मर्कूस 6
6
नासरतला येशूला मा-लोक पेहक्यो
(मत्ती १३:५३-५८; लूक ४:१६-३०)
1ओहलेगी येशू राहङ छारक्योगी क्याहसाला फेप नाङसीन, ओहले स्याहप्च्यीया़ॱआङ येशू ङ्याम्बुराङ काहल्सीन। 2ओहले थाङ सोएँ ङ्यिहमाला येशूगी छो़खाङला सुङ ख्येप्टा नाङज्ये छ़ूसीन। ओहले येशूगी सुङदेन ङ्यिहन्गे मिह माहङबुगीराङ ह्अ ल़ेहदी दि ल़ेहमु म़ेदी ताम मामा चासीन, “दि मिहगी दि तामया़ का़हलेगी लोप्पा यिहम्बा? खोला नाङग्योगी रिहक्स्यी काहन्डुमु यिहम्बा? काहन्डुमु पेहती दि ल़ेहमु याहम्जेम्बागी छ्या़लेया़ पेह ख़ूएँ? 3दि खो ओ़ह मरियमगी पुह स्यिङसो ख़ेबा मिहम्बा ले? च्यि दि याकूब, योसेफ, यहूदा दाङ सिमोनगी आदा मिहन ले? खोगी नोहमोॱया़ङ ओहराङ ङ्याम्बु देलाराङ येहबा!” दि ल़ेहमु म़ेदी खुङया़गी येशूला यिह मा़हछ्ये। 4ओहले येशूगी खुङया़ला सुङ नाङसीन, “लुहङतेम्बाला थाम्ज्यीराङ ग्या़या़ला चा़ पेहकें, यिहॱनाङ राहङ युहलगी मिहया़गी राहङ ङ्येहवाया़ दाङ राहङदीराङ खाङबा मे़हमेया़गी माना चा़ मेहबेगे।”#यूह ४:४४ 5ओ़ह सोङगोराङ येशूगी लाहला नेहपाया़गी थो़ला छ्या़ ज़्या़दी टा़ह च्य़ू नाङसीन ओ़ह म़ेदी ल्हाक्पु लेहमेन याहम्जेन छ्येवागी छ्या़लेया़ च्यिॱआङ जे माहनाङ। 6राहङ ग्या़गी मिहया़गी यिह मा़हछ्येबा ज़ी़दी येशू ह्अ ल़ेहसीन। येशू युहल युहलया़ला फेप्ती मिहया़ला सुङदेन नाङगेराङ फेप नाङसीन।
येशूगी स्याहप्च्यीया़ला सुङदेन ख्येप्टा ताङज्येला ताङ नाङग्यो
(मत्ती १०:५-१५; लूक ९:१-६)
7ओ़ह ती़हजीला येशूगी राहङगी दाम नाङग्योगी स्याहप्च्यी च्यिङ्यी़ला क़े क्याहप्ती खुङया़ला मेहचाङा नाम्स्यीया़ तेन्गेन्गी ओङ नाङसीन, ओहले मेहन्दा ङ्यी़ ङ्यी़ पेहती युहल दाङ क्याहसाया़ला 8दि ल़ेहमु सुङ नाङदी ताङ नाङसीन, “चू़गेन्गी प्रेहका म़ेदी ल्हाक्पु लेहमेन ल्हा़मा खुरा, काहल्दा दाङ टाङगा च्यिॱआङ माहखुर।
9 लेकाम केहन्दोङ ओहले छ्युबादी च्यी़राङ केहन्दी सोङ लेहमेन छ्युबादी माहखुर।” 10येशूगी खुङया़ला सुङ नाङसीन, “ख्या युहल च्यी़ला लेप्केमु का़हन्दी खाङबाला स्य़ूहगे, ओ़ह युहलले थेन्दी माहकाहल थु ख्या ओ़ह खाङबालाराङ तेहतोङ। 11ओहले युहलला लेप्केमु ख्याला सु मिह च्यी़गीॱआङ फेप मेहस्युहसीमाना ओहले ख्यागी ताम मिहङ्यीहन्सीमाना ओ़ह मिहया़ला किन्ज्योगी ताङ नाङगेन्गी छ्य़े-ठिमगी ज्यी़-ङोर तेन्दे राहङगी काङबागी थाल्बी ओ़हलाराङ प्रू़दी ओ़ह युहललेगी थेन्दी सोङ।”#लूक १०:४-११; ल़ेह १३:५१
12ओ़ह तिङले स्याहप्च्यीया़ काहल्दी मिहया़ला “सेमगी स्या़बा पेहती तिहक्पा पाङदोङ” म़ेदी लोप्च्युङ तेर्च्ये छ़ूसीन। 13खुङया़गी माहङबुराङ ल्हेन्डीया़ तेन्सीन ओहले माहङबुराङ नेहपाया़ला नुम की़दी टा़ह च्य़ूसीन। #याक ५:१४
बप्तिस्मा तेर्केन यूहन्नाला सेक्यो
(मत्ती १४:१-१२; लूक ९:७-९)
14येशूगी छेन काहने थेतेराङ फेल्ग्यो सोङबे हेरोद क्याहल्बुगीॱआङ येशूगी तेहन्दाला थ़ेसीन। लाहला मिहया़गीनी दि ल़ेहमु माएँराङ येहकें, “बप्तिस्मा तेर्केन्गी यूहन्ना स्यिक्योलेगी सोम्बो लाहङसीन दु, ओ़ह सोङबे का खोगी दि ल़ेहमु ओङ छ्यिम्बुगी ल़ेहया़ पेहकु दु!”#मत्ती १६:१४; मर्क ८:२८; लूक ९:१९ 15लाहलागी “खोनी एलिया लुहङतेम्बा यिहम्बा,” म़ेदी माउ येहकें ओहले काहजे मिहया़गीदी “ताहङबो लुहङतेम्बाया़ ल़ेहमुराङ लुहङतेम्बा च्यी़ थेन्सीन दु,” म़ेदी माउ येहकें। 16दि केच्या थ़े फान्ज्यो हेरोदगी मासीन, “दिनी यूहन्नाराङ यिहम्बा। खोला ङाहगी गो़ तुप्ती सेक्यो येहकें, ता़ह खो स्यिक्योलेगी सोम्बो लाङसीन दु!”
17ओ़ह म़ेदी तोहङले हेरोदगी यूहन्नाला ज़ुङ च्य़ूदी ताहम्दी चोन-खाङला लू़क्यो येहकें च्यिबेमाना हेरोदगी राहङदीराङ नो़ह फिलिपकी पी़हमी हेरोदियासला ख्योङदी ज़्या़क्यो येहकें।#लूक ३:१९,२० 18ओहले बप्तिस्मा तेर्केन यूहन्नागी “नो़हगी पी़हमी दि ल़ेहमु पेहती ख्योङदी ज़्या़ज्ये दि पे-ठिमगी मेहतेर्कें,” म़ेदी खोला लोप्ताम क्याहप्ती तेहको येहकें।
19ओ़ह सोङबे हेरोदियासला यूहन्ना ङ्याम्बु स्यिहताङ लाहङग्यो येहकें। मोहगी यूहन्नाला सेच्ये छोल्गो येहकें, यिहॱनाङ हेरोद क्याहल्बु माहङ्यीहम्बा सोङबे मोहगी च्यिॱआङ पेह मा़हखु। 20च्यिबेमाना यूहन्ना मिह टाहङबु दाङ छ्य़ेसेम पेहकेन्गी मिह यिहन म़ेदी हेरोदला क्यी़ह येहकें। ओ़ह सोङबे खोगी यूहन्नाला माहसेपा पेहती ज़्या़सीन। हेरोदगी यूहन्नागी ताम थे़गेमु हेरोद सेम कालाम-मालाम डोॱनाङ खोगी यूहन्नागी ताम या़हबु ने़उ येहकें।
21ज्युक्स्योलला हेरोदियासला क्यिम्बा च्याल्ज्येला लोहङ ज्योर्सीन। हेरोदगी राहङगी क्ये़गार ङ्यिहमाला गालील साने़की स्युहङ-पेन, माक्पेन दाङ लेहमेन मिह छ्यिम्बुया़ला क़े क्याहप्ती डेन छ्यिम्बुच्यी तेर्सीन।
22ओ़ह डेन तेर्के ङ्यिहमाला हेरोदियासगी पोहमो ओहङदी छ्याम्सीन। मोहगी छ्याम्लु थोङदी क्याहल्बु दाङ क्याहल्बुगी डोम्बोया़ ज्यिबुराङ क़ेहनाङ लाहङसीन। ओहले क्याहल्बुगी मोहला, “पोहमो ख्येला च्यि कोहएँ? ख्येगी च्यि लाङ माएँदी ङाहगी तेर्के” म़ेदी मासीन।
23येहपाराङ क्याहल्बुगी ना क्याल्दी, “क्याहल-खाप फे़ लाङ माॱनाङ ङाह ख्येला तेर्के!” म़ेदी मासीन। 24ओहले हेरोदियासगी पोहमोगी राहङ आमा साला काहल्दी मासीन, “आमा, ङाह च्यि लाङदोङ ले?” ओहले आमागी “बप्तिस्मा तेर्केन यूहन्नागी गो़ लाङ म़ेदोङ!” म़ेदी मासीन।
25ओहले ओ़ह पोहमो ग्यो़बा-ग्यो़बा क्याहल्बु साला काहल्दी, “ङाहला नाहरेराङ बप्तिस्मा तेर्केन यूहन्नागी गो़ तेहर्माला ज़्या़दी नाङदोङ” म़ेदी मासीन। 26दि थे़दी क्याहल्बुगी सेम ज्यिबुराङ सुह क्याहप्सीन। यिहॱनाङ खोगी डोम्बोया़गी दिनला ना क्याल्दी तेर्के म़ेदी माक्यो सोङबे येहपाराङ मेहतेर म़ेदी मा मा़हखु।
27ओ़ह सोङबे क्याहल्बुगी, “यूहन्नागी गो़ तुप्ते ख्येर-स्यो” म़ेदी राहङगी माक्मीया़ला का नाङसीन। माक्मीया़गी चोन-खाङला काहल्दी यूहन्नागी गो़ तुप्ते 28तेहर्माला ज़्या़दी ख्योङदी ओ़ह पोहमोला तेर्सीन, ओहले ओ़ह पोहमोगी ओ़हदी ख्येर्ती राहङगी आमाला तेर्सीन।
29दि थे़दी यूहन्नागी स्याहप्च्यीया़ ओहङदी खोगी फुङबु ख्येर्ती फुक्पाला तो़हसीन।
येशूगी मिह तोङरा ङाला साहज्ये नाङग्यो
(मत्ती १४:१३-२१; लूक ९:१०-१७; यूह ६:१-१४)
30ओहले ल़ेह-पेनया़ येशूसाला जोम ओहङसीन, ओहले राहङगी पेहक्योगी ल़ेह दाङ लोप्क्योगी लोप्च्युङया़गी तेहन्दाला थाम्ज्यीराङ येशूला स्य़ेसीन। 31ओहले येशूगी खुङया़ला सुङ नाङसीन, “ओहराङ ग्या़ यिङबुच्यीला काहल्दी याहम्बीज्यी थाङ सोज्ये।” च्यिबेमाना ओ़हला मिह माहङबुराङ ओहङगे-डोएँ पेहको येहकें ओ़ह सोङबे खुङ फे़बेया़ला साहज्ये छ्ये-लुङ च्यिॱआङ माहयोहङ। 32ओ़ह सोङबे खुङ फ़ेबेॱया टुह-छ्युङला जा़दी ग्या़ यिङबुच्यीला फेप नाङसीन।
33यिहॱनाङ मिहया़गी खुङ फे़बेया़ला फेप्केनॱराङ जेक्यो थोङसीन ओहले मिह माहङबुगीराङ खुङ फ़ेबेॱया फेप नाङज्ये जेक्योगी ग्या़ क्यी़ह ज्योर्सीन। ओहले मिहया़ क्याहसाया़ले छ्योङदी ओहङदी खुङ फ़ेबेॱया म़ेदीॱआङ तोहङलेराङ ओ़ह ग्या़ला लेप्सीन। 34ओहले येशू टुह-छ्युङले फाप नाङगेमु मिह मिह-माहङया़गी राहङला कू़हदी तेहक्यो ज़ी़दी येशूगी थु निङज्यीगी काहङदी ओहङसीन च्यिबेमाना खुङया़ ताहक्पु म़ेहबागी ल़ूहया़ ल़ेहमु येहकें। ओहले येशूगी खुङया़ला माहङबुराङ तामया़गी तेहन्दाला सुङ ख्येप्टा नाङज्ये छ़ूसीन।#गन्ती २७:१७; १ राज २२:१७; २ लुहक १८:१६; इज ३४:५; मत्ती ९:३६
35नाहम सोज्ये पेहक्यो थोङदी स्याहप्च्यीया़गी येशूला मासीन, “ता़हनी नाहम सोज्ये पेहसीन ओहले देलानी च्यिॱआङ माहन्ज्योर दु। 36दि मिहया़ला कोहङबा नाङदोङ। खुङया़ साहर-सुहरगी युहलया़ दाङ कोहरेया़ला काहल्दी च्यिरा ङ्ये़हदी साहज्यु” म़ेदी स्युहसीन। 37ओहले येशूगी, “ख्यागीराङ खुङया़ला साहज्ये तेर्तोङ” म़ेदी सुङ नाङसीन। ओहले स्याहप्च्यीया़गी, “च्यि ङ्यिह काहल्दी ङुल-टाङ#६:३७ ङुल-टाङ : ङुल-टाङ च्यी़दी ओ़ह ती़हजीला मेहन्दा च्यी़गी ङ्यिहमा काहङ ल़ेह पेहक्यो ल़ेहगी ले़गा यिहम्बा। ङ्यिहक्यागी खुरा ङ्ये़हदी खुङला साहज्ये तेर्च्ये ले?” 38येशूगी खुङया़ला, “ख्या ङ्याम्बु खुरा काहजे येहबा? त़ेदोङ ले!” म़ेदी सुङ नाङसीन। ओहले खुङया़गी त़ेदी येशूला, “खुरा ङा दाङ ङ्याह ङ्यिज्यीराङ दुबा!” म़ेदी स्युहसीन।
39ओ़ह तिङले येशूगी मिहया़ला पाङगाला टाहल डी़दी तेह म़ेदी सुङ नाङसीन। 40ओहले मिहया़ पाङगाला क्याह-क्याह दाङ ङाप्च्यु-ङाप्च्यु पेहती टाहल डी़दी तेहसीन। 41ओहले येशूगी खुरा ङा दाङ ङ्याह ङ्यी़ नोम्दी स्यिहङगाम ङो़ले ज़ी़दी किन्ज्योला थुज्यी-छ्ये़ फुल नाङसीन ओहले खुरा राल्दी स्याहप्च्यीया़ला के़हदी तेर्तोङ म़ेदी सुङ नाङसीन। ओ़ह ल़ेहमुराङ जेती येशूगी ओ़ह ङ्याह ङ्यी़ॱआङ के़हदी नाङसीन। 42ओहले मिह थाम्ज्यीगीराङ साह ख़ूएँ थु साहसीन। 43स्याहप्च्यीया़गी ल्हा़स्युलया़ तुहएँमु डा़लो च्यिङ्यी़ काहल्सीन। 44ओ़हला साहएँ क्येप-ख्योवा मिहया़ज्यीॱराङ तोङरा ङाजे येहकें।
येशू छ्यु खा-खादा फेप नाङग्यो
(मत्ती १४:२२-३६; यूह ६:१५-२१)
45ओहले येशूगी लाहम्साङराङ स्याहप्च्यीया़ला टुह-छ्युङला जा़दी छोगी फार्केन देपकी बेथसेदा माएँ युहलला ताङ चाहङ नाङसीन। येशू राहङदी मिहया़ला कोहङबा नाङज्येला ओ़हलाराङ ज़्य़ू नाङसीन। 46खुङया़ला कोहङबा नाङ फान्ज्यो येशू सोल्वाङ ताप्च्येला काहङदो च्यी़ला फेप नाङसीन। 47नाहम सोसीन। टुह-छ्युङ छो-क्याहम्जोला ज्यिबुराङ था़-रिहङबु लेप सिहन्दी येहकें। ओहजेला येशू राहङ च्यी़राङ छोगी सुहरला ज़्य़ू नाङदी येहकें। 48ओहले ल्हा़बा लुङजी टुह-छ्युङगी दिन ङो़ले ओहङग्यो सोङगोराङ राहङगी स्याहप्च्यीया़ला टुह-छ्युङगी क्यावा युज्येला का़हबु काहल्ग्यो येशूगी ज़ी़ नाङसीन। नाहम-थोरोङ काहल फान्ज्यो येशू स्याहपगी छ्यु खा-खादा फेप्ती स्याहप्च्यीया़ येहकें ग्या़ला फेप्सीन। ओहले येशू टुह-छ्युङ येहकें ग्या़ म़ेदीॱआङ फारटाङ फेप नाङज्ये जेसीन।
49येशूला छ्यु खा-खादा फेप नाङग्यो थोङदी स्याहप्च्यीया़गी “ल्हेन्डी ओहङसीन!” म़ेदी क़े तेन्ज्ये छ़ूसीन। 50खुङ थाम्ज्यीराङ येशूला थोङदी ज्यी़सीन। ओहजेला येशूगी सुङ नाङसीन, “मा़हन्ज्यी, ङाहराङ यिहन, सेम ज़ुङदोङ!” 51ओ़ह तिङले येशू टुह-छ्युङला जा़ नाङसीन ओहले ल्हा़बा लुङजीॱआङ छ्येबे तेहसीन। दि थोङदी स्याहप्च्यीया़ ज्यिबुराङ ह्अ ल़ेहसीन। 52येशूगी मिह तोङरा ङाला साहज्ये नाङग्यो थोङदीॱआङ खुङया़गी येशू सु यिहम्बा माएँ ङोह स्य़े मा़हखुबा येहकें च्यिबेमाना खुङया़गी सेम ज्यिबुराङ सान्दी काहल सिहन्ग्यो येहकें।
53येशू स्याहप्च्यीया़ ङ्याम्बुराङ छो च्येती फार्केन देपकी गनेसरेत माएँ ग्या़ला लेप फान्ज्यो टुह-छ्युङ छो सुहरला ख्योङसीन। 54टुह-छ्युङले फाप सिहन फान्ज्यो मिहया़गी येशूॱराङ यिहम्बा दु म़ेदी येशूला ङोह स्य़ेसीन। 55ओ़ह सोङबे खुङया़ छ्यो़ ज़्यिलाराङ छ्योङदी काहल्दी येशू फेप नाङग्योगी लेहङगु काहने थेतेराङ स्येसीन। ओहले मिहया़गी नेहपाया़ खुर्ती येशूसाला ख्योङज्ये छ़ूसीन। 56युहल, क्याहसा, दाङ का़ह-का़हला येशू फेप नाङगेन, मिहया़गी नेहपाया़ला छोङ-ठोमला खुर्ती ख्योङगो येहकें। खुङया़गी “ओ़ह नेहपाया़ला राहङगी नाहम्सा च्यि यिहॱनाङ दे़ च्य़ू नाङदोङ,” म़ेदी येशूला स्युहउ येहकें ओहले येशूगी नाहम्सा दे़गेया़ थाम्ज्यीराङ टा़हउ येहकें।
Okuqokiwe okwamanje:
मर्कूस 6: HYLM
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
© 2023 (Active), Wycliffe Bible Translators, Inc. All rights reserved.
मर्कूस 6
6
नासरतला येशूला मा-लोक पेहक्यो
(मत्ती १३:५३-५८; लूक ४:१६-३०)
1ओहलेगी येशू राहङ छारक्योगी क्याहसाला फेप नाङसीन, ओहले स्याहप्च्यीया़ॱआङ येशू ङ्याम्बुराङ काहल्सीन। 2ओहले थाङ सोएँ ङ्यिहमाला येशूगी छो़खाङला सुङ ख्येप्टा नाङज्ये छ़ूसीन। ओहले येशूगी सुङदेन ङ्यिहन्गे मिह माहङबुगीराङ ह्अ ल़ेहदी दि ल़ेहमु म़ेदी ताम मामा चासीन, “दि मिहगी दि तामया़ का़हलेगी लोप्पा यिहम्बा? खोला नाङग्योगी रिहक्स्यी काहन्डुमु यिहम्बा? काहन्डुमु पेहती दि ल़ेहमु याहम्जेम्बागी छ्या़लेया़ पेह ख़ूएँ? 3दि खो ओ़ह मरियमगी पुह स्यिङसो ख़ेबा मिहम्बा ले? च्यि दि याकूब, योसेफ, यहूदा दाङ सिमोनगी आदा मिहन ले? खोगी नोहमोॱया़ङ ओहराङ ङ्याम्बु देलाराङ येहबा!” दि ल़ेहमु म़ेदी खुङया़गी येशूला यिह मा़हछ्ये। 4ओहले येशूगी खुङया़ला सुङ नाङसीन, “लुहङतेम्बाला थाम्ज्यीराङ ग्या़या़ला चा़ पेहकें, यिहॱनाङ राहङ युहलगी मिहया़गी राहङ ङ्येहवाया़ दाङ राहङदीराङ खाङबा मे़हमेया़गी माना चा़ मेहबेगे।”#यूह ४:४४ 5ओ़ह सोङगोराङ येशूगी लाहला नेहपाया़गी थो़ला छ्या़ ज़्या़दी टा़ह च्य़ू नाङसीन ओ़ह म़ेदी ल्हाक्पु लेहमेन याहम्जेन छ्येवागी छ्या़लेया़ च्यिॱआङ जे माहनाङ। 6राहङ ग्या़गी मिहया़गी यिह मा़हछ्येबा ज़ी़दी येशू ह्अ ल़ेहसीन। येशू युहल युहलया़ला फेप्ती मिहया़ला सुङदेन नाङगेराङ फेप नाङसीन।
येशूगी स्याहप्च्यीया़ला सुङदेन ख्येप्टा ताङज्येला ताङ नाङग्यो
(मत्ती १०:५-१५; लूक ९:१-६)
7ओ़ह ती़हजीला येशूगी राहङगी दाम नाङग्योगी स्याहप्च्यी च्यिङ्यी़ला क़े क्याहप्ती खुङया़ला मेहचाङा नाम्स्यीया़ तेन्गेन्गी ओङ नाङसीन, ओहले मेहन्दा ङ्यी़ ङ्यी़ पेहती युहल दाङ क्याहसाया़ला 8दि ल़ेहमु सुङ नाङदी ताङ नाङसीन, “चू़गेन्गी प्रेहका म़ेदी ल्हाक्पु लेहमेन ल्हा़मा खुरा, काहल्दा दाङ टाङगा च्यिॱआङ माहखुर।
9 लेकाम केहन्दोङ ओहले छ्युबादी च्यी़राङ केहन्दी सोङ लेहमेन छ्युबादी माहखुर।” 10येशूगी खुङया़ला सुङ नाङसीन, “ख्या युहल च्यी़ला लेप्केमु का़हन्दी खाङबाला स्य़ूहगे, ओ़ह युहलले थेन्दी माहकाहल थु ख्या ओ़ह खाङबालाराङ तेहतोङ। 11ओहले युहलला लेप्केमु ख्याला सु मिह च्यी़गीॱआङ फेप मेहस्युहसीमाना ओहले ख्यागी ताम मिहङ्यीहन्सीमाना ओ़ह मिहया़ला किन्ज्योगी ताङ नाङगेन्गी छ्य़े-ठिमगी ज्यी़-ङोर तेन्दे राहङगी काङबागी थाल्बी ओ़हलाराङ प्रू़दी ओ़ह युहललेगी थेन्दी सोङ।”#लूक १०:४-११; ल़ेह १३:५१
12ओ़ह तिङले स्याहप्च्यीया़ काहल्दी मिहया़ला “सेमगी स्या़बा पेहती तिहक्पा पाङदोङ” म़ेदी लोप्च्युङ तेर्च्ये छ़ूसीन। 13खुङया़गी माहङबुराङ ल्हेन्डीया़ तेन्सीन ओहले माहङबुराङ नेहपाया़ला नुम की़दी टा़ह च्य़ूसीन। #याक ५:१४
बप्तिस्मा तेर्केन यूहन्नाला सेक्यो
(मत्ती १४:१-१२; लूक ९:७-९)
14येशूगी छेन काहने थेतेराङ फेल्ग्यो सोङबे हेरोद क्याहल्बुगीॱआङ येशूगी तेहन्दाला थ़ेसीन। लाहला मिहया़गीनी दि ल़ेहमु माएँराङ येहकें, “बप्तिस्मा तेर्केन्गी यूहन्ना स्यिक्योलेगी सोम्बो लाहङसीन दु, ओ़ह सोङबे का खोगी दि ल़ेहमु ओङ छ्यिम्बुगी ल़ेहया़ पेहकु दु!”#मत्ती १६:१४; मर्क ८:२८; लूक ९:१९ 15लाहलागी “खोनी एलिया लुहङतेम्बा यिहम्बा,” म़ेदी माउ येहकें ओहले काहजे मिहया़गीदी “ताहङबो लुहङतेम्बाया़ ल़ेहमुराङ लुहङतेम्बा च्यी़ थेन्सीन दु,” म़ेदी माउ येहकें। 16दि केच्या थ़े फान्ज्यो हेरोदगी मासीन, “दिनी यूहन्नाराङ यिहम्बा। खोला ङाहगी गो़ तुप्ती सेक्यो येहकें, ता़ह खो स्यिक्योलेगी सोम्बो लाङसीन दु!”
17ओ़ह म़ेदी तोहङले हेरोदगी यूहन्नाला ज़ुङ च्य़ूदी ताहम्दी चोन-खाङला लू़क्यो येहकें च्यिबेमाना हेरोदगी राहङदीराङ नो़ह फिलिपकी पी़हमी हेरोदियासला ख्योङदी ज़्या़क्यो येहकें।#लूक ३:१९,२० 18ओहले बप्तिस्मा तेर्केन यूहन्नागी “नो़हगी पी़हमी दि ल़ेहमु पेहती ख्योङदी ज़्या़ज्ये दि पे-ठिमगी मेहतेर्कें,” म़ेदी खोला लोप्ताम क्याहप्ती तेहको येहकें।
19ओ़ह सोङबे हेरोदियासला यूहन्ना ङ्याम्बु स्यिहताङ लाहङग्यो येहकें। मोहगी यूहन्नाला सेच्ये छोल्गो येहकें, यिहॱनाङ हेरोद क्याहल्बु माहङ्यीहम्बा सोङबे मोहगी च्यिॱआङ पेह मा़हखु। 20च्यिबेमाना यूहन्ना मिह टाहङबु दाङ छ्य़ेसेम पेहकेन्गी मिह यिहन म़ेदी हेरोदला क्यी़ह येहकें। ओ़ह सोङबे खोगी यूहन्नाला माहसेपा पेहती ज़्या़सीन। हेरोदगी यूहन्नागी ताम थे़गेमु हेरोद सेम कालाम-मालाम डोॱनाङ खोगी यूहन्नागी ताम या़हबु ने़उ येहकें।
21ज्युक्स्योलला हेरोदियासला क्यिम्बा च्याल्ज्येला लोहङ ज्योर्सीन। हेरोदगी राहङगी क्ये़गार ङ्यिहमाला गालील साने़की स्युहङ-पेन, माक्पेन दाङ लेहमेन मिह छ्यिम्बुया़ला क़े क्याहप्ती डेन छ्यिम्बुच्यी तेर्सीन।
22ओ़ह डेन तेर्के ङ्यिहमाला हेरोदियासगी पोहमो ओहङदी छ्याम्सीन। मोहगी छ्याम्लु थोङदी क्याहल्बु दाङ क्याहल्बुगी डोम्बोया़ ज्यिबुराङ क़ेहनाङ लाहङसीन। ओहले क्याहल्बुगी मोहला, “पोहमो ख्येला च्यि कोहएँ? ख्येगी च्यि लाङ माएँदी ङाहगी तेर्के” म़ेदी मासीन।
23येहपाराङ क्याहल्बुगी ना क्याल्दी, “क्याहल-खाप फे़ लाङ माॱनाङ ङाह ख्येला तेर्के!” म़ेदी मासीन। 24ओहले हेरोदियासगी पोहमोगी राहङ आमा साला काहल्दी मासीन, “आमा, ङाह च्यि लाङदोङ ले?” ओहले आमागी “बप्तिस्मा तेर्केन यूहन्नागी गो़ लाङ म़ेदोङ!” म़ेदी मासीन।
25ओहले ओ़ह पोहमो ग्यो़बा-ग्यो़बा क्याहल्बु साला काहल्दी, “ङाहला नाहरेराङ बप्तिस्मा तेर्केन यूहन्नागी गो़ तेहर्माला ज़्या़दी नाङदोङ” म़ेदी मासीन। 26दि थे़दी क्याहल्बुगी सेम ज्यिबुराङ सुह क्याहप्सीन। यिहॱनाङ खोगी डोम्बोया़गी दिनला ना क्याल्दी तेर्के म़ेदी माक्यो सोङबे येहपाराङ मेहतेर म़ेदी मा मा़हखु।
27ओ़ह सोङबे क्याहल्बुगी, “यूहन्नागी गो़ तुप्ते ख्येर-स्यो” म़ेदी राहङगी माक्मीया़ला का नाङसीन। माक्मीया़गी चोन-खाङला काहल्दी यूहन्नागी गो़ तुप्ते 28तेहर्माला ज़्या़दी ख्योङदी ओ़ह पोहमोला तेर्सीन, ओहले ओ़ह पोहमोगी ओ़हदी ख्येर्ती राहङगी आमाला तेर्सीन।
29दि थे़दी यूहन्नागी स्याहप्च्यीया़ ओहङदी खोगी फुङबु ख्येर्ती फुक्पाला तो़हसीन।
येशूगी मिह तोङरा ङाला साहज्ये नाङग्यो
(मत्ती १४:१३-२१; लूक ९:१०-१७; यूह ६:१-१४)
30ओहले ल़ेह-पेनया़ येशूसाला जोम ओहङसीन, ओहले राहङगी पेहक्योगी ल़ेह दाङ लोप्क्योगी लोप्च्युङया़गी तेहन्दाला थाम्ज्यीराङ येशूला स्य़ेसीन। 31ओहले येशूगी खुङया़ला सुङ नाङसीन, “ओहराङ ग्या़ यिङबुच्यीला काहल्दी याहम्बीज्यी थाङ सोज्ये।” च्यिबेमाना ओ़हला मिह माहङबुराङ ओहङगे-डोएँ पेहको येहकें ओ़ह सोङबे खुङ फे़बेया़ला साहज्ये छ्ये-लुङ च्यिॱआङ माहयोहङ। 32ओ़ह सोङबे खुङ फ़ेबेॱया टुह-छ्युङला जा़दी ग्या़ यिङबुच्यीला फेप नाङसीन।
33यिहॱनाङ मिहया़गी खुङ फे़बेया़ला फेप्केनॱराङ जेक्यो थोङसीन ओहले मिह माहङबुगीराङ खुङ फ़ेबेॱया फेप नाङज्ये जेक्योगी ग्या़ क्यी़ह ज्योर्सीन। ओहले मिहया़ क्याहसाया़ले छ्योङदी ओहङदी खुङ फ़ेबेॱया म़ेदीॱआङ तोहङलेराङ ओ़ह ग्या़ला लेप्सीन। 34ओहले येशू टुह-छ्युङले फाप नाङगेमु मिह मिह-माहङया़गी राहङला कू़हदी तेहक्यो ज़ी़दी येशूगी थु निङज्यीगी काहङदी ओहङसीन च्यिबेमाना खुङया़ ताहक्पु म़ेहबागी ल़ूहया़ ल़ेहमु येहकें। ओहले येशूगी खुङया़ला माहङबुराङ तामया़गी तेहन्दाला सुङ ख्येप्टा नाङज्ये छ़ूसीन।#गन्ती २७:१७; १ राज २२:१७; २ लुहक १८:१६; इज ३४:५; मत्ती ९:३६
35नाहम सोज्ये पेहक्यो थोङदी स्याहप्च्यीया़गी येशूला मासीन, “ता़हनी नाहम सोज्ये पेहसीन ओहले देलानी च्यिॱआङ माहन्ज्योर दु। 36दि मिहया़ला कोहङबा नाङदोङ। खुङया़ साहर-सुहरगी युहलया़ दाङ कोहरेया़ला काहल्दी च्यिरा ङ्ये़हदी साहज्यु” म़ेदी स्युहसीन। 37ओहले येशूगी, “ख्यागीराङ खुङया़ला साहज्ये तेर्तोङ” म़ेदी सुङ नाङसीन। ओहले स्याहप्च्यीया़गी, “च्यि ङ्यिह काहल्दी ङुल-टाङ#६:३७ ङुल-टाङ : ङुल-टाङ च्यी़दी ओ़ह ती़हजीला मेहन्दा च्यी़गी ङ्यिहमा काहङ ल़ेह पेहक्यो ल़ेहगी ले़गा यिहम्बा। ङ्यिहक्यागी खुरा ङ्ये़हदी खुङला साहज्ये तेर्च्ये ले?” 38येशूगी खुङया़ला, “ख्या ङ्याम्बु खुरा काहजे येहबा? त़ेदोङ ले!” म़ेदी सुङ नाङसीन। ओहले खुङया़गी त़ेदी येशूला, “खुरा ङा दाङ ङ्याह ङ्यिज्यीराङ दुबा!” म़ेदी स्युहसीन।
39ओ़ह तिङले येशूगी मिहया़ला पाङगाला टाहल डी़दी तेह म़ेदी सुङ नाङसीन। 40ओहले मिहया़ पाङगाला क्याह-क्याह दाङ ङाप्च्यु-ङाप्च्यु पेहती टाहल डी़दी तेहसीन। 41ओहले येशूगी खुरा ङा दाङ ङ्याह ङ्यी़ नोम्दी स्यिहङगाम ङो़ले ज़ी़दी किन्ज्योला थुज्यी-छ्ये़ फुल नाङसीन ओहले खुरा राल्दी स्याहप्च्यीया़ला के़हदी तेर्तोङ म़ेदी सुङ नाङसीन। ओ़ह ल़ेहमुराङ जेती येशूगी ओ़ह ङ्याह ङ्यी़ॱआङ के़हदी नाङसीन। 42ओहले मिह थाम्ज्यीगीराङ साह ख़ूएँ थु साहसीन। 43स्याहप्च्यीया़गी ल्हा़स्युलया़ तुहएँमु डा़लो च्यिङ्यी़ काहल्सीन। 44ओ़हला साहएँ क्येप-ख्योवा मिहया़ज्यीॱराङ तोङरा ङाजे येहकें।
येशू छ्यु खा-खादा फेप नाङग्यो
(मत्ती १४:२२-३६; यूह ६:१५-२१)
45ओहले येशूगी लाहम्साङराङ स्याहप्च्यीया़ला टुह-छ्युङला जा़दी छोगी फार्केन देपकी बेथसेदा माएँ युहलला ताङ चाहङ नाङसीन। येशू राहङदी मिहया़ला कोहङबा नाङज्येला ओ़हलाराङ ज़्य़ू नाङसीन। 46खुङया़ला कोहङबा नाङ फान्ज्यो येशू सोल्वाङ ताप्च्येला काहङदो च्यी़ला फेप नाङसीन। 47नाहम सोसीन। टुह-छ्युङ छो-क्याहम्जोला ज्यिबुराङ था़-रिहङबु लेप सिहन्दी येहकें। ओहजेला येशू राहङ च्यी़राङ छोगी सुहरला ज़्य़ू नाङदी येहकें। 48ओहले ल्हा़बा लुङजी टुह-छ्युङगी दिन ङो़ले ओहङग्यो सोङगोराङ राहङगी स्याहप्च्यीया़ला टुह-छ्युङगी क्यावा युज्येला का़हबु काहल्ग्यो येशूगी ज़ी़ नाङसीन। नाहम-थोरोङ काहल फान्ज्यो येशू स्याहपगी छ्यु खा-खादा फेप्ती स्याहप्च्यीया़ येहकें ग्या़ला फेप्सीन। ओहले येशू टुह-छ्युङ येहकें ग्या़ म़ेदीॱआङ फारटाङ फेप नाङज्ये जेसीन।
49येशूला छ्यु खा-खादा फेप नाङग्यो थोङदी स्याहप्च्यीया़गी “ल्हेन्डी ओहङसीन!” म़ेदी क़े तेन्ज्ये छ़ूसीन। 50खुङ थाम्ज्यीराङ येशूला थोङदी ज्यी़सीन। ओहजेला येशूगी सुङ नाङसीन, “मा़हन्ज्यी, ङाहराङ यिहन, सेम ज़ुङदोङ!” 51ओ़ह तिङले येशू टुह-छ्युङला जा़ नाङसीन ओहले ल्हा़बा लुङजीॱआङ छ्येबे तेहसीन। दि थोङदी स्याहप्च्यीया़ ज्यिबुराङ ह्अ ल़ेहसीन। 52येशूगी मिह तोङरा ङाला साहज्ये नाङग्यो थोङदीॱआङ खुङया़गी येशू सु यिहम्बा माएँ ङोह स्य़े मा़हखुबा येहकें च्यिबेमाना खुङया़गी सेम ज्यिबुराङ सान्दी काहल सिहन्ग्यो येहकें।
53येशू स्याहप्च्यीया़ ङ्याम्बुराङ छो च्येती फार्केन देपकी गनेसरेत माएँ ग्या़ला लेप फान्ज्यो टुह-छ्युङ छो सुहरला ख्योङसीन। 54टुह-छ्युङले फाप सिहन फान्ज्यो मिहया़गी येशूॱराङ यिहम्बा दु म़ेदी येशूला ङोह स्य़ेसीन। 55ओ़ह सोङबे खुङया़ छ्यो़ ज़्यिलाराङ छ्योङदी काहल्दी येशू फेप नाङग्योगी लेहङगु काहने थेतेराङ स्येसीन। ओहले मिहया़गी नेहपाया़ खुर्ती येशूसाला ख्योङज्ये छ़ूसीन। 56युहल, क्याहसा, दाङ का़ह-का़हला येशू फेप नाङगेन, मिहया़गी नेहपाया़ला छोङ-ठोमला खुर्ती ख्योङगो येहकें। खुङया़गी “ओ़ह नेहपाया़ला राहङगी नाहम्सा च्यि यिहॱनाङ दे़ च्य़ू नाङदोङ,” म़ेदी येशूला स्युहउ येहकें ओहले येशूगी नाहम्सा दे़गेया़ थाम्ज्यीराङ टा़हउ येहकें।
Okuqokiwe okwamanje:
:
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
© 2023 (Active), Wycliffe Bible Translators, Inc. All rights reserved.