ACT 1
1
पवित्र आत्माद अभिवचन — 1:1-26
पवित्र आत्माद ओळख
1हे थियफिल, येशुड येम पहिलाकेल नेरप्या इंगा शेशा, दान बद्दल निन पहिला पुस्तकला राशीनान, 2आ दिनमु नंताक यप्पुड वाड स्वर्गलोंग तिस्कुनेदेंक वच्या. इ आज्ञाल वाड पवित्र आत्माता निवडाशीने प्रेषितलाक इच्या. 3सच्चीनेंका पण येशुड स्वतान शेंगेम पक्का प्रमाणलाता वार मुंदार जित्ता सुप्या. इदी सुपीच्ची चाळीस दिवस नंताक वाड वारकी दर्शन इद्दु, इंगा परमेश्वर राज्य बद्दल माटलाडदु. 4वाड वार जताक एकांतला उंडीनाप्पुड वाड वारकी आज्ञा इच्या की, “यरुशलेम शहर इडशी फोकुंडा तर आब्बाड इच्चीने, या अभिवचन बद्दल, मीर ना तीकेल इंटीर दानदी दावा सुडना. 5येनटीक की तर योहान मिद नेळाता बाप्तिस्मा शेशीनाड पण काही नाळाक मिद बाप्तिस्मा पवित्र आत्माता आय्यी.”#मत्तय 3:11.
येशुनदी स्वर्गारोहण
मार्क 16:19-20; लूक 24:50-53
6तर यप्पुड प्रेषितलु येशुन जताक उंडीर येशुन आडगीर, “प्रभु, नु इद्दे वेळला इस्राएलदी राज्य वापस स्थापित शेशाव येम?” 7येशुड उत्तर इच्या, “आब्बाड स्वता अधिकारला काळ इंगा वेळ फेट्टीनाड आय ओळखाशेद मिद फनी लेद. 8यप्पुड पवित्र आत्मा मी मिंदा वच्ची, आप्पुड मिक सामर्थ्य शिक्की, इंगा यरुशलेम शहरला इंगा आंता यहुदीयाला इंगा शोमरोन प्रांतला, इंगा पृथ्वी कोपर्याल नंताक मीर ना साक्षी आय्यार.” 9इल्ला शप्पीनेंका वार कंडला मुंदार वान फैनिक तिस्कुनेदेंक वच्या, इंगा ढगला इचांग शिष्यलाक वाड कमसाक फो. 10इंगा वाड फोयेताप्पुड यप्पुड वार मोडाम तीकुड बारकाईता सुदुर, आप्पुड सुडना, तेल्लाय बट्टाल फेटकुन्नोर इद्दार मन्सुल वार देगार वच्ची नीला फडीर. 11इंगा वार इल्ला आनीर, “अरे गालीललोन मंदीलाला, मीर नीला फडी मोडाम तीकुड येनटीक सुस्तुनार? इडे येशुड यवान मी देगाटेल स्वर्गलोंग तिस्कुनेदेंक वच्चीनाड? यल्ला मीर वान स्वर्गलोंग फोयेताप्पुड सुस्तीर आल्ले वाड वापस वच्ची.”
बारावा प्रेषितदी नियुक्ती
12मंग वार जैतुन कोंडा मिंदकेल यरुशलेम शहरकी वापस वच्चीर याद यरुशलेम शहर देगार वगा शब्बाथ दिनमु किलोमीटर इंता धुराम उंडाद. 13इंगा यप्पुड वार आ शहरकी पोहचाशीर आप्पुड वार माडी मिंदुड वगा खोलीलोंग यंदु पेत्र, योहान, याकोब, अंद्रिया, फिलिप्प, थोमा, बर्थलमय, मत्तय, अल्फिन कोडकु याकोब, इंगा शिमोन जिलोत इंगा याकोब कोडकु यहूदा इर उंडीर, आंदुक फोईर. 14आंदु इर आंता मंदी इंगा शेंगेम आंड्योर, येशुन आम्मा मरीयाद, इंगा वान तम्मुळ्ळु वगामनता प्रार्थना शेयदुर.
15आ दिनमुलाला पेत्रड एकशेवीस विश्वासी मंदी नडमा नीला फडी आन्या, 16“हे आक्का-तम्मुळ्ळालाला, येशुन फट्टी इच्चेतोन यहूदान बद्दल पवित्र आत्मा दाविद नोरता याद भविष्यवाणी पहिलाने शेशीन्या, आदी पवित्र शास्त्रलाला राशीनेद पुर्ण आय्येद आवश्यक उंड्या.#स्तोत्रसंहिता 41:9. 17यहूदाड मना गट लोन्टोड मनशी उंड्या इंगा इ सेवाला सहभागी आयन्या.” 18(वाड स्वता वाईट फनुलाता शेन कोन्कुन्या. इंगा वाड मुती मिंदा फड्या आंका वानदी कडपु शिंगी वानी आन्नी फेगुल बैटीक फड्या. 19इदी यरुशलेम शहरला निलचेतोर आंदारकी यरका आयनाद आंका वार भाषाला आ शेनकी हकलदमा, आंटे रक्तामदी शेन, इदी फेर फडीनाद.) 20स्तोत्रसंहिताला राशीनेद उंडाद की, वानदी इल्लु उद्धवस्त कावाला, इंगा दांटल्या यवारुच निलवाराद. इंगा वानदी पद यवाडाना इंगोगोड तिस्कुनाला.#स्तोत्रसंहिता 69:23; 109:8.
21दिनिचांग, प्रभु येशुड, यन्नी नाळ मना जताक उंड्या, आंटे योहान बाप्तिस्मा केल तर येशुन स्वर्गलोंग तिस्कुनेदेंक वच्या आबद नंताक, या मंदी मना जताक उंडीर. 22वार दिंटल्योन्केले वगाड मना जताक वान पुनरुत्थान साक्षीदार कावाबेक. 23आप्पुड वार इद्दार मनसुलान नीला फडा मतीर, वगान युसुफनी यवान बर्सबा आंटार, यवानदी उपनाव युस्त उंड्या, इंगा इंगोगोन मत्थियान. 24इंगा इल्ला आनी वार प्रार्थना शेशीर, “हे प्रभु नु आंदारी मनलु गुरतु फटताव, 25इदी सेवकपद इंगा प्रेषितपद इडशी वान जागालोंग फोयने यहूदानदी पद यवारकी शिक्काला, इ इद्दार लोन्केल नु यवारनी निवडाशीनाव आदी शप.” 26मंग वार आ इद्दार इचांग चिट्ठील येशी नेंका मत्थियान फेरुद चिट्टी यल्या; आप्पुड वान अकरा प्रेषितला जताक कोल्चेदेंक वच्या.
Okuqokiwe okwamanje:
ACT 1: WNT
Qhakambisa
Kopisha
Qhathanisa
Dlulisela
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
ACT 1
1
पवित्र आत्माद अभिवचन — 1:1-26
पवित्र आत्माद ओळख
1हे थियफिल, येशुड येम पहिलाकेल नेरप्या इंगा शेशा, दान बद्दल निन पहिला पुस्तकला राशीनान, 2आ दिनमु नंताक यप्पुड वाड स्वर्गलोंग तिस्कुनेदेंक वच्या. इ आज्ञाल वाड पवित्र आत्माता निवडाशीने प्रेषितलाक इच्या. 3सच्चीनेंका पण येशुड स्वतान शेंगेम पक्का प्रमाणलाता वार मुंदार जित्ता सुप्या. इदी सुपीच्ची चाळीस दिवस नंताक वाड वारकी दर्शन इद्दु, इंगा परमेश्वर राज्य बद्दल माटलाडदु. 4वाड वार जताक एकांतला उंडीनाप्पुड वाड वारकी आज्ञा इच्या की, “यरुशलेम शहर इडशी फोकुंडा तर आब्बाड इच्चीने, या अभिवचन बद्दल, मीर ना तीकेल इंटीर दानदी दावा सुडना. 5येनटीक की तर योहान मिद नेळाता बाप्तिस्मा शेशीनाड पण काही नाळाक मिद बाप्तिस्मा पवित्र आत्माता आय्यी.”#मत्तय 3:11.
येशुनदी स्वर्गारोहण
मार्क 16:19-20; लूक 24:50-53
6तर यप्पुड प्रेषितलु येशुन जताक उंडीर येशुन आडगीर, “प्रभु, नु इद्दे वेळला इस्राएलदी राज्य वापस स्थापित शेशाव येम?” 7येशुड उत्तर इच्या, “आब्बाड स्वता अधिकारला काळ इंगा वेळ फेट्टीनाड आय ओळखाशेद मिद फनी लेद. 8यप्पुड पवित्र आत्मा मी मिंदा वच्ची, आप्पुड मिक सामर्थ्य शिक्की, इंगा यरुशलेम शहरला इंगा आंता यहुदीयाला इंगा शोमरोन प्रांतला, इंगा पृथ्वी कोपर्याल नंताक मीर ना साक्षी आय्यार.” 9इल्ला शप्पीनेंका वार कंडला मुंदार वान फैनिक तिस्कुनेदेंक वच्या, इंगा ढगला इचांग शिष्यलाक वाड कमसाक फो. 10इंगा वाड फोयेताप्पुड यप्पुड वार मोडाम तीकुड बारकाईता सुदुर, आप्पुड सुडना, तेल्लाय बट्टाल फेटकुन्नोर इद्दार मन्सुल वार देगार वच्ची नीला फडीर. 11इंगा वार इल्ला आनीर, “अरे गालीललोन मंदीलाला, मीर नीला फडी मोडाम तीकुड येनटीक सुस्तुनार? इडे येशुड यवान मी देगाटेल स्वर्गलोंग तिस्कुनेदेंक वच्चीनाड? यल्ला मीर वान स्वर्गलोंग फोयेताप्पुड सुस्तीर आल्ले वाड वापस वच्ची.”
बारावा प्रेषितदी नियुक्ती
12मंग वार जैतुन कोंडा मिंदकेल यरुशलेम शहरकी वापस वच्चीर याद यरुशलेम शहर देगार वगा शब्बाथ दिनमु किलोमीटर इंता धुराम उंडाद. 13इंगा यप्पुड वार आ शहरकी पोहचाशीर आप्पुड वार माडी मिंदुड वगा खोलीलोंग यंदु पेत्र, योहान, याकोब, अंद्रिया, फिलिप्प, थोमा, बर्थलमय, मत्तय, अल्फिन कोडकु याकोब, इंगा शिमोन जिलोत इंगा याकोब कोडकु यहूदा इर उंडीर, आंदुक फोईर. 14आंदु इर आंता मंदी इंगा शेंगेम आंड्योर, येशुन आम्मा मरीयाद, इंगा वान तम्मुळ्ळु वगामनता प्रार्थना शेयदुर.
15आ दिनमुलाला पेत्रड एकशेवीस विश्वासी मंदी नडमा नीला फडी आन्या, 16“हे आक्का-तम्मुळ्ळालाला, येशुन फट्टी इच्चेतोन यहूदान बद्दल पवित्र आत्मा दाविद नोरता याद भविष्यवाणी पहिलाने शेशीन्या, आदी पवित्र शास्त्रलाला राशीनेद पुर्ण आय्येद आवश्यक उंड्या.#स्तोत्रसंहिता 41:9. 17यहूदाड मना गट लोन्टोड मनशी उंड्या इंगा इ सेवाला सहभागी आयन्या.” 18(वाड स्वता वाईट फनुलाता शेन कोन्कुन्या. इंगा वाड मुती मिंदा फड्या आंका वानदी कडपु शिंगी वानी आन्नी फेगुल बैटीक फड्या. 19इदी यरुशलेम शहरला निलचेतोर आंदारकी यरका आयनाद आंका वार भाषाला आ शेनकी हकलदमा, आंटे रक्तामदी शेन, इदी फेर फडीनाद.) 20स्तोत्रसंहिताला राशीनेद उंडाद की, वानदी इल्लु उद्धवस्त कावाला, इंगा दांटल्या यवारुच निलवाराद. इंगा वानदी पद यवाडाना इंगोगोड तिस्कुनाला.#स्तोत्रसंहिता 69:23; 109:8.
21दिनिचांग, प्रभु येशुड, यन्नी नाळ मना जताक उंड्या, आंटे योहान बाप्तिस्मा केल तर येशुन स्वर्गलोंग तिस्कुनेदेंक वच्या आबद नंताक, या मंदी मना जताक उंडीर. 22वार दिंटल्योन्केले वगाड मना जताक वान पुनरुत्थान साक्षीदार कावाबेक. 23आप्पुड वार इद्दार मनसुलान नीला फडा मतीर, वगान युसुफनी यवान बर्सबा आंटार, यवानदी उपनाव युस्त उंड्या, इंगा इंगोगोन मत्थियान. 24इंगा इल्ला आनी वार प्रार्थना शेशीर, “हे प्रभु नु आंदारी मनलु गुरतु फटताव, 25इदी सेवकपद इंगा प्रेषितपद इडशी वान जागालोंग फोयने यहूदानदी पद यवारकी शिक्काला, इ इद्दार लोन्केल नु यवारनी निवडाशीनाव आदी शप.” 26मंग वार आ इद्दार इचांग चिट्ठील येशी नेंका मत्थियान फेरुद चिट्टी यल्या; आप्पुड वान अकरा प्रेषितला जताक कोल्चेदेंक वच्या.