Mak 3
3
Fo Yensa ajébunne údiigeeno mu silaho aniirone
1Afúrumi na, n’agune bísibaŋo bi guyohálaŋo Yensa aŋoolin ba a jaameŋo. Ayikyik na dam údiigeen mu silakánam aniiro. 2Kanda índukoŋo m'anrahne na ansíiba bunenunku Yensa. Angu ankorosom hóbun k'anfég karo ajébunkuneh údiigeeno úmár a bísibaŋo bi guyohálaŋo. 3Yensa ayéj údiigeeno mu silakánam aniirone:
- Dókulo nanka ki jamaŋo nip ampiren anfégo!
4Bayéjem nim údiigeeno akeng ki Yensa amiihul jamaŋo ayéj:
- Luwahu Díino, neeraŋ gamiihulne? Gukanku hójooni a bísibaŋo bi guyohálaŋo, karo gukanku hójondoŋo? Gupahunku duniyahu wúur, karo gubuj?
Balóbi nim, jamaŋo ankota si. 5Yensa aningeeniŋ ingi banuyonku jifa. Kanda afak aléerumem maro jamaŋo yikireŋeŋne bankabaŋ. Angu ayéj údiigeeno:
- Tukir silakan!
Akaan maŋ nim. Batukuli aŋoolin ajéb kaŋ iniman n'aguyerne.
6 Ñanfarasiyaŋo banfégi hómár ankeng anfúr a jaameŋo maŋ fam. Banfúri andék anrah ingi ñantífhu umaasaŋo m'aretuhne Herod, ki k’ampiren anjanfaham k’ambujom.
Da jamaŋo jup andékne imbi Yensa
7Yensa ingi ñantaalibehinem anfúr a jaameŋo k’andék bi jakaamo. Jamaŋo jup anfúrum a resiyoŋo ámár n’ayéjuhne Galile ba butifilinku Yensa k'anjantendikem. 8Ayikyik faka m'anfúrumor a didiirahu Júde ingi m'anfúrumorJerusalem ingi Idumiya ingi Tira ingi Sidon ingi didiiraŋo d'agune a gúbido goŋon gu jakanku Joodan. Immereŋ nip andékirne imbi Yensa anrumun tip maro anyennehinyennehin h'akaanahne. 9Angu ni jamaŋo anrumunne dáde, Yensa ayéj ñantaalibehinem amparerem sídeen k'ayifa na ki nim biki jamaŋo ampibisinem. 10Agida n'ajébunne jamaŋ ñanlabahi, ñanjébireŋo anwatayeh ba gumapunkánam. 11Faka jamaŋo mi fáguhoŋo aŋŋanne, banfégi Yensa anneneh a binaanam anyíililineh k'anyéjeh:
- F’ugune Úbáku Díino!
12Banlóbi nim, Yensa lókiireŋ, k’atengaheeniŋ ki daha antéekin jamaŋo úmár agune hantaŋ.
Da Yensa acaabenne taalibenkinem haalaŋo ingi inako
13-15Afúrumi na, Yensa aŋaf a montaaño k'afúnn índiigeeno m’asíibane k’ankokay ingi úmár. Dam acaabencaaben índiigeen haala ingi inak m’ayéjhunuhne ñambúuñuraaŋo. Féger baŋ, acaabeneeniŋcaaben ki nim ampiren ankokay ingi úmár Yensa ingi k’apiren abúuñeeniŋ ba gukawandino. Angu índiigeeno immereŋ, Yensa afak anéereeniŋ sembe n’ampirenkinehne ankaan k’anfúnn fáguhoŋo. Bísibaŋo bímár, bahuyeeniŋ andék anjóg a binaanam. 16Inini, índiigeeno haalaŋo ingi inako mi Yensa acaabenne immemiye: Simon (mu Yensa aŋanne Piyer), ingi 17imberenku Sebedi, m’anyéjuhne Jak ingi údoonom Saŋ. Agida índonkayo, immereŋ Yensa aretne Bonerjes. Hómár ingine «m'ammíirne ingi hariganku díino.» Nim gareteeniŋne. 18Ingi Andáre, ingi Filip, ingi Batelemi, ingi Matiya, ingi Toma, ingi úbáku Alfiyus m'aretuhne Jak, ingi Tade ingi Simon m’abokerne fam ingi ñammi andepandaŋo, 19ingi Judas Iskariyot m'ajuliyane Yensa. Immereŋ angune índiigeeno Haalaŋo ingi Inako mi Yensa acaabenne.
Ho Yensa akaanahne, índukoŋo súumáreeniŋ
20Afúrumi na, Yensa akucor a montaaño ingi ñantaalibehinem aŋŋoolin ba a dígo. Baŋŋay hadéko jamaŋo antifilineeniŋ jup k'andék f'andék ampút a dígo n'akucunaane. Angu m'ansíibane sínfegayo ingi Yensa anrumunrumun tip fo haman úmár ingi ñantaalibehinem ba guyaahálaŋo yikinaaraŋaŋ. 21K'angu índukoŋo andék antéekin índoonenenkinem ingi nunom maro Yensa yikinaaraŋ guyaahálaŋo. Banyennehini hómár anyéj:
- Kanda úmár jébireŋ!
K’angu antuŋulor hadéko ba gúŋunjukunomer.
22A waato nómár ayikyik índiigeen m'anyéjehne ñankeekihu Hañaañeno. Angu immereŋ anfúrum Jerusalem andék ba imbi Yensa. Bampútri imbi Yensa anwonn na k'anningihem n’afúnnohne fáguhoŋo. Ankomb gúyejo:
- Jeh! Iblisa ummo na a binaanam. Aji úfegeŋ k'ahat gúfunnhu fáguhoŋo maŋ Iblisa ulaameku fámáráŋ anéeremne sembeŋo nómár. Maŋ úmár m’ayéjuhne Belsebul anéeremne sembeŋo nómár!
Nim ñankeekihu Hañaañeno ganyéjehne.
23Yensa bayennehini n'anyéjehne nim, ahuyureeniŋ ba a binaanam k'afúnnureeniŋ funaareŋeŋo unfuŋ ayéjeeniŋ:
- Ninkinan, eke úfegeŋfeg n'ífunnohne fáguhoŋo k’ulahaŋ karo Iblisa, ulaameku fámáráŋ anéereemne sembeŋo nómár? Inini, túyoreŋ k’imiihoonuŋ. Hóge Iblisa apiren atibaar Iblisa? Wówo! Dakaan nim. 24Eke aji jamaŋo ankomb biñaamo ingi jamanku didiirahánin, maasayaŋo nómár damiñ akoomhuneh. 25Iyoo! Maŋ nim ganik agune a bádimo mees. Aji ñamhu bádimo bámár ankombi burumo adék abicaháneh. 26Angu Iblisa mees, aji maasayahánam akaani habíd hanak k'ankomb biñaamo, maasayahánam nómár adék akoomhuneh. 27Eke wúur dapiren k'aŋan a díku úduk m'ayik sembe k'adooh nááfihinem ni néburom? Aji anébem mees akir apiren adék adooh h'asíibane adúgi.
Nim Yensa ayéjne ñankeekihu Hañaañeno dam. Afak aŋoolin ayéjeeniŋ:
28- Ingah! Janteneŋ baŋ k'íteekinoonuŋ marigeno: Díino abonkerhineh jamaŋo a gubaarhu jínuboŋ agurumaareŋ n’ankanne ingi gusutuno gugurumaareŋ g'ansutunne 29kanda wúur m'asutun Jamméejhu Díino Jarenninno, Díino dakafari jínubo nómár bandór. Jínubo nómár n’akanne aguyhuneh na baman dagurumaareŋ.
30Aji úfegeŋ ki Yensa atengaheeniŋ nim, a gubaarhu n'anyéjehne fáguh aŋanemne. Na ansutunsutun Jamméejhu Díino Jarenninno. Gúmár akanne Yensa atengaheeniŋ na.
Fo índoonenenku Yensa ingi nunom ampúturne a binaanam
31-32Afúrumi na, índoonenenku Yensa ingi nunom ampútor na a dígo no Yensa akucunaane. Bampútri ambúuñ wúur k’anhuyurom. Agida Yensa n’aguy a gufaco ingi jamaŋo jup m’ankolemne na anrumun. Wúuro adék alahun Yensa k’ayéjem:
- Ingah! Índoonenenken ingi nunkon imme na a bílido. Anyéji fi gansohálane.
33Fo wúuro alóbne nim Yensa ayéjem:
- Imbeeraŋ ingine índoonenenkum ingi nunkum?
34Agida n'aŋay buninghu jamaŋo m’annoone na ankoolom. Afak aŋoolin ayéj:
- Hantaŋ agune nunkum ingi índoonenenkum, ingi indimaanankum? Maŋ ninkinan nip nunenenkum ingi índoonenenkum, ingi indimaanankum. 35Aji úfegeŋ íyeji nim, maro ugurumaareŋ gakaanahne ho Díino asíibane, úmár ingine nunkum, údonkum wola udimankum.
Nim Yensa alóbne.
Okuqokiwe okwamanje:
Mak 3: GD
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
Copyright Vision Intégrale, Senegal
Mak 3
3
Fo Yensa ajébunne údiigeeno mu silaho aniirone
1Afúrumi na, n’agune bísibaŋo bi guyohálaŋo Yensa aŋoolin ba a jaameŋo. Ayikyik na dam údiigeen mu silakánam aniiro. 2Kanda índukoŋo m'anrahne na ansíiba bunenunku Yensa. Angu ankorosom hóbun k'anfég karo ajébunkuneh údiigeeno úmár a bísibaŋo bi guyohálaŋo. 3Yensa ayéj údiigeeno mu silakánam aniirone:
- Dókulo nanka ki jamaŋo nip ampiren anfégo!
4Bayéjem nim údiigeeno akeng ki Yensa amiihul jamaŋo ayéj:
- Luwahu Díino, neeraŋ gamiihulne? Gukanku hójooni a bísibaŋo bi guyohálaŋo, karo gukanku hójondoŋo? Gupahunku duniyahu wúur, karo gubuj?
Balóbi nim, jamaŋo ankota si. 5Yensa aningeeniŋ ingi banuyonku jifa. Kanda afak aléerumem maro jamaŋo yikireŋeŋne bankabaŋ. Angu ayéj údiigeeno:
- Tukir silakan!
Akaan maŋ nim. Batukuli aŋoolin ajéb kaŋ iniman n'aguyerne.
6 Ñanfarasiyaŋo banfégi hómár ankeng anfúr a jaameŋo maŋ fam. Banfúri andék anrah ingi ñantífhu umaasaŋo m'aretuhne Herod, ki k’ampiren anjanfaham k’ambujom.
Da jamaŋo jup andékne imbi Yensa
7Yensa ingi ñantaalibehinem anfúr a jaameŋo k’andék bi jakaamo. Jamaŋo jup anfúrum a resiyoŋo ámár n’ayéjuhne Galile ba butifilinku Yensa k'anjantendikem. 8Ayikyik faka m'anfúrumor a didiirahu Júde ingi m'anfúrumorJerusalem ingi Idumiya ingi Tira ingi Sidon ingi didiiraŋo d'agune a gúbido goŋon gu jakanku Joodan. Immereŋ nip andékirne imbi Yensa anrumun tip maro anyennehinyennehin h'akaanahne. 9Angu ni jamaŋo anrumunne dáde, Yensa ayéj ñantaalibehinem amparerem sídeen k'ayifa na ki nim biki jamaŋo ampibisinem. 10Agida n'ajébunne jamaŋ ñanlabahi, ñanjébireŋo anwatayeh ba gumapunkánam. 11Faka jamaŋo mi fáguhoŋo aŋŋanne, banfégi Yensa anneneh a binaanam anyíililineh k'anyéjeh:
- F’ugune Úbáku Díino!
12Banlóbi nim, Yensa lókiireŋ, k’atengaheeniŋ ki daha antéekin jamaŋo úmár agune hantaŋ.
Da Yensa acaabenne taalibenkinem haalaŋo ingi inako
13-15Afúrumi na, Yensa aŋaf a montaaño k'afúnn índiigeeno m’asíibane k’ankokay ingi úmár. Dam acaabencaaben índiigeen haala ingi inak m’ayéjhunuhne ñambúuñuraaŋo. Féger baŋ, acaabeneeniŋcaaben ki nim ampiren ankokay ingi úmár Yensa ingi k’apiren abúuñeeniŋ ba gukawandino. Angu índiigeeno immereŋ, Yensa afak anéereeniŋ sembe n’ampirenkinehne ankaan k’anfúnn fáguhoŋo. Bísibaŋo bímár, bahuyeeniŋ andék anjóg a binaanam. 16Inini, índiigeeno haalaŋo ingi inako mi Yensa acaabenne immemiye: Simon (mu Yensa aŋanne Piyer), ingi 17imberenku Sebedi, m’anyéjuhne Jak ingi údoonom Saŋ. Agida índonkayo, immereŋ Yensa aretne Bonerjes. Hómár ingine «m'ammíirne ingi hariganku díino.» Nim gareteeniŋne. 18Ingi Andáre, ingi Filip, ingi Batelemi, ingi Matiya, ingi Toma, ingi úbáku Alfiyus m'aretuhne Jak, ingi Tade ingi Simon m’abokerne fam ingi ñammi andepandaŋo, 19ingi Judas Iskariyot m'ajuliyane Yensa. Immereŋ angune índiigeeno Haalaŋo ingi Inako mi Yensa acaabenne.
Ho Yensa akaanahne, índukoŋo súumáreeniŋ
20Afúrumi na, Yensa akucor a montaaño ingi ñantaalibehinem aŋŋoolin ba a dígo. Baŋŋay hadéko jamaŋo antifilineeniŋ jup k'andék f'andék ampút a dígo n'akucunaane. Angu m'ansíibane sínfegayo ingi Yensa anrumunrumun tip fo haman úmár ingi ñantaalibehinem ba guyaahálaŋo yikinaaraŋaŋ. 21K'angu índukoŋo andék antéekin índoonenenkinem ingi nunom maro Yensa yikinaaraŋ guyaahálaŋo. Banyennehini hómár anyéj:
- Kanda úmár jébireŋ!
K’angu antuŋulor hadéko ba gúŋunjukunomer.
22A waato nómár ayikyik índiigeen m'anyéjehne ñankeekihu Hañaañeno. Angu immereŋ anfúrum Jerusalem andék ba imbi Yensa. Bampútri imbi Yensa anwonn na k'anningihem n’afúnnohne fáguhoŋo. Ankomb gúyejo:
- Jeh! Iblisa ummo na a binaanam. Aji úfegeŋ k'ahat gúfunnhu fáguhoŋo maŋ Iblisa ulaameku fámáráŋ anéeremne sembeŋo nómár. Maŋ úmár m’ayéjuhne Belsebul anéeremne sembeŋo nómár!
Nim ñankeekihu Hañaañeno ganyéjehne.
23Yensa bayennehini n'anyéjehne nim, ahuyureeniŋ ba a binaanam k'afúnnureeniŋ funaareŋeŋo unfuŋ ayéjeeniŋ:
- Ninkinan, eke úfegeŋfeg n'ífunnohne fáguhoŋo k’ulahaŋ karo Iblisa, ulaameku fámáráŋ anéereemne sembeŋo nómár? Inini, túyoreŋ k’imiihoonuŋ. Hóge Iblisa apiren atibaar Iblisa? Wówo! Dakaan nim. 24Eke aji jamaŋo ankomb biñaamo ingi jamanku didiirahánin, maasayaŋo nómár damiñ akoomhuneh. 25Iyoo! Maŋ nim ganik agune a bádimo mees. Aji ñamhu bádimo bámár ankombi burumo adék abicaháneh. 26Angu Iblisa mees, aji maasayahánam akaani habíd hanak k'ankomb biñaamo, maasayahánam nómár adék akoomhuneh. 27Eke wúur dapiren k'aŋan a díku úduk m'ayik sembe k'adooh nááfihinem ni néburom? Aji anébem mees akir apiren adék adooh h'asíibane adúgi.
Nim Yensa ayéjne ñankeekihu Hañaañeno dam. Afak aŋoolin ayéjeeniŋ:
28- Ingah! Janteneŋ baŋ k'íteekinoonuŋ marigeno: Díino abonkerhineh jamaŋo a gubaarhu jínuboŋ agurumaareŋ n’ankanne ingi gusutuno gugurumaareŋ g'ansutunne 29kanda wúur m'asutun Jamméejhu Díino Jarenninno, Díino dakafari jínubo nómár bandór. Jínubo nómár n’akanne aguyhuneh na baman dagurumaareŋ.
30Aji úfegeŋ ki Yensa atengaheeniŋ nim, a gubaarhu n'anyéjehne fáguh aŋanemne. Na ansutunsutun Jamméejhu Díino Jarenninno. Gúmár akanne Yensa atengaheeniŋ na.
Fo índoonenenku Yensa ingi nunom ampúturne a binaanam
31-32Afúrumi na, índoonenenku Yensa ingi nunom ampútor na a dígo no Yensa akucunaane. Bampútri ambúuñ wúur k’anhuyurom. Agida Yensa n’aguy a gufaco ingi jamaŋo jup m’ankolemne na anrumun. Wúuro adék alahun Yensa k’ayéjem:
- Ingah! Índoonenenken ingi nunkon imme na a bílido. Anyéji fi gansohálane.
33Fo wúuro alóbne nim Yensa ayéjem:
- Imbeeraŋ ingine índoonenenkum ingi nunkum?
34Agida n'aŋay buninghu jamaŋo m’annoone na ankoolom. Afak aŋoolin ayéj:
- Hantaŋ agune nunkum ingi índoonenenkum, ingi indimaanankum? Maŋ ninkinan nip nunenenkum ingi índoonenenkum, ingi indimaanankum. 35Aji úfegeŋ íyeji nim, maro ugurumaareŋ gakaanahne ho Díino asíibane, úmár ingine nunkum, údonkum wola udimankum.
Nim Yensa alóbne.
Okuqokiwe okwamanje:
:
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
Copyright Vision Intégrale, Senegal