Евангелле паводле Яна Раздзел 14
Раздзел 14
1 #
Мк. 5:36
Хай не трывожыцца сэрца ваша. Верце ў Бога і ў Мяне верце.
2 #
Мц. 25:34; 2Кар. 5:1; Геб. 11:16 У доме Айца Майго жытла многа; а калі б не, сказаў бы Я вам, што іду прыгатаваць вам месца.
3 #
Дзеі 1:9; 1Тэс. 4:17 І калі адыду ды прыгатую вам месца, зноў прыйду і прыму вас да Сябе, каб і вы былі там, дзе Я.
4І куды Я іду, вы ведаеце, і дарогу ведаеце».
5 #
Мц. 10:3
Сказаў Яму Тамаш: «Госпадзе, не ведаем, куды ідзеш; а як жа можам ведаць дарогу?»
6 #
Дзеі 4:12; Геб. 7:25 Кажа яму Ісус: «Я – дарога, і праўда, і жыццё. Ніхто не прыходзіць да Айца, як толькі праз Мяне.
7Калі б вы Мяне пазналі, то і Айца Майго таксама б ведалі; і адгэтуль вы ведаеце Яго і бачыце Яго».
8Кажа Яму Піліп: «Госпадзе, пакажы нам Айца, і хопіць нам».
9 #
2Кар. 4:6; Клс. 1:15 Кажа яму Ісус: «Ужо так доўга Я з вамі, і вы не пазналі Мяне, Піліп? Хто бачыць Мяне, бачыць і Айца. Як жа ты кажаш: “Пакажы нам Айца”?
10Не верыш, што Я – у Айцу, а Айцец – ува Мне? Словы, якія Я вам кажу, не ад Сябе Самога кажу; Айцец, Які заўсёды ўва Мне, робіць справы Свае.
11Верце Мне, што Я – у Айцу, а Айцец – ува Мне, а як не, дык дзеля саміх учынкаў верце Мне.
12 #
Мц. 17:20; Мк. 11:23; Лк. 10:17; Эф. 4:8 Сапраўды, сапраўды, кажу вам: хто верыць у Мяне, той будзе рабіць справы, якія Я раблю, а нават большыя за тыя ўчыніць, бо Я іду да Айца Майго.
13 #
Мц. 7:7; Мк. 11:24; Як. 1:5; 1Ян. 3:22 І пра што толькі прасіць будзеце ў імя Маё, зраблю гэта, каб Айцец быў праслаўлены ў Сыне;
14калі Мяне аб чым прасіць будзеце ў імя Маё, Я зраблю.
15 #
1Ян. 5:3
Калі Мяне любіце, захоўвайце прыказанні Мае;
16 #
Лк. 11:13; Дзеі 2:4 і Я буду прасіць Айца, і іншага Суцяшальніка дасць вам, каб заставаўся з вамі навек,
17 #
1Ян. 3:24; 1Кар. 2:14; 2Кар. 6:16 Духа праўды, Якога свет не можа прыняць, бо Яго не бачыць і не ведае Яго. Вы Яго ведаеце, бо сярод вас Ён застаецца ды ў вас будзе.
18 #
Мц. 28:20
Не пакіну вас сіротамі, прыйду да вас.
19 #
1Тэс. 4:14; Геб. 7:25 Яшчэ трохі, і свет Мяне ўжо не ўбачыць; але вы Мяне ўбачыце, бо Я жыву і вы жыць будзеце.
20Вось, у той дзень пазнаеце, што Я – у Айцу Маім, і вы – ува Мне, і Я – у вас.
21 #
1Ян. 2:5
Хто мае прыказанні Мае і беражэ іх, – гэта той, хто Мяне любіць; а хто Мяне любіць, таго любіць будзе Айцец Мой, і Я яго любіць буду, і аб’яўлю яму Сябе Самога».
22 #
Лк. 6:16; Дзеі 1:13 Кажа Яму Юда, не Іскарыёт: «Госпадзе, што гэта сталася, што Ты маеш аб’явіцца нам, а не свету?»
23Адказаў Ісус і сказаў яму: «Калі хто Мяне любіць, будзе берагчы слова Маё, і Айцец Мой палюбіць яго, і Мы прыйдзем да яго і зробім жытло ў яго;
24хто Мяне не любіць, не беражэ слова Майго. А слова, якое чуеце, не Маё, але Таго, Хто паслаў Мяне, Айца.
25Гэта вам сказаў, між вамі знаходзячыся.
26 #
Лк. 24:49; 1Ян. 2:20 А Суцяшальнік, Дух Святы, Якога Айцец пашле ў імя Маё, Ён вас усяму навучыць ды прыпомніць вам усё, што Я вам казаў.
27 #
Лк. 1:79; Рым. 5:1; Плп. 4:7 Супакой пакідаю вам, супакой Мой даю вам; не як дае свет, Я вам даю. Няхай не трывожыцца сэрца ваша, і няхай не ведае страху.
28 #
Плп. 2:6
Чулі, што Я сказаў вам: адыходжу і прыходжу да вас. Калі б вы Мяне любілі, сапраўды цешыліся б, што Я сказаў: “Іду да Айца”, бо Айцец Мой большы за Мяне.
29І цяпер сказаў Я вам, перш чым сталася тое, каб, калі станецца, паверылі.
30 #
Лк. 22:53; 1Пёт. 2:22; 2Кар. 5:21; Геб. 4:15 Шмат ужо не буду вам гаварыць, бо ідзе князь гэтага свету; і ён не мае нічога ўва Мне,
31 #
Плп. 2:8; Геб. 10:7 але, каб свет пазнаў, што Я люблю Айца ды, як Айцец Мне даў загад, так раблю. Падыміцеся, пойдземце адсюль.
Okuqokiwe okwamanje:
Евангелле паводле Яна Раздзел 14: ББЧ
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
© МХРБ «Біблейскае таварыства ў Рэспубліцы Беларусь», 2017