Madeo 5
5
Anania na Safira
1Ela koluo na mundu mumoju aitogho Anania ngila mojori na mkwake Safira. Nawo weuzile mbuwa yawe. 2Ela mkwake kemanya kavisa mbali ifungu imoju lya pesa apatile, nao kawaletela watumo zilya zimoju. 3Petro kamuza, “Anania, kudani wangilo ni Shetani ngoloni kwako na kukudea umukalile Roho wa Kuela kwa kuvisa ifungu lya pesa upatile kwa kuuza mbuwa? 4Ado hambiri soiuzile siyeluo yako, na hata ughenda uitagha, pesa sizeluo zako. Kudani ndamu uririkanye ngoloni kwako ilagho selyi? Sumukalilile mundungi, wamukalila Mlungu.” 5Naye Anania aghenda kusikila malagho agha kagwa msangeni, kafwa. Na wose waghenda wasikila uvoro ughu wakangilo ni wogha. 6Watawana wekeja wakafunga muli ghwake na sanda, wakamfunya shighati, wakamzika.
7Nao saa ndatu zidua mkwake keja, naye semanyile ghalye ghadeika. 8Petro kamuza, “Nighorere, Ado izi nizo zenyi pesa mupatile kwa kutagha mbuwa?” Naye kamutumbulila, “Ee, nizo zenyi.” 9Nao Petro kamuza, “Kudani mwapatana kumtima Roho wa Bwana? Lola wandu wamuzika mlume wako weo mjango indakwenyi, nawo wejekutuka shighati hung'u kwenyi.” 10Nao iyo shwa ng'ori kagwa maghuluni kwake, kafwa. Nao watawana weja wakamdoka wafwa, kwa hung'o wakamtuka, wakamfunya shighati, wakamzika kavui na mlume wake. 11Nao ikanisa lyose lyikangilo ni wogha mubwaa ngila mojori na wose wasikile uvoro ughu.
Mwakilimbita na mashiniko
12Nao watumo wakadea wana mwakilimbita na mashiniko mengi ghati ya wandu. Nawo wose wedumuse weluo wekekoghana ngila mojori kele Baraza ya Solomoni. 13Mundungi mzima seluo kesubutu kuwatana nawo, ela wandu weluo wekewakuma. 14Hata hung'o sani, wandu wakajuzilika walume kwa wake awa weluo wekemudumusa Bwana, 15Kwa hung'u wandu wakongo wakatuko na kuleto barabara wakatunguzo kele malili na mikeka eri ngelo Petro eitagha wagwilo ni kirenderende chake. 16Nao wandu wengi wekeja kufuma mizi yeluo mbali mbali ya Jerusalemu, wakaleta wakongo wawe na walye weluo na pepo, nawo wose wakaboeso.
Watumo kutiriro
17Nao mkohani mubwaa na wambawe wa chama cha Wasadukayo wakawaonela iziso watumo, hata wakashaya kuwatirira. 18Wakawawata watumo na kuwangiza kifungoni. 19Ela kiro chilya chenyi malaika wa Bwana karughura mjango ghwa kifungoni, kawafunya watumo shighati, kawauza, 20“Ghendeni mkale kimusi Hekaluni na muwaghorere wandu wose ighulu ya Umana ughu mwishi.” 21Nao waghenda wasikila agha wakaghenda Hekaluni na ikesho kiro, wakadyowa kufundisa.
Nao mkohani mubwaa na wambawe wafika, wakapang'a mlandu ghwa Baraza yose ya waghosi wa Wayahudi, wakatuma wandu waghende kifungoni wawalete watumo hambiri yawe. 22Ela askari wafika siwawadokile watumo kifungoni, kwa hung'o, wakauya Barazeni wakaghora. 23“Tighenda tifika kifungoni tanadokile mijango ifungilo kifuli na warindiri wose wekelinda mijango; ela tighenda tirughura sitidokile mundungi alye mweni.” 24Nao mubwaa wa warindiri wa Hekalu na wakohani wabwaa waghenda wasikila agha, wakashinika, wakalemo ni kumanya ilyi lyiwapatile watumo. 25Nao mundu mumoju keja kawauza, “Sikizileni, Walye wandu muwangizile kifungoni weo Hekaluni, wendefundisa wandu.” 26Kwa hung'u mubwaa wa warindiri wa Hekalu kaghenda na wandu wake kawaleta watumo; ela siwawaletile kwa ndighi kungi kwa kukala weluo wekeogha kulaso na mawe ni wandu.
27Nao waghenda wawaleta watumo, wakawamangisa kimusi hambiri ya Baraza. Na mkohani mubwaa kawakotela, 28“Tanamwimile kamare simwafundise kwa izina lya uyu mundu, ela loleni selyi mwadea! Mwaeresa mafundiso ghenyu Jerusalemu yose na mwashaya kutidea kamba nisi timulaghe!”
29Ela Petro na walye watumo wazima wakatumbulila, “Ni suti timusikile Mlungu kuchumba wadamu. 30Mlungu wana ake wanamuzusile Jesu kufuma kwa wafwa nyuma ya inyo kumwamba msalabeni. 31Uyu niye Mlungu amunulile na kumwika kele mkonu ghwake ghwa kijo, eri akale kilongozi na Mkizi na awahawe wandu wa Israeli ulalo ghoriha na kusigho kaung'a zawe. 32Nesi nisi washahidi wa ghore izi na Roho wa Kuela, uyu efunyogho ni Mlungu kwawe wose wamusikile, naese washuhudia ghore izi.”
33Nawo waghenda kusikila hung'u, wakashaya kuwaulagha. 34Ela Mfarisayo mumoju aitogho Gamalieli mwalimu wa Sheria eluo kehawo ishima ni wandu wose kakala kimusi kele Baraza, kaghora watumo wafunyo shighati. 35Nao kawauza waghosi wa Baraza “Walume wa Israeli kulindeni na agha mushaile kuwadea awa wandu. 36Majua machache ghaita oukile Theuda, kakudea mundu mubwaa, naye kairimo ni wandu maghana mane. Ela kaulagho, na walye wose wemwirime wakasaghasagha na kudua. 37Nyuma ya agha keja Juda wa Galilaya ngelo wandu weluo weketalo, naese karuta wandu wengi, ela naese kaulagho na walye wose wamwirime wakasaghasagha. 38Ndamu kwa agha ndeghora hung'u, simwawadee ilagho lyingi awa wandu; Wasigheni, kwa kukala ngera agha ghawe ango kazi yawe ni ya kidamu, iduwa. 39Ela ngera yafuma kwa Mlungu simudimagha kuwasima kungi. Hata mwadima kuonekana mwondelwana na Mlungu!”
Nawo wakawata gha Gamalieli. 40Nao wakawapang'a watumo wakawachapa na wakawakanya siwafundise sena kwa izina lya Jesu; nao wakawasighilila waghende. 41Nao watumo wakafuma kele Baraza wekeboelo, kwa kukala wetalilo wandu wafweni kufwisho waya kwa undu ghwa izina lya Jesu. 42Nawo kila ijua weluo wekefundisa na kuchila Ilagho Lyaloli lya Jesu Masihi kele Hekalu na nyumba za wandu
Okuqokiwe okwamanje:
Madeo 5: SAGALLANT
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
(C) The Bible Society of Kenya, 1993
Madeo 5
5
Anania na Safira
1Ela koluo na mundu mumoju aitogho Anania ngila mojori na mkwake Safira. Nawo weuzile mbuwa yawe. 2Ela mkwake kemanya kavisa mbali ifungu imoju lya pesa apatile, nao kawaletela watumo zilya zimoju. 3Petro kamuza, “Anania, kudani wangilo ni Shetani ngoloni kwako na kukudea umukalile Roho wa Kuela kwa kuvisa ifungu lya pesa upatile kwa kuuza mbuwa? 4Ado hambiri soiuzile siyeluo yako, na hata ughenda uitagha, pesa sizeluo zako. Kudani ndamu uririkanye ngoloni kwako ilagho selyi? Sumukalilile mundungi, wamukalila Mlungu.” 5Naye Anania aghenda kusikila malagho agha kagwa msangeni, kafwa. Na wose waghenda wasikila uvoro ughu wakangilo ni wogha. 6Watawana wekeja wakafunga muli ghwake na sanda, wakamfunya shighati, wakamzika.
7Nao saa ndatu zidua mkwake keja, naye semanyile ghalye ghadeika. 8Petro kamuza, “Nighorere, Ado izi nizo zenyi pesa mupatile kwa kutagha mbuwa?” Naye kamutumbulila, “Ee, nizo zenyi.” 9Nao Petro kamuza, “Kudani mwapatana kumtima Roho wa Bwana? Lola wandu wamuzika mlume wako weo mjango indakwenyi, nawo wejekutuka shighati hung'u kwenyi.” 10Nao iyo shwa ng'ori kagwa maghuluni kwake, kafwa. Nao watawana weja wakamdoka wafwa, kwa hung'o wakamtuka, wakamfunya shighati, wakamzika kavui na mlume wake. 11Nao ikanisa lyose lyikangilo ni wogha mubwaa ngila mojori na wose wasikile uvoro ughu.
Mwakilimbita na mashiniko
12Nao watumo wakadea wana mwakilimbita na mashiniko mengi ghati ya wandu. Nawo wose wedumuse weluo wekekoghana ngila mojori kele Baraza ya Solomoni. 13Mundungi mzima seluo kesubutu kuwatana nawo, ela wandu weluo wekewakuma. 14Hata hung'o sani, wandu wakajuzilika walume kwa wake awa weluo wekemudumusa Bwana, 15Kwa hung'u wandu wakongo wakatuko na kuleto barabara wakatunguzo kele malili na mikeka eri ngelo Petro eitagha wagwilo ni kirenderende chake. 16Nao wandu wengi wekeja kufuma mizi yeluo mbali mbali ya Jerusalemu, wakaleta wakongo wawe na walye weluo na pepo, nawo wose wakaboeso.
Watumo kutiriro
17Nao mkohani mubwaa na wambawe wa chama cha Wasadukayo wakawaonela iziso watumo, hata wakashaya kuwatirira. 18Wakawawata watumo na kuwangiza kifungoni. 19Ela kiro chilya chenyi malaika wa Bwana karughura mjango ghwa kifungoni, kawafunya watumo shighati, kawauza, 20“Ghendeni mkale kimusi Hekaluni na muwaghorere wandu wose ighulu ya Umana ughu mwishi.” 21Nao waghenda wasikila agha wakaghenda Hekaluni na ikesho kiro, wakadyowa kufundisa.
Nao mkohani mubwaa na wambawe wafika, wakapang'a mlandu ghwa Baraza yose ya waghosi wa Wayahudi, wakatuma wandu waghende kifungoni wawalete watumo hambiri yawe. 22Ela askari wafika siwawadokile watumo kifungoni, kwa hung'o, wakauya Barazeni wakaghora. 23“Tighenda tifika kifungoni tanadokile mijango ifungilo kifuli na warindiri wose wekelinda mijango; ela tighenda tirughura sitidokile mundungi alye mweni.” 24Nao mubwaa wa warindiri wa Hekalu na wakohani wabwaa waghenda wasikila agha, wakashinika, wakalemo ni kumanya ilyi lyiwapatile watumo. 25Nao mundu mumoju keja kawauza, “Sikizileni, Walye wandu muwangizile kifungoni weo Hekaluni, wendefundisa wandu.” 26Kwa hung'u mubwaa wa warindiri wa Hekalu kaghenda na wandu wake kawaleta watumo; ela siwawaletile kwa ndighi kungi kwa kukala weluo wekeogha kulaso na mawe ni wandu.
27Nao waghenda wawaleta watumo, wakawamangisa kimusi hambiri ya Baraza. Na mkohani mubwaa kawakotela, 28“Tanamwimile kamare simwafundise kwa izina lya uyu mundu, ela loleni selyi mwadea! Mwaeresa mafundiso ghenyu Jerusalemu yose na mwashaya kutidea kamba nisi timulaghe!”
29Ela Petro na walye watumo wazima wakatumbulila, “Ni suti timusikile Mlungu kuchumba wadamu. 30Mlungu wana ake wanamuzusile Jesu kufuma kwa wafwa nyuma ya inyo kumwamba msalabeni. 31Uyu niye Mlungu amunulile na kumwika kele mkonu ghwake ghwa kijo, eri akale kilongozi na Mkizi na awahawe wandu wa Israeli ulalo ghoriha na kusigho kaung'a zawe. 32Nesi nisi washahidi wa ghore izi na Roho wa Kuela, uyu efunyogho ni Mlungu kwawe wose wamusikile, naese washuhudia ghore izi.”
33Nawo waghenda kusikila hung'u, wakashaya kuwaulagha. 34Ela Mfarisayo mumoju aitogho Gamalieli mwalimu wa Sheria eluo kehawo ishima ni wandu wose kakala kimusi kele Baraza, kaghora watumo wafunyo shighati. 35Nao kawauza waghosi wa Baraza “Walume wa Israeli kulindeni na agha mushaile kuwadea awa wandu. 36Majua machache ghaita oukile Theuda, kakudea mundu mubwaa, naye kairimo ni wandu maghana mane. Ela kaulagho, na walye wose wemwirime wakasaghasagha na kudua. 37Nyuma ya agha keja Juda wa Galilaya ngelo wandu weluo weketalo, naese karuta wandu wengi, ela naese kaulagho na walye wose wamwirime wakasaghasagha. 38Ndamu kwa agha ndeghora hung'u, simwawadee ilagho lyingi awa wandu; Wasigheni, kwa kukala ngera agha ghawe ango kazi yawe ni ya kidamu, iduwa. 39Ela ngera yafuma kwa Mlungu simudimagha kuwasima kungi. Hata mwadima kuonekana mwondelwana na Mlungu!”
Nawo wakawata gha Gamalieli. 40Nao wakawapang'a watumo wakawachapa na wakawakanya siwafundise sena kwa izina lya Jesu; nao wakawasighilila waghende. 41Nao watumo wakafuma kele Baraza wekeboelo, kwa kukala wetalilo wandu wafweni kufwisho waya kwa undu ghwa izina lya Jesu. 42Nawo kila ijua weluo wekefundisa na kuchila Ilagho Lyaloli lya Jesu Masihi kele Hekalu na nyumba za wandu
Okuqokiwe okwamanje:
:
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
(C) The Bible Society of Kenya, 1993