मत्ति 14
14
चिभुअ्लि पिका युहन्ना नासाका
(मर्कुस ६:१४-२९; लुका ९:७-९)
1इङको पहर गालिल माउजाको राजा हेरोद इसुको नावाइ हिङहि। 2वा ताइको कामत्यागेलाइहेङ दोअ्हि, “वा चिभुअ्लि पिका युहन्ना एइ। वा सिकासो सिन्हुका हि। एन्साङ या सरबङसो भारभुसाइका इसिका कामगेलाइ पादोङखे।”
3लाम्फा ताइको ओने फिलिपको बेअ् हेरोदियासको खातिरसो हेरोद युहन्नाहेङ रिम्तेङ धेउतेङ थुनाता ताअ्का हिघाखे।#लुका ३:१९-२० 4हाइदोनु युहन्ना हेरोदहेङ एसा दोअ्का हिघाखे, “ना वासेहेङ बेअ् बान्हाइतेङ ताअ्लि मुनासिप माज्याङ।”#लेबि १८:१६; २०:२१ 5इदोङखातिर हेरोद युहन्नाहेङ सेअ्लि लाल्सा पाका हिघाखे। कालाउ बुङ राइतिसो वा थिघाखे, हाइदोनु एम्बालाइ वासेहेङ आगाधुइका द्याङ दोअ्तेङ मान पाघाखे।
6कालाउ बुङ जेलाउ हेरोदको जोलोमदिना लोहि, कालाउ हेरोदियासको चामिन्दि एम्बालाइको माझाता न्हातेङ हेरोदहेङ लेङचापाहि। 7एन्सा जेङलाउ वा इङकोहेङ हाइदोङ र्हेलाउ बुङ पिका केरा चाहि। 8कालाउ बुङ इङकोको आमाइ धिरपाका हिनाङसिङ वा दोअ्हि, “चिभुअ्लि पिका युहन्नाको पुरिङ कासेहेङ इदोङ थालिता ताअ्तेङ पि।” 9इदोइ हिङतेङ हेरोद मन तु:पाहि कालाउ बुङ बान्सालाइको आगाता केरा चानाङसिङ वा एन्साङ पालि हुकुम पिहि। 10वा थुनाता युहन्नाको पुरिङ पाल्लि हुकुम पिहि। 11कालाउ वाको पुरिङ थालिता चुमातेङ इङको बेजानहेङ पिलि लागाइहि। वा इङको ताइको आमाइकोता चुमाहि। 12इङकोन्हुअ्सो युहन्नाको चात्यागेलाइ लोतेङ वाको सिका जिउ चुमपुतेङ लिअ्हि। कालाउ एम्बालाइ हानितेङ इसुहेङ बानाल हिम्पाहि।
इसु ना हाजार द्याङगेलाइहेङ चापाका
(मर्कुस ६:३०-४४; लुका ९:१०-१७; युहन्ना ६:१-१४)
13जेलाउ इसु इदोइ हिङहि, वा नाउता धोल्तेङ इन्तासो एकलास थामेभारि एकालाङ हानेहि। इदोइ हिङतेङ द्याङगेलाइ पुरगेलाइसो ओल्हेतेङ वासेहेङ पिताइहि। 14इसु नाउसो खुअ्लाउ काम्बेता हेन्जाङ द्याङगेलाइ वासेहेङ र्हुम्तेङ हिका तिङहि। इदोइ तिङतेङ वा एम्बालाइहेङ दायातेङ इन्ता हिका मासाअ्धेकालाइहेङ एल्पाहि।
15बेल्हालितोम्कान्हुअ्सो चात्यागेलाइ इसुकोता लोतेङ एसा दोअ्हि, “इदोइ एकलास थामेहि, बेला बुङ दुबिहोइ। इदोइ द्याङगेलाइहेङ दिङगिल रो एबालाइ देरादेराता हानितेङ ताइको भाअ्सिङ चाकाआनेमाने चोलाको।” 16कालाउ बुङ इसु एम्बालाइहेङ दोअ्हि, “एम्बालाइ हानेलि मागोयाङ। नेलाइ दोङ एबालाइहेङ चालि पिसु।” 17चात्यागेलाइ वासेहेङ दोअ्हि, “इता केलाइदोफा ते ना लोङ तोले रो न्हे लोङ हाया खिनिङ हि।” 18कालाउ इसु दोअ्हि, “इङको काङकोता चुमासु।”
19इसु द्याङगेलाइहेङ चाउरता योम्लि लागाइहि। इङको ना लोङ तोले रो न्हे लोङ हाया र्हुतेङ सादेलभारि खाङतेङ परमेस्वरहेङ सहसाम्पा पिहि। कालाउ तोलेगेलाइ पेङतेङ चात्यागेलाइहेङ पिहि रो चात्यागेलाइ द्याङगेलाइहेङ बाखाराइपिहि। 20इङको झाराङ घाइपाङ चाहि रो दाइका टुकारागेलाइ जोम्पालाउ तेन्हे डालो पोङघाहि। 21इन्ता चाकालाइ बेबालाइ रो जामालाइबिना वाबालाइ खिनिङ ना हाजार हिघाखे।
इसु चिर्हुता हिगिल्का
(मर्कुस ६:४५-५६; युहन्ना ६:१५-२१)
22इदोइ काम पालिदोतेङसाङ इसु चात्यागेलाइहेङ “नाउता धोल्तेङ लाम्फा दोङ चावान्दि ओदोइपार हानेसु” दोअ्तेङ आर्हाइहि। वा ताइमिचाहिँ द्याङगेलाइहेङ बेदाङगि पिलि हिन्दिहि। 23द्याङगेलाइहेङ बिदा पालिदोकान्हुअ्सो वा एक्लाङ पुकार पालि र्हुता आरदाङता हानेहि। बेल्हालाउ वा एक्लाङ आरदाङता हिघाहि। 24कालाउ बुङ नाउ इङको पहरथिकापा काम्बेसो जाहिदिता हेन्जाङ दुरे थुकालिदोका हिघाहि। कालाउ आगासो भेर्मा लोनाङसिङ चिको लहरसो नाउ आगाइलिङ मादोहि। 25ए र्हिमाङ मोचलमाचललाउ इसु चिर्हुता तेतेङ चात्यागेलाइकोता लोहि। 26जेलाउ एम्बालाइ वासेहेङ जाहिदिर्हुता तेतेङहिका तिङहि, कालाउ थितेङ एम्बालाइ दोअ्हि, “या ते मासान कि नाउ!” दोअ्तेङ थितेङ र्हिकालि तेङहि। 27कालाउ बुङ इसु ओदोङघरि एम्बालाइहेङ एसा दोअ्हि, “आँट पासु, का दोङ हिघा, माथिसु।”
28पत्रुस वासेहेङ दोअ्हि, “ओइ प्रभु, नादोङ हिन्हा पानु कासेहेङ नाङकोता चिर्हुता लोलि हुकुम पि।” 29इसु दोअ्हि, “लोउ।” कालाउ पत्रुस नाउसो खुअ्तेङ वाकोता हानेलि चिर्हुता तेलि तेङहि। 30कालाउ बुङ बाराका भेर्मा लोका तिङतेङ वा थिहि रो दुबिलि तोम्लाउ र्हिकाइतेङ दोअ्हि, “ओइ प्रभु, कासेहेङ बान्चेपा।” 31इसु ओदोङघरि वासेहेङ चा:तेङ दोअ्हि, “खोइ कुनु नाङको खान्धुर, हाइपालि साङखा पान्हा?” 32जेलाउ ओबालाइ नाउता ताङहि, कालाउ भेर्मा बुङ गाङहि। 33नाउता हिकालाइ इसुहेङ तिर्हो थोतेङ बाखिन्हि रो दोअ्हि, “जातिङको ना परमेस्वरको चान हिन्हा।”
34ओदोइपार थुकाकान्हुअ्सो ओबालाइ गनेसरेतको माउजाता थुकालिलोहि। 35जेलाउ इङको थामेको द्याङगेलाइ इसुहेङ नाल्हि कालाउ एम्बालाइ कोरबितिङको माउजागेलाइता बानाल पिगिल्हि रो द्याङगेलाइ रोगाइकालाइ झाराङहेङ वाकोता चुमाहि। 36एम्बालाइ वाको धाबाको फेन्चा खिनिङ साइलि निनाको दोअ्तेङ बिम्ति पाहि। जाइजाइ साइहि एम्बालाइ झाराङ एल्हि।
Okuqokiwe okwamanje:
मत्ति 14: DHIM
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
© 2024 (Active), Wycliffe Bible Translators, Inc. All rights reserved.
मत्ति 14
14
चिभुअ्लि पिका युहन्ना नासाका
(मर्कुस ६:१४-२९; लुका ९:७-९)
1इङको पहर गालिल माउजाको राजा हेरोद इसुको नावाइ हिङहि। 2वा ताइको कामत्यागेलाइहेङ दोअ्हि, “वा चिभुअ्लि पिका युहन्ना एइ। वा सिकासो सिन्हुका हि। एन्साङ या सरबङसो भारभुसाइका इसिका कामगेलाइ पादोङखे।”
3लाम्फा ताइको ओने फिलिपको बेअ् हेरोदियासको खातिरसो हेरोद युहन्नाहेङ रिम्तेङ धेउतेङ थुनाता ताअ्का हिघाखे।#लुका ३:१९-२० 4हाइदोनु युहन्ना हेरोदहेङ एसा दोअ्का हिघाखे, “ना वासेहेङ बेअ् बान्हाइतेङ ताअ्लि मुनासिप माज्याङ।”#लेबि १८:१६; २०:२१ 5इदोङखातिर हेरोद युहन्नाहेङ सेअ्लि लाल्सा पाका हिघाखे। कालाउ बुङ राइतिसो वा थिघाखे, हाइदोनु एम्बालाइ वासेहेङ आगाधुइका द्याङ दोअ्तेङ मान पाघाखे।
6कालाउ बुङ जेलाउ हेरोदको जोलोमदिना लोहि, कालाउ हेरोदियासको चामिन्दि एम्बालाइको माझाता न्हातेङ हेरोदहेङ लेङचापाहि। 7एन्सा जेङलाउ वा इङकोहेङ हाइदोङ र्हेलाउ बुङ पिका केरा चाहि। 8कालाउ बुङ इङकोको आमाइ धिरपाका हिनाङसिङ वा दोअ्हि, “चिभुअ्लि पिका युहन्नाको पुरिङ कासेहेङ इदोङ थालिता ताअ्तेङ पि।” 9इदोइ हिङतेङ हेरोद मन तु:पाहि कालाउ बुङ बान्सालाइको आगाता केरा चानाङसिङ वा एन्साङ पालि हुकुम पिहि। 10वा थुनाता युहन्नाको पुरिङ पाल्लि हुकुम पिहि। 11कालाउ वाको पुरिङ थालिता चुमातेङ इङको बेजानहेङ पिलि लागाइहि। वा इङको ताइको आमाइकोता चुमाहि। 12इङकोन्हुअ्सो युहन्नाको चात्यागेलाइ लोतेङ वाको सिका जिउ चुमपुतेङ लिअ्हि। कालाउ एम्बालाइ हानितेङ इसुहेङ बानाल हिम्पाहि।
इसु ना हाजार द्याङगेलाइहेङ चापाका
(मर्कुस ६:३०-४४; लुका ९:१०-१७; युहन्ना ६:१-१४)
13जेलाउ इसु इदोइ हिङहि, वा नाउता धोल्तेङ इन्तासो एकलास थामेभारि एकालाङ हानेहि। इदोइ हिङतेङ द्याङगेलाइ पुरगेलाइसो ओल्हेतेङ वासेहेङ पिताइहि। 14इसु नाउसो खुअ्लाउ काम्बेता हेन्जाङ द्याङगेलाइ वासेहेङ र्हुम्तेङ हिका तिङहि। इदोइ तिङतेङ वा एम्बालाइहेङ दायातेङ इन्ता हिका मासाअ्धेकालाइहेङ एल्पाहि।
15बेल्हालितोम्कान्हुअ्सो चात्यागेलाइ इसुकोता लोतेङ एसा दोअ्हि, “इदोइ एकलास थामेहि, बेला बुङ दुबिहोइ। इदोइ द्याङगेलाइहेङ दिङगिल रो एबालाइ देरादेराता हानितेङ ताइको भाअ्सिङ चाकाआनेमाने चोलाको।” 16कालाउ बुङ इसु एम्बालाइहेङ दोअ्हि, “एम्बालाइ हानेलि मागोयाङ। नेलाइ दोङ एबालाइहेङ चालि पिसु।” 17चात्यागेलाइ वासेहेङ दोअ्हि, “इता केलाइदोफा ते ना लोङ तोले रो न्हे लोङ हाया खिनिङ हि।” 18कालाउ इसु दोअ्हि, “इङको काङकोता चुमासु।”
19इसु द्याङगेलाइहेङ चाउरता योम्लि लागाइहि। इङको ना लोङ तोले रो न्हे लोङ हाया र्हुतेङ सादेलभारि खाङतेङ परमेस्वरहेङ सहसाम्पा पिहि। कालाउ तोलेगेलाइ पेङतेङ चात्यागेलाइहेङ पिहि रो चात्यागेलाइ द्याङगेलाइहेङ बाखाराइपिहि। 20इङको झाराङ घाइपाङ चाहि रो दाइका टुकारागेलाइ जोम्पालाउ तेन्हे डालो पोङघाहि। 21इन्ता चाकालाइ बेबालाइ रो जामालाइबिना वाबालाइ खिनिङ ना हाजार हिघाखे।
इसु चिर्हुता हिगिल्का
(मर्कुस ६:४५-५६; युहन्ना ६:१५-२१)
22इदोइ काम पालिदोतेङसाङ इसु चात्यागेलाइहेङ “नाउता धोल्तेङ लाम्फा दोङ चावान्दि ओदोइपार हानेसु” दोअ्तेङ आर्हाइहि। वा ताइमिचाहिँ द्याङगेलाइहेङ बेदाङगि पिलि हिन्दिहि। 23द्याङगेलाइहेङ बिदा पालिदोकान्हुअ्सो वा एक्लाङ पुकार पालि र्हुता आरदाङता हानेहि। बेल्हालाउ वा एक्लाङ आरदाङता हिघाहि। 24कालाउ बुङ नाउ इङको पहरथिकापा काम्बेसो जाहिदिता हेन्जाङ दुरे थुकालिदोका हिघाहि। कालाउ आगासो भेर्मा लोनाङसिङ चिको लहरसो नाउ आगाइलिङ मादोहि। 25ए र्हिमाङ मोचलमाचललाउ इसु चिर्हुता तेतेङ चात्यागेलाइकोता लोहि। 26जेलाउ एम्बालाइ वासेहेङ जाहिदिर्हुता तेतेङहिका तिङहि, कालाउ थितेङ एम्बालाइ दोअ्हि, “या ते मासान कि नाउ!” दोअ्तेङ थितेङ र्हिकालि तेङहि। 27कालाउ बुङ इसु ओदोङघरि एम्बालाइहेङ एसा दोअ्हि, “आँट पासु, का दोङ हिघा, माथिसु।”
28पत्रुस वासेहेङ दोअ्हि, “ओइ प्रभु, नादोङ हिन्हा पानु कासेहेङ नाङकोता चिर्हुता लोलि हुकुम पि।” 29इसु दोअ्हि, “लोउ।” कालाउ पत्रुस नाउसो खुअ्तेङ वाकोता हानेलि चिर्हुता तेलि तेङहि। 30कालाउ बुङ बाराका भेर्मा लोका तिङतेङ वा थिहि रो दुबिलि तोम्लाउ र्हिकाइतेङ दोअ्हि, “ओइ प्रभु, कासेहेङ बान्चेपा।” 31इसु ओदोङघरि वासेहेङ चा:तेङ दोअ्हि, “खोइ कुनु नाङको खान्धुर, हाइपालि साङखा पान्हा?” 32जेलाउ ओबालाइ नाउता ताङहि, कालाउ भेर्मा बुङ गाङहि। 33नाउता हिकालाइ इसुहेङ तिर्हो थोतेङ बाखिन्हि रो दोअ्हि, “जातिङको ना परमेस्वरको चान हिन्हा।”
34ओदोइपार थुकाकान्हुअ्सो ओबालाइ गनेसरेतको माउजाता थुकालिलोहि। 35जेलाउ इङको थामेको द्याङगेलाइ इसुहेङ नाल्हि कालाउ एम्बालाइ कोरबितिङको माउजागेलाइता बानाल पिगिल्हि रो द्याङगेलाइ रोगाइकालाइ झाराङहेङ वाकोता चुमाहि। 36एम्बालाइ वाको धाबाको फेन्चा खिनिङ साइलि निनाको दोअ्तेङ बिम्ति पाहि। जाइजाइ साइहि एम्बालाइ झाराङ एल्हि।
Okuqokiwe okwamanje:
:
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
© 2024 (Active), Wycliffe Bible Translators, Inc. All rights reserved.