङया़ तोह च्यी़ खाला लेहमेन तोह च्यी़ॱआङ लिहच्ये म़ेह, थाम्ज्यीराङ रोम्ज्ये येह” म़ेदी सुङ नाङसीन।
3येशू छ्योखाङगी फार्केन देपकी जैतून काहङला ज़्य़ू नाङदी येहकें। ओहजे ती़हजीला पत्रुस, याकूब, यूहन्ना दाङ अन्द्रियास खाजुम्बाला येशूसाला ओहङदी, 4“लोबेन लाह, ङ्यिहला सुङ नाङदोङ, दि केच्याया़ नाहम तेहन्दा डुप्च्ये येह? ओहले राहङगी सुङ नाङग्योकी स्याहलया़ तेहन्दा डुप्च्ये पेहकेमु ङ्यिहगी काह-ठि ताक्छेनया़ थोङज्ये येह?” म़ेदी स्युहसीन। 5ओहले येशूगी खुङया़ला सुङ नाङसीन, “जेम्बु पेह! सुज्यीगीॱआङ ख्याला गो़ कोर मा़हखुज्यु! 6मिह माहङबुराङ ङाहगी मिहनला ‘ङाहराङ मास्यीका यिहन’ म़ेदी ओहङज्ये येह ओहले मिह माहङबुलाराङ गो़ कोर्च्ये येह। 7ख्यागी मा़ क्याहप्क्यो दाङ मा़ क्याहप्केन्गी केच्याया़ थे़ज्ये येह। यिहॱनाङ ओ़ह ती़हजीला ख्या मा़हन्ज्यी। दि ल़ेहमु केच्याया़नी ओहङॱराङ कोहएँ, यिहॱनाङ ओ़हजेलाराङ नि जाम्बुलीङ मेहतोङगे। 8च्यिबेमाना क्यिहपा-क्यिहपागी पाहरक्यीला मा़ क्याहप्च्ये येह। क्याहल-खाप च्यी़गी लेहमेन क्याहल-खाप थो़ला च्योम्ज्ये येह। काहने थेतेराङ साङगुल ओहङज्ये येह ओहले मुहयी लाहङज्ये येह। दि ल़ेहमु केच्याया़ नि तुहक्पु छ़ूगेन्गी ती़हजी च्यी़राङ यिहन।
9 ख्यादी जेम्बु पेहती तेह च्यिबेमाना मिहया़गी ख्याला ज़ुङदी ठिम-खाङला ख्येर्च्ये येह ओहले छो़खाङया़ला ख्येर्ती ताक्स्यु क्याहप्च्ये येह। ख्याला ङाहगी पेहती स्युहङ-पेन छ्यिम्बु दाङ क्याहल्बुया़गी दिनला लाहङ च्य़ूज्ये येह। ओहले ख्यागी ङाहगी तेहन्दाला खुङया़ला पाङबु तेर कोहच्ये येह। #
मत्ती १०:१७-२०; लूक १२:११,१२
10 जाम्बुलीङ तोङगे म़ेदी तोहङले थाम्ज्यी क्यिहपागी मिहया़ला या़हबु लेहङगु स्ये सिहन्ग्यो ओहङ कोहज्ये येह। 11खुङगी ख्याला ज़ुङदी ख्येर्केमु च्यि मा़ कोहएँ म़ेदी तुहङाल माहबे। खुङया़गी दिनला लाहङग्यो ती़हजीला ख्यागी च्यि ज्योर्के, ओ़हदीॱराङ म़ेदोङ च्यिबेमाना ओ़ह ती़हजीला ताम माएँदी ख्या मिहम्बा, यिहॱनाङ नाम्पार-ताहक्पा थु ख्या लाहमले स्याहल सुङ नाङज्ये येह।
12 ओ़ह ती़हजीला मिहया़गी राहङदीराङ आदा-नो़हया़ला सेच्येला चि क्याहप्च्ये येह। आबागी पुह पोहमोला ओहले पुह पोहमोगी आबा-आमाला टाह पेहती से च्य़ूज्ये येह। 13ङाहगी पेहती ख्याला मिह थाम्ज्यीगी ङेन्ज्येन पेहच्ये येह। यिहॱनाङ तिङ थु तेहपा मा़हलोहबा पेहती तेहकेनया़दी थार्च्ये येह” म़ेदी येशूगी सुङ नाङसीन।#मत्ती १०:२२
ज्यी़ज्ये ल़ेहमु तुहक्पुगी ती़हजीगी तेहन्दाला
(मत्ती २४:१५-२८; लूक २१:२०-२४)
14 “ओहङॱराङ मी़हखुएँगी ग्या़ला ख्यागी नाम्दो लाहङज्ये ल़ेहमु तोङ च्य़ूगेन्गी स़ेह थोङज्ये येह। ओ़ह ती़हजीला यहूदीयाला येहकेनया़ लाह ङो़ले प्रे़हज्यु। #
दान ९:२७; ११:३१; १२:११ 15ओहले खाङबा थो़ला येहकेनया़ माहर फाप्ती पेला लेहन्ज्येला खाङबा नाहङला मा़हस्युहज्यु।#लूक १७:३१ 16स्यिहङला येहकेन मिहया़ राहङगी काप्च्या लेहन्ज्येला खाङबाला लो़ह माहन्डोज्यु। 17ओ़ह ती़हजीला ज़ुबु ङ्यिहपा येहकेन दाङ पेहजा ल़ेनु येहकेन्गी आमाया़ला ज्यिबुराङ खेन्दा-का़हबु ओहङज्ये येह! 18दि केच्याया़ ख्या़बु दावाला माहयोहङज्यु म़ेदी सोल्वाङ ताप्तोङ। 19च्यिबेमाना, ओहजे काहङला बाप्केन्गी तुहक्पु किन्ज्योगी जाम्बुलीङ छ्या़ नाङगे यिहन्ज्यु ताहन्दा थु बाप्ती म़ेह, ओहले तिङलेॱआङ बाप्च्ये म़ेह।#दान १२:१; ज्याल ७:१४ 20चो़वोगी ओ़ह तुहक्पुकी ङ्यिहमाया़ ङ्युहङसे़ ज़ो माहनाङबा यिहन्सीमानानी सुज्यीॱआङ थार ख़ूज्ये म़ेहबा येहकें। यिहॱनाङ किन्ज्योगी दाम नाङग्यो मिहया़गी तेहन्दाला ओ़ह ङ्यिहमाया़ ङ्युहङसे़ ज़ो नाङसीन।
21 ‘त़ेदोङ, मास्यीका नि देला येहबा ओ़हला येहबा’ म़ेदी सुज्यीगी मासीमाना, ख्या खुङगी तामला यिह मा़हछ्ये। 22च्यिबेमाना गो़ कोर च्य़ूगेन्गी मास्यीका दाङ लुहङतेम्बाया़ थेन ओहङज्ये येह। खुङगी छ्यिम्बु-छ्यिम्बु ताक्छेनया़ दाङ याहम्जेम्बागी ल़ेहया़ तेन्दी ला़ खाजे दाम्ग्यो मिहया़ॱलाङ गो़ कोर च्य़ूज्ये छोल्ज्ये येह। 23ओ़ह सोङबे ख्या जेम्बु पेहती तेहतोङ! ङाहगी ख्याला ताम थाम्ज्यीराङ तोहङलेराङ मा़ सिहन्दी येह।
येशू येहपाराङ फेप नाङज्ये येह
(मत्ती २३:२९-३१; लूक २१:२५-२८)
24 ओ़ह तुहक्पुगी ङ्यिहमाया़ काहल फान्ज्यो ङ्यिहमा ना़-जुबे डोज्ये येह ओहले दायुमगी राहङगी येहसेर तेर्च्ये म़ेह। #
यशै १३:१०; योए २:१०,३१; ३:१५; ज्याल ६:१२; यशै १३:१०; इज ३२:७ 25कार्माया़ नामले ताहप्च्ये येह ओहले लिङस्यीगी थाम्ज्यी ओङया़ युङज्ये येह।#यशै ३४:४; ज्याल ६:१३; योए २:१० 26ओ़ह तिङले मिहगी स़ेबु ओङ छ्यिम्बु दाङ ज़िज्यिद ङ्याम्बु मुक्पाला फेप्केनॱराङ जेक्यो थोङज्ये येह।#दान ७:१३; ज्याल १:७ 27ओहले किन्ज्योगी स्यिहङगामकी स्याहप्च्यीया़ला जाम्बुलीङ दाङ नामदी छ्यो़ ज़्यिगालेराङ ताङ नाङज्ये येह ओहले खुङया़गी किन्ज्योगी दाम नाङग्यो मिहया़ला रूदी ख्योङज्ये येह।”
को़स्यीङ तोहङबोगी पे
(मत्ती २४:३२-३५; लूक २१:२९-३३)
28येशूगी येहपाराङ सुङ नाङसीन, “को़स्यीङ तोहङबोला त़ेदी च्यिरा लोप्तोङ। को़स्यीङ तोहङबोगी स्यिङलोया़ बी़ फान्ज्यो रिह टे़ह बार्च्ये पेहसीन दु म़ेदी ख्यागी ङोह स्य़ेगे। 29ओ़ह ल़ेहमुराङ पेहती ङाहगी माक्यो दि केच्याया़ तेहन्दा डुप्केनॱराङ पेहक्यो थोङगेमु ङाह ओहङगे ती़हजी ता़ह पोहलाराङ लेप्च्ये पेहसीन दु म़ेदी ख्यागी ह्अ कोहच्ये येह। 30तेहम्बाराङ ङाह ख्याला माएँ, दि केच्या थाम्ज्यीराङ तेहन्दा माहन्डुप थु दि मिहदो तोङज्ये म़ेह। 31नाम दाङ जाम्बुलीङ तोङदी डोज्ये येह यिहॱनाङ ङाहगी माक्योगी तामया़ नाहमॱआङ तोङज्ये म़ेह” म़ेदी येशूगी सुङ नाङसीन।
टिहम्बु पेहती तेह कोहएँगी तेहन्दाला सुङदेन
(मत्ती २४:३६-४४; लूक १२:३८,४०)
32 “ओ़ह ङ्यिहमा दाङ ती़हजी नाहम लेप्कें यिहम्बा म़ेदी सुज्यीॱलाङ क्यी़ह म़ेह। स्यिहङगामकी स्याहप्च्यीया़ दाङ स़ेबुॱलाङ क्यी़ह म़ेह। दि केच्यादी किन्ज्यो च्यी़लाॱराङ थुयी़ येहबा। #
मत्ती २४:३६
33ओ़ह सोङबे ख्या जेम्बु पेहती ङ्यी़ छेती तेहतोङ च्यिबेमाना ओ़ह ती़हजी नाहम लेप्कें म़ेदी ख्यागी ह्अ मेहकोहएँ।
34 ओ़ह केच्या नि योक्पुया़ला खाङबा चि क्याहप्ती कोरा क्याहप्च्येला डोएँगी खाङबा ताहक्पुगी पेताम ल़ेहमु यिहम्बा। ताहक्पुगी राहङगी योक्पुया़ला राहङ-राहङगी ल़ेहया़ पेहती ज़्या़दोङ म़ेदी ल़ेह चि क्याहप्के ओहले कोह सुङगे मिहॱलाङ ‘या़हबु पेहती खाङबा सुङदोङ!’ म़ेदी ल़ेह तेन्दी ज़्या़एँ। #
लूक १२:३६-३८
35ओ़ह सोङबे टिहम्बु पेहती तेहतोङ च्यिबेमाना ताहक्पु काहजे ती़हजीला लो़हदी ओहङगे यिहम्बा म़ेदी ख्याला क्यी़ह मेहयोहङगे। खो नि नाहम से़दी, नुहप फेचेला फार, च्याहबु पेहकें ती़हजीला फार, कि-माना नाहम लाहङगे ती़हजीला फार, ओहले काहजे ती़हजीला माॱनाङ ओहङ ख़ूएँ 36ओहले याहङमे-याहङ ताहक्पु फोक थेन ओहङगेमु खोगी ख्याला ङ्याहल्दी तेहक्यो च्य़ेह माहसीहन्ज्यु। 37ख्याला माक्यो ल़ेहमुराङ ङाहगी थाम्ज्यीलाराङ माक्यो यिहम्बा, ‘जेम्बु पेहती तेहतोङ’!” म़ेदी येशूगी सुङ नाङसीन।
Okuqokiwe okwamanje:
मर्कूस 13: HYLM
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
© 2023 (Active), Wycliffe Bible Translators, Inc. All rights reserved.
मर्कूस 13
13
यरूशलेमगी छ्योखाङ रोहम्गेन्गी तेहन्दाला
(मत्ती २४:१-२४; लूक २१:५-१९)
1येशू छ्योखाङले थेन्दी फेप्नाङगेमु स्याहप्च्यी च्यी़गी, “ज़ी़-नाङदोङ लोबेन लाह, काहजे छ्यिम्बु-छ्यिम्बु तोहया़! काहजे या़हबा छ्योखाङया़!” म़ेदी मासीन 2ओहले येशूगी खुङया़ला, “ख्यागी थोङग्यो दि छ्योखाङया़ तोह च्यी़ खाला लेहमेन तोह च्यी़ॱआङ लिहच्ये म़ेह, थाम्ज्यीराङ रोम्ज्ये येह” म़ेदी सुङ नाङसीन।
3येशू छ्योखाङगी फार्केन देपकी जैतून काहङला ज़्य़ू नाङदी येहकें। ओहजे ती़हजीला पत्रुस, याकूब, यूहन्ना दाङ अन्द्रियास खाजुम्बाला येशूसाला ओहङदी, 4“लोबेन लाह, ङ्यिहला सुङ नाङदोङ, दि केच्याया़ नाहम तेहन्दा डुप्च्ये येह? ओहले राहङगी सुङ नाङग्योकी स्याहलया़ तेहन्दा डुप्च्ये पेहकेमु ङ्यिहगी काह-ठि ताक्छेनया़ थोङज्ये येह?” म़ेदी स्युहसीन। 5ओहले येशूगी खुङया़ला सुङ नाङसीन, “जेम्बु पेह! सुज्यीगीॱआङ ख्याला गो़ कोर मा़हखुज्यु! 6मिह माहङबुराङ ङाहगी मिहनला ‘ङाहराङ मास्यीका यिहन’ म़ेदी ओहङज्ये येह ओहले मिह माहङबुलाराङ गो़ कोर्च्ये येह। 7ख्यागी मा़ क्याहप्क्यो दाङ मा़ क्याहप्केन्गी केच्याया़ थे़ज्ये येह। यिहॱनाङ ओ़ह ती़हजीला ख्या मा़हन्ज्यी। दि ल़ेहमु केच्याया़नी ओहङॱराङ कोहएँ, यिहॱनाङ ओ़हजेलाराङ नि जाम्बुलीङ मेहतोङगे। 8च्यिबेमाना क्यिहपा-क्यिहपागी पाहरक्यीला मा़ क्याहप्च्ये येह। क्याहल-खाप च्यी़गी लेहमेन क्याहल-खाप थो़ला च्योम्ज्ये येह। काहने थेतेराङ साङगुल ओहङज्ये येह ओहले मुहयी लाहङज्ये येह। दि ल़ेहमु केच्याया़ नि तुहक्पु छ़ूगेन्गी ती़हजी च्यी़राङ यिहन।
9 ख्यादी जेम्बु पेहती तेह च्यिबेमाना मिहया़गी ख्याला ज़ुङदी ठिम-खाङला ख्येर्च्ये येह ओहले छो़खाङया़ला ख्येर्ती ताक्स्यु क्याहप्च्ये येह। ख्याला ङाहगी पेहती स्युहङ-पेन छ्यिम्बु दाङ क्याहल्बुया़गी दिनला लाहङ च्य़ूज्ये येह। ओहले ख्यागी ङाहगी तेहन्दाला खुङया़ला पाङबु तेर कोहच्ये येह। #
मत्ती १०:१७-२०; लूक १२:११,१२
10 जाम्बुलीङ तोङगे म़ेदी तोहङले थाम्ज्यी क्यिहपागी मिहया़ला या़हबु लेहङगु स्ये सिहन्ग्यो ओहङ कोहज्ये येह। 11खुङगी ख्याला ज़ुङदी ख्येर्केमु च्यि मा़ कोहएँ म़ेदी तुहङाल माहबे। खुङया़गी दिनला लाहङग्यो ती़हजीला ख्यागी च्यि ज्योर्के, ओ़हदीॱराङ म़ेदोङ च्यिबेमाना ओ़ह ती़हजीला ताम माएँदी ख्या मिहम्बा, यिहॱनाङ नाम्पार-ताहक्पा थु ख्या लाहमले स्याहल सुङ नाङज्ये येह।
12 ओ़ह ती़हजीला मिहया़गी राहङदीराङ आदा-नो़हया़ला सेच्येला चि क्याहप्च्ये येह। आबागी पुह पोहमोला ओहले पुह पोहमोगी आबा-आमाला टाह पेहती से च्य़ूज्ये येह। 13ङाहगी पेहती ख्याला मिह थाम्ज्यीगी ङेन्ज्येन पेहच्ये येह। यिहॱनाङ तिङ थु तेहपा मा़हलोहबा पेहती तेहकेनया़दी थार्च्ये येह” म़ेदी येशूगी सुङ नाङसीन।#मत्ती १०:२२
ज्यी़ज्ये ल़ेहमु तुहक्पुगी ती़हजीगी तेहन्दाला
(मत्ती २४:१५-२८; लूक २१:२०-२४)
14 “ओहङॱराङ मी़हखुएँगी ग्या़ला ख्यागी नाम्दो लाहङज्ये ल़ेहमु तोङ च्य़ूगेन्गी स़ेह थोङज्ये येह। ओ़ह ती़हजीला यहूदीयाला येहकेनया़ लाह ङो़ले प्रे़हज्यु। #
दान ९:२७; ११:३१; १२:११ 15ओहले खाङबा थो़ला येहकेनया़ माहर फाप्ती पेला लेहन्ज्येला खाङबा नाहङला मा़हस्युहज्यु।#लूक १७:३१ 16स्यिहङला येहकेन मिहया़ राहङगी काप्च्या लेहन्ज्येला खाङबाला लो़ह माहन्डोज्यु। 17ओ़ह ती़हजीला ज़ुबु ङ्यिहपा येहकेन दाङ पेहजा ल़ेनु येहकेन्गी आमाया़ला ज्यिबुराङ खेन्दा-का़हबु ओहङज्ये येह! 18दि केच्याया़ ख्या़बु दावाला माहयोहङज्यु म़ेदी सोल्वाङ ताप्तोङ। 19च्यिबेमाना, ओहजे काहङला बाप्केन्गी तुहक्पु किन्ज्योगी जाम्बुलीङ छ्या़ नाङगे यिहन्ज्यु ताहन्दा थु बाप्ती म़ेह, ओहले तिङलेॱआङ बाप्च्ये म़ेह।#दान १२:१; ज्याल ७:१४ 20चो़वोगी ओ़ह तुहक्पुकी ङ्यिहमाया़ ङ्युहङसे़ ज़ो माहनाङबा यिहन्सीमानानी सुज्यीॱआङ थार ख़ूज्ये म़ेहबा येहकें। यिहॱनाङ किन्ज्योगी दाम नाङग्यो मिहया़गी तेहन्दाला ओ़ह ङ्यिहमाया़ ङ्युहङसे़ ज़ो नाङसीन।
21 ‘त़ेदोङ, मास्यीका नि देला येहबा ओ़हला येहबा’ म़ेदी सुज्यीगी मासीमाना, ख्या खुङगी तामला यिह मा़हछ्ये। 22च्यिबेमाना गो़ कोर च्य़ूगेन्गी मास्यीका दाङ लुहङतेम्बाया़ थेन ओहङज्ये येह। खुङगी छ्यिम्बु-छ्यिम्बु ताक्छेनया़ दाङ याहम्जेम्बागी ल़ेहया़ तेन्दी ला़ खाजे दाम्ग्यो मिहया़ॱलाङ गो़ कोर च्य़ूज्ये छोल्ज्ये येह। 23ओ़ह सोङबे ख्या जेम्बु पेहती तेहतोङ! ङाहगी ख्याला ताम थाम्ज्यीराङ तोहङलेराङ मा़ सिहन्दी येह।
येशू येहपाराङ फेप नाङज्ये येह
(मत्ती २३:२९-३१; लूक २१:२५-२८)
24 ओ़ह तुहक्पुगी ङ्यिहमाया़ काहल फान्ज्यो ङ्यिहमा ना़-जुबे डोज्ये येह ओहले दायुमगी राहङगी येहसेर तेर्च्ये म़ेह। #
यशै १३:१०; योए २:१०,३१; ३:१५; ज्याल ६:१२; यशै १३:१०; इज ३२:७ 25कार्माया़ नामले ताहप्च्ये येह ओहले लिङस्यीगी थाम्ज्यी ओङया़ युङज्ये येह।#यशै ३४:४; ज्याल ६:१३; योए २:१० 26ओ़ह तिङले मिहगी स़ेबु ओङ छ्यिम्बु दाङ ज़िज्यिद ङ्याम्बु मुक्पाला फेप्केनॱराङ जेक्यो थोङज्ये येह।#दान ७:१३; ज्याल १:७ 27ओहले किन्ज्योगी स्यिहङगामकी स्याहप्च्यीया़ला जाम्बुलीङ दाङ नामदी छ्यो़ ज़्यिगालेराङ ताङ नाङज्ये येह ओहले खुङया़गी किन्ज्योगी दाम नाङग्यो मिहया़ला रूदी ख्योङज्ये येह।”
को़स्यीङ तोहङबोगी पे
(मत्ती २४:३२-३५; लूक २१:२९-३३)
28येशूगी येहपाराङ सुङ नाङसीन, “को़स्यीङ तोहङबोला त़ेदी च्यिरा लोप्तोङ। को़स्यीङ तोहङबोगी स्यिङलोया़ बी़ फान्ज्यो रिह टे़ह बार्च्ये पेहसीन दु म़ेदी ख्यागी ङोह स्य़ेगे। 29ओ़ह ल़ेहमुराङ पेहती ङाहगी माक्यो दि केच्याया़ तेहन्दा डुप्केनॱराङ पेहक्यो थोङगेमु ङाह ओहङगे ती़हजी ता़ह पोहलाराङ लेप्च्ये पेहसीन दु म़ेदी ख्यागी ह्अ कोहच्ये येह। 30तेहम्बाराङ ङाह ख्याला माएँ, दि केच्या थाम्ज्यीराङ तेहन्दा माहन्डुप थु दि मिहदो तोङज्ये म़ेह। 31नाम दाङ जाम्बुलीङ तोङदी डोज्ये येह यिहॱनाङ ङाहगी माक्योगी तामया़ नाहमॱआङ तोङज्ये म़ेह” म़ेदी येशूगी सुङ नाङसीन।
टिहम्बु पेहती तेह कोहएँगी तेहन्दाला सुङदेन
(मत्ती २४:३६-४४; लूक १२:३८,४०)
32 “ओ़ह ङ्यिहमा दाङ ती़हजी नाहम लेप्कें यिहम्बा म़ेदी सुज्यीॱलाङ क्यी़ह म़ेह। स्यिहङगामकी स्याहप्च्यीया़ दाङ स़ेबुॱलाङ क्यी़ह म़ेह। दि केच्यादी किन्ज्यो च्यी़लाॱराङ थुयी़ येहबा। #
मत्ती २४:३६
33ओ़ह सोङबे ख्या जेम्बु पेहती ङ्यी़ छेती तेहतोङ च्यिबेमाना ओ़ह ती़हजी नाहम लेप्कें म़ेदी ख्यागी ह्अ मेहकोहएँ।
34 ओ़ह केच्या नि योक्पुया़ला खाङबा चि क्याहप्ती कोरा क्याहप्च्येला डोएँगी खाङबा ताहक्पुगी पेताम ल़ेहमु यिहम्बा। ताहक्पुगी राहङगी योक्पुया़ला राहङ-राहङगी ल़ेहया़ पेहती ज़्या़दोङ म़ेदी ल़ेह चि क्याहप्के ओहले कोह सुङगे मिहॱलाङ ‘या़हबु पेहती खाङबा सुङदोङ!’ म़ेदी ल़ेह तेन्दी ज़्या़एँ। #
लूक १२:३६-३८
35ओ़ह सोङबे टिहम्बु पेहती तेहतोङ च्यिबेमाना ताहक्पु काहजे ती़हजीला लो़हदी ओहङगे यिहम्बा म़ेदी ख्याला क्यी़ह मेहयोहङगे। खो नि नाहम से़दी, नुहप फेचेला फार, च्याहबु पेहकें ती़हजीला फार, कि-माना नाहम लाहङगे ती़हजीला फार, ओहले काहजे ती़हजीला माॱनाङ ओहङ ख़ूएँ 36ओहले याहङमे-याहङ ताहक्पु फोक थेन ओहङगेमु खोगी ख्याला ङ्याहल्दी तेहक्यो च्य़ेह माहसीहन्ज्यु। 37ख्याला माक्यो ल़ेहमुराङ ङाहगी थाम्ज्यीलाराङ माक्यो यिहम्बा, ‘जेम्बु पेहती तेहतोङ’!” म़ेदी येशूगी सुङ नाङसीन।
Okuqokiwe okwamanje:
:
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
© 2023 (Active), Wycliffe Bible Translators, Inc. All rights reserved.